കുടുംബവിളക്കിലെ സുമിത്രയുടെ മാറ്റത്തിന് പിന്നിൽ ഈ നടിയാണ്, പുതിയ വിശേഷം പങ്കുവെച്ച് താരം

സോഷ്യൽ സജീവമാണ് സംഗീത. തന്റെ കാഴ്ചപ്പാടുകളും അഭിപ്രായങ്ങളും പങ്കുവെച്ച് നടി രംഗത്ത് എത്താറുണ്ട്. ഇവയ്ക്കെല്ലാം മികച്ച പ്രേക്ഷക സ്വീകാര്യതയാണ് ലഭിതക്കുന്നത്. ഇപ്പോൾ സോഷ്യൽ മീഡിയയിൽ വൈറലാകുന്നത് സംഗീത പങ്കുവെച്ച ഒരു കുറിപ്പാണ്.

കലണ്ടറിന്റെ അവസാന താളും മറിഞ്ഞു കഴിഞ്ഞിട്ടും മറ്റൊരു വർഷം തുടങ്ങാത്തതു പോലെ ഒരിടവേള..ജന്മങ്ങളുണ്ടെങ്കിൽ അവയ്ക്കിടയിലെവിടെയോ വന്നു പോകുന്ന അവ്യക്തത അങ്ങനെയായിരിക്കണം..അറിയാതെ അതിലേക്കൊഴുകുന്ന ഒരു നദിയായിരിക്കണം ഞാൻ..എന്നിൽ നീ വരച്ചിട്ട അടയാളങ്ങൾ ചേർത്തു വയ്ക്കാൻ ഒരു പ്രതലം പോലുമില്ലാതെ,രണ്ടു ശ്വാസങ്ങൾക്കിടയിലെ അനിശ്ചിതത്വത്തിൽ,ഒരു ഒടുക്കത്തിനും മറ്റൊരു തുടക്കത്തിനുമിടയിലെ നിരർത്ഥകതയിൽ,അല്ലെങ്കിൽ ഞാനിങ്ങനെ ഒഴുകിപ്പടരുമായിരുന്നില്ലല്ലോ... എന്നായിരുന്നു താരത്തിന്റ വാക്കുകൾ.

സംഗീതയുടെ വരികൾ പ്രേക്ഷകരുടെ ഇടയിൽ ചർച്ചയായിട്ടുണ്ട്. മികച്ച പ്രതികരണമാണ് ലഭിക്കുന്നത്. നടിയുടെ പോസ്റ്റിനെ കുറിച്ചുള്ള അഭിപ്രായം പങ്കുവെയ്ക്കുന്നതിനോടൊപ്പം തന്നെ വിശേഷങ്ങളും ചോദിക്കുന്നുണ്ട്. ഇപ്പോള്‍ അഭിനയം - തിരക്കഥ ഒന്നുമില്ലേ .. കണ്ടിട്ട് ഒരുപാട് കാലമായി എന്ന് ഒരു ആരാധകൻ നടിയോട് ചോദിക്കുന്നുണ്ട്. ആരാധകരുടെ ചോദ്യത്തിന് മറുപടിയും സംഗീത നൽകുന്നുണ്ട്

Recommended Video

List Of 10 Highest Paid South Indian Actors 2021 | FilmiBeat Malayalam

ഇപ്പോൾ അഭിനയമില്ല. എഴുത്തു മാത്രമാണെന്നാണ് സംഗീത പറയുന്നത്.. 'കുടുംബ വിളക്ക് ' ,നൂറെപ്പിസോഡിനു ശേഷം സൂര്യ ടിവിയിലെ 'സ്വന്തം സുജാത'. , സൂര്യാ ടി വി യിൽ വരാൻ പോകുന്ന കാണാ കൺമണി എഴുതുന്നു. ഒപ്പം മഴവിൽ മനോരമയിൽ പുതിയൊരു പരമ്പരയുടെ ചർച്ചകൾ നടക്കുന്നു എന്ന് നടി ആരാധകന്റെ ചോദ്യത്തിന് ഉത്തരം നൽകി. കാണാകൺമണയും സ്വന്തം സുജാതയും സൂപ്പർ ആണെന്ന് ആരാധകർ പറയുന്നുണ്ട്.