താൻ വിവാഹം കഴിക്കുന്നത് അച്ഛനും അമ്മയ്ക്കും ഇഷ്ടമായിരുന്നില്ല, കടന്നു പോയ വഴികളെ കുറിച്ച് നടി

മലയാളി പ്രേക്ഷകരുടെ പ്രിയപ്പെട്ട നടിയാണ് കാലടി ഓമന. നാടകത്തിൽ നിന്നാണ് മിനിസ്ക്രീനിലും ബിഗ് സ്ക്രീനിലും നടി സജീവമാവുന്നത്. വീട്ടിലെ സാമ്പത്തിക പ്രശ്നത്തെ തുടർന്നാണ് അഭിനയത്തിലേയ്ക്ക് എത്തുന്നത്. നാടകങ്ങളിൽ നിന്നും സിനിമയിലേക്ക് എത്തിയ ഓമന പിന്നീട് ചെറുതും വലുതുമായ നിരവധി വേഷങ്ങൾ ആണ് ചെയ്തത് . ഇപ്പോഴിത തന്റെ ജീവിതത്തെ കുറിച്ചും കടന്നു വന്ന പാതയെ കുറിച്ചും മനസ് തുറക്കുകയാണ് നടി കാലടി ഓമന. ആനീസ് കിച്ചണിൽ അതിഥിയായി എത്തിയപ്പോഴാണ് മനസ് തുറന്നത്.

കുഞ്ഞുപ്രായത്തിൽ തന്നെ അച്ഛനേയും അമ്മയേയും നോക്കി തുടങ്ങിയതും ഞാൻ തന്നെ ആയിരുന്നു. അഞ്ചാറ് വയസ്സ് ഉള്ളപ്പോൾ ആണ് അഭിനയം തുടങ്ങുന്നത്. കലയോടുള്ള സ്നേഹം ആയിരുന്നില്ല ദാരിദ്ര്യം ആയിരുന്നു അഭിനയ മേഖലയിലേക്ക് എത്തിച്ചത്. നമുക്ക് ജീവിക്കാൻ ഉള്ള ചുറ്റുപാടുകൾ ഉണ്ടായിരുന്നില്ല. അച്ഛന് ആകെ ഒരു മാടക്കട ആയിരുന്നു ഉണ്ടായിരുന്നതും. അച്ഛനും അമ്മയും അനുജത്തിയും അടങ്ങുന്നതായിരുന്നു കുടുംബം എന്ന് പറയുന്ന അഭിമുഖമാണ് വൈറലായി മാറുന്നത്.

ജീവിക്കാനുള്ള പ്രയാസം കൊണ്ടാണ് അഭിനയരംഗത്തേക്ക് എത്തിയതും. ഞാൻ ഇപ്പോഴും ആലോചിക്കാറുണ്ട്, ഞാൻ കുഞ്ഞുന്നാൾ മുതൽ കഷ്ടപെട്ടിട്ടാണ് എന്റെ അച്ഛനെയും അമ്മയേയും നോക്കിയതെന്ന്. എന്റെ കഷ്ടപ്പാടും ബുദ്ധിമുട്ടുകളും കണ്ടിട്ടാകണം നല്ല ഹൃദയം ഉള്ള ഒരു മനുഷ്യന് എന്നോട് ഇഷ്ടം തോന്നുകയും വിവാഹം കഴിക്കാനുള്ള ആഗ്രഹം പറയുകയും നല്ലൊരു ജീവിതം തരികയും ചെയ്യുന്നത്.

ഒറ്റവരിക്ക് നിർത്താനുള്ള ജീവിതവും ആയിരുന്നില്ല എന്റേത്. ഒരുപാട് കഷ്ടതകളും യാതനകളും അനുഭവിച്ച ജീവിതം ആയിരുന്നു എന്റേത്. പതിനാറുവയസ്സ് ഉള്ളപ്പോൾ ആയിരുന്നു നാടകത്തിൽ വരുന്നത്. കാശ് കളയാതെ സൂക്ഷിക്കണം വീട് വേണം, ദാരിദ്ര്യമില്ലാതെ ജീവിക്കണം എന്നായിരുന്നു ലക്ഷ്യവും. ഇന്നും എനിക്ക് ധൂർത്തടിക്കാൻ ഇഷ്ടമല്ല. ജീവിതത്തിലെ പ്രയാസം അറിഞ്ഞുകൊണ്ടുള്ള ജീവിതം ആയതുകൊണ്ടാണ് ഇന്നും തുടരുന്നത്.

നാടകത്തിലെ കഷ്ടപ്പാടുകളും, ദുരിതങ്ങളുമായി ജീവിക്കുമ്പോഴാണ് അയൽവാസിക്കു പ്രണയം തോന്നുന്നത്. എന്നാൽ ഞാൻ കല്യാണം കഴിച്ചു പോയാൽ കുടുംബം പട്ടിണി ആകില്ലേ. അതുകൊണ്ടുതെന്ന് അച്ഛനും അമ്മയ്ക്കും ഇഷ്ടമല്ലായിരുന്നു ഞാൻ വിവാഹം കഴിക്കുന്നത്. ഞാൻ പോയാൽ എങ്ങനെ ജീവിക്കും എന്ന് ഓർത്തുകൊണ്ട് വിവാഹം പത്തുവര്ഷമാണ് നീണ്ടു പോയത്. നാടകനടി ആയതുകൊണ്ടുതന്നെ പുള്ളിയുടെ വീട്ടിലും പ്രശ്നങ്ങൾ ഉണ്ടായി.

പത്തുവർഷത്തെ സ്നേഹത്തിനു ശേഷമാണു ഞാൻ വിവാഹം കഴിച്ചത്. അനുജത്തിയുടെ വിവാഹം, അമ്മയ്ക്ക് വീട് ഇതൊക്കെ ചെയ്തു കുടുംബത്തെ ഒരു നിലക്ക് ആക്കിയ ശേഷമാണു ഞാൻ വിവാഹം കഴിക്കുന്നത്. അമ്മ ഒരുപാട് കഷ്ടപെട്ടിട്ടാണ് ജീവിച്ചത്, എന്ന് മക്കളോട് പറയാറുണ്ട് രണ്ടു പെൺകുട്ടികൾ ആയിരുന്നു. അധ്യാപകൻ ആയിരുന്നു ഭർത്താവ്. വിവാഹം കഴിഞ്ഞ ശേഷം അഭിനയം ഞാൻ നിർത്തുകയായിരുന്നു. മൂത്ത മകൾക്ക് പത്തുവയസ്സ് ആയ ശേഷമാണ് പിന്നീട് അഭിനയത്തിലേക്ക് മടങ്ങിയെത്തുന്നത്.