സുബി ശരിക്കും ഒളിച്ചോടിയതായിരുന്നോ? ഓണ്‍ലൈനിലൂടെ കുഞ്ഞ് ജനിച്ച ആദ്യ വനിത താനാണെന്നും സുബി സുരേഷ്

'സുബി ഒളിച്ചോടി എന്ന് പറഞ്ഞ് എന്റെ വീട്ടിലേക്ക് വന്ന ഫോണ്‍വിളികള്‍ക്ക് കൈയ്യും കണക്കുമില്ല. വീട്ടില്‍ ഇരിക്കാന്‍ പോലും പറ്റാത്ത അവസ്ഥയായിരുന്നു. അതേ സമയം ലോക്ഡൗണ്‍ ആയിട്ട് പോലും നമ്മള്‍ പട്ടിണി കിടക്കുകയാണോ എന്നറിയാന്‍ ഒരു മനുഷ്യനും വിളിച്ചിട്ടില്ല. അമേരിക്കയില്‍ നിന്ന് വരെ എന്നെ വിളിച്ച് ഇതേ കുറിച്ച് ചോദിച്ചിട്ടുണ്ടെന്നാണ് സുബി പറയുന്നത്. ഇതിനിടെ സുബി മൂന്ന് കല്യാണം കഴിച്ചിട്ടുണ്ടെന്ന പ്രചരണങ്ങളെ കുറിച്ചും അവതാരകന്‍ ചോദിച്ചിരുന്നു. മൂന്ന് കല്യാണമൊക്കെ പ്രയാസമല്ലേ എന്ന എംജി ശ്രീകുമാറിന്റെ ചോദ്യത്തിന് ഒരെണ്ണം തന്നെ തങ്ങാന്‍ പറ്റുന്നില്ലെന്നാണ് സുബി മറുപടിയായി പറഞ്ഞത്.

സുബിയെ ആരെങ്കിലും പൂട്ടിയിട്ടുണ്ടോ എന്ന ചോദ്യത്തിന് ഇതുവരെ അങ്ങനൊരു അവസരം ഞാന്‍ ആര്‍ക്കും നല്‍കിയിട്ടില്ലെന്നാണ് സുബി പറയുന്നത്. പലവട്ടം പലരും ശ്രമിച്ചിട്ടുണ്ട്. പക്ഷേ ഞാന്‍ പൂട്ടാനായിട്ട് നിന്ന് കൊടുത്തിട്ടില്ല. അതില്‍ ഏറ്റവും കൂടുതല്‍ ശ്രമിച്ചതാരാണ് എന്ന ചോദ്യത്തിന് ജിംമ്പ്രൂട്ടന്‍ എന്നാണ് നടി പറയുന്നത്. രസകരമായ കൗണ്ടറുകളിലൂടെയും ചോദ്യോത്തരങ്ങളിലൂടെയും ഒക്കെയാണ് സുബി സുരേഷും എംജി ശ്രീകുമാറും പരിപാടിയുമായി മുന്നോട്ട് പോയത്. അതേ സമയം ഓണ്‍ലൈനിലൂടെ തനിക്ക് കുട്ടി ഉണ്ടായി എന്ന പ്രചരണങ്ങള്‍ക്കും സുബി വിശദീകരണം നല്‍കിയിരിക്കുകയാണ്.

Recommended Video

Actress subi suresh trolls feminists

കഴിഞ്ഞ കുറച്ച് നാളുകളായി സുബി സുരേഷിന്റെ പേരില്‍ നിരവധി വാര്‍ത്തകളാണ് വന്നിരുന്നത്. സുബി ബിഗ് ബോസിന്റെ വരാനിരിക്കുന്ന സീസണില്‍ പങ്കെടുക്കുന്നുണ്ട് എന്നാണ് ആദ്യം വന്ന വാര്‍ത്തകള്‍. അങ്ങനൊരു കാര്യം താന്‍ പോലും അറിഞ്ഞിട്ടില്ലെന്നാണ് താരം വിശദീകരണമായി നല്‍കിയത്. ഇതിനിടയിലാണ് സുബിയെ കാണാനില്ലെന്നും കണ്ട് കിട്ടുന്നവര്‍ ഉടനടി അറിയിക്കണമെന്നുള്ള വാര്‍ത്ത കുറിപ്പ് പുറത്ത് വരുന്നത്. വേറിട്ടൊരു പരസ്യവുമായി സുബിയും ചാനലും രംഗത്ത് വന്നതായിരുന്നു അത്.