നടി ദര്‍ശന ദാസ് വിവാഹിതയായി! സീരിയലില്‍ നിന്നും പിന്മാറിയതിനെ കുറിച്ച് നടിയുടെ വെളിപ്പെടുത്തല്‍

കറുത്ത് മുത്ത്, പട്ടുസാരി, സുമംഗലി ഭവ എന്നിങ്ങനെയുള്ള സീരിയലുകൡലൂടെ ശ്രദ്ധേയായ നടിയാണ് ദര്‍ശന ദാസ്. ഹിറ്റ് സീരിയലുകളില്‍ നായികയായിട്ടും വില്ലത്തിയായും തിളങ്ങി നിന്നതോടെ ദര്‍ശനയെ പ്രേക്ഷകര്‍ ഇരുകൈയും നീട്ടി സ്വീകരിച്ചു. കറുത്ത മുത്ത് എന്ന സീരിയലിലെ വില്ലത്തി വേഷം ഏറെ തരംഗമുണ്ടാക്കിയിരുന്നു. ഇതിനിടെയാണ് സീ കേരളത്തില്‍ സംപ്രേക്ഷണം ചെയ്യുന്ന സുമംഗലി ഭവ എന്ന പരമ്പരയില്‍ ദര്‍ശന നായികയായിട്ടെത്തുന്നത്.

അഭിനയിക്കാനുള്ള കഴിവ് ആദ്യ പരമ്പരയിലൂടെ തന്നെ നടി തെളിയിച്ചു. തനിക്ക് കിട്ടിയ ഓരോ വേഷങ്ങളും മനോഹരമാക്കാന്‍ ദര്‍ശനയ്ക്ക് കഴിഞ്ഞിരുന്നു. ദേവി എന്ന സാധാരണക്കാരിയുടെ വേഷത്തിലായിരുന്നു പരമ്പരയില്‍ ദര്‍ശന അഭിനയിച്ച് കൊണ്ടിരുന്നത്. ഭര്‍ത്താവിനെ കണ്ണുമടച്ച് വിശ്വസിച്ചിരുന്ന ദേവിയ്ക്ക് പെട്ടെന്നുള്ള ഭര്‍ത്താവിന്റെ ആക്രണത്തില്‍ മരിക്കേണ്ടി വരുന്നു. ദേവിയെ പെട്ടെന്ന് കാണാതായതോടെ ആരാധകരും നിരാശയിലായി.

പിന്നാലെ ദര്‍ശന ദാസ് സീരിയലില്‍ നിന്നും പിന്മാറിയെന്ന തരത്തില്‍ വാര്‍ത്തകളും പ്രചരിച്ചു. പെട്ടെന്നുള്ള പിന്മാറ്റം പല ഊഹപോഹങ്ങള്‍ക്കും വഴിയൊരുക്കി. ഇതോടെ ദര്‍ശനയ്ക്ക് എന്ത് പറ്റിയെന്ന് അന്വേഷിച്ച് ആരാധകരും രംഗത്തെത്തി. ഇതോടെയാണ് പലരും നടിയുടെ വിവാഹ വാര്‍ത്ത അറിയുന്നത്. കുറേ കാലമായി സീരിയലില്‍ നിന്നും പിന്മാറണമെന്ന് തോന്നിയിരുന്നു. അത് മാനസികമായി പൊരുത്തപ്പെടാന്‍ ആകാത്തത് കൊണ്ട് മാത്രമാണ് പിന്‍വാങ്ങിയത്. അല്ലാതെ ആരുമായും ഉണ്ടായ പ്രശ്‌നങ്ങള്‍ മുഖാന്തിരം ആയിരുന്നില്ലെന്നും താരം പ്രതികരിച്ചു.

ബോക്‌സോഫീസ് രാജാവ് അക്ഷയ് കുമാര്‍ തന്നെ! ഒരു വര്‍ഷം സ്വന്തമാക്കിയത് 665 കോടി

ഡിസംബര്‍ അഞ്ചിന് താന്‍ വിവാഹിത ആയതായും ജനുവരി നാലിന് സുഹൃത്തുക്കള്‍ക്കായി വിവാഹ സത്കാരം നടത്തുന്നുണ്ടെന്നും ദര്‍ശന അറിയിച്ചു.
സുമംഗലി ഭവ സീരിയലിന്റെ അസിസ്റ്റന്റ് ഡയറക്ടര്‍ ആയിരുന്ന അനൂപ് കൃഷ്ണനാണ് ദര്‍ശനയുടെ ഭര്‍ത്താവ്. കുറേ വര്‍ഷങ്ങളായി ഞങ്ങള്‍ സൗഹൃദത്തില്‍ ആയിരുന്നെന്നും പിന്നീട് അത് പ്രണയമാവുകയുമായിരുന്നു. വിവാഹം പുറത്ത് അറിഞ്ഞിരുന്നില്ലെങ്കിലും വിവാഹ വിരുന്നിന് വേണ്ടി കാത്തിരിക്കുകയാണ് ആരാധകര്‍.

മിസ്റ്റര്‍ ബോബനൊപ്പം കൊച്ച് കുഞ്ചാക്കോ, അച്ഛന് ഹൃദയസ്പർശിയായ പിറന്നാള്‍ ആശംസ നേര്‍ന്ന് ചാക്കോച്ചൻ