ഞങ്ങള്‍ അടി കൂടുമ്പോള്‍ എന്തോ നല്ലത് വരാന്‍ പോവുകയാണെന്ന് അറിയാം; വിജയ് ബാബുവും സാന്ദ്രയും അന്ന് പറഞ്ഞത്

രണ്ടാളുടെയും സ്വഭാവം മാച്ചിങ്ങ് ആയത് കൊണ്ടാണോ ബിസിനസില്‍ വിജയിക്കുന്നതെന്നാണ് ആനി ചോദിച്ചത്.

എന്നാല്‍ രണ്ടാളും രണ്ട് വ്യത്യസ്ത ധ്രുവങ്ങളില്‍ നില്‍ക്കുന്നവരാണ്. അതാണ് ഈ മാച്ചിങ്ങിന് പിന്നിലെന്നാണ് വിജയ് ബാബു പറയുന്നത്. ഏത് നേരവും തല്ലുണ്ടാക്കും. ഇപ്പോഴാണെങ്കിലും ഞങ്ങള്‍ തല്ലുണ്ടാക്കിയിട്ടാണ് വന്നിരിക്കുന്നത്. ഡെയ്‌ലി സാന്ദ്രയുമായി രണ്ട് ദിവസമെങ്കിലും വഴക്കുണ്ടാക്കാത്ത ദിവസങ്ങളില്ലെന്നാണ് വിജയ് പറഞ്ഞത്.

എല്ലാ കാര്യത്തിലും നേരെ വിപരീതമായ അഭിപ്രായമാണുള്ളതെന്ന് സാന്ദ്രയും സൂചിപ്പിക്കുന്നു. എന്റെ വീക്ക്‌നെസുകളെല്ലാം സാന്ദ്രയ്ക്ക് ഇഷ്ടമാണ്. സാന്ദ്രയ്ക്ക് ഇഷ്ടമില്ലാത്തതൊക്കെ എനിക്കും ഇഷ്ടമാണ്. അതെവിടെയോ മാച്ച് ചെയ്യുമ്പോഴാണ് ഇങ്ങനെ വരുന്നത്.

ചിലപ്പോള്‍ അവള്‍ പറയുന്നതായിരിക്കും ശരി. അങ്ങനെ ഒരു അടി വരുമ്പോള്‍ കുറച്ച് പോസിറ്റീവ് അവിടുന്നും കുറച്ച് ഇവിടുന്നും വരും. അങ്ങനെ അത് നല്ല പ്രൊഡക്ടായി മാറും.

ഞങ്ങള്‍ അടി കൂടുമ്പോള്‍ എന്തോ നല്ലത് വരാന്‍ പോവുകയാണെന്ന് ഞങ്ങള്‍ക്കറിയാം. പ്രൊഡക്ഷനിലെ ജോലികള്‍ രണ്ടാളും പങ്കിട്ടാണ് ചെയ്യുന്നത്. ഞാന്‍ അഭിനയിക്കുന്നതില്‍ അവള്‍ ഇടപെടാറില്ല. എനിക്കിഷ്ടമുള്ളത് ഞാന്‍ തിരഞ്ഞെടുക്കും. നല്ല അഭിപ്രായങ്ങള്‍ പറയുമെന്നേയുള്ളു. നിര്‍മാണത്തിലേക്ക് വരുമ്പോള്‍ രണ്ടാളും രണ്ട് ഏരിയ തിരിച്ചിട്ടുണ്ട്.

പ്രൊഡക്ഷന്‍ മുഴുവന്‍ കണ്‍ട്രോള്‍ ചെയ്യുന്നത് സാന്ദ്രയാണ്. അതിന് മുന്നേയുള്ള സബ്ജക്ട് തിരഞ്ഞെടുക്കുന്നത്, കാസ്റ്റിങ്, കോസ്റ്റിങ്, ബിസിനസ് പ്ലാനിങ് ഒക്കെ ഞാനാണ്. എളുപ്പമുള്ള പണി എനിക്കാണ്. പത്ത് പതിനാറ് വര്‍ഷത്തോളം ഇത് തന്നെ ചെയ്യുന്നത് കൊണ്ട് തനിക്ക് എളുപ്പമാണതൊക്കെ. ഏറ്റവും ഇന്‍ഡസ്ട്രിങ് ഉള്ളതും അത് തന്നെയാണെന്ന് സാന്ദ്രയും പറയുന്നു.

തന്റെ പ്ലാനിങ്ങ് പേപ്പര്‍ ഞാന്‍ സാന്ദ്രയിലേക്ക് കൊടുക്കും. പിന്നെയുള്ള അറുപത് ദിവസത്തെ വര്‍ക്ക് അവളുടേതാണ്. പുള്ളിക്കാരിയുടെ കണ്‍ട്രോളിലാണ് ആ സെറ്റിലെ കാര്യങ്ങളൊക്കെ നടത്തുന്നത്.

ബിസിനസ് പ്ലാനിലുള്ള കോസ്റ്റില്‍ അത് തീര്‍ക്കുക എന്നത് സാന്ദ്രയുടെ കഴിവാണ്. അതില്‍ ഞാന്‍ ഇടപെടാറ് പോലുമില്ല. ഇനി ആ സിനിമയില്‍ ഞാന്‍ അഭിനയിക്കുന്നുണ്ടെങ്കിലും ഞാന്‍ സെറ്റില്‍ പോവുന്നത് ഒരു നടനായിട്ടാണ്.

ഇത്രയും സീനിയറായ എന്നെ സാന്ദ്ര മേഡം തെറി വിളിച്ചു സാര്‍, എന്ന് പറഞ്ഞ് പലരും എന്റെ അടുത്ത് പരാതിയുമായി വരാറുണ്ട്. അത് കേട്ടാലും ഞാന്‍ ഒരു സൈഡില്‍ കൂടി പോവുകയാണ് ചെയ്യാറുള്ളത്. കാരണം എന്തേലും പറയാന്‍ ചെയ്യാന്‍ ആ തെറി നമ്മളും കേള്‍ക്കേണ്ടി വരുമെന്ന് സാന്ദ്രയെ കുറിച്ച് വിജയ് പറയുന്നു.