'ഉപേക്ഷിച്ച് പോയിട്ടില്ല.... ഇപ്പോഴും കൂടെയുണ്ട്'; കാമുകന്റെ കൈ ചേർത്ത് പിടിച്ച് ജൂഹി റുസ്ത​ഗി

യുവാക്കൾ പോലും ഉപ്പും മുളകും എന്ന സീരിയലിന്റെയും അതിലെ അഭിനേതാക്കളുടെയും ആരാധകരാണ് ഇന്ന്. നിത്യജീവിതത്തിൽ സംഭവിക്കുന്ന ലളിതമായ കാര്യങ്ങളെ അതിന്റെ ഒർജിനാലിറ്റി നഷ്ടപ്പെടാതെയാണ് ഉപ്പും മുളകിൽ അവതരിപ്പിച്ചുകൊണ്ടിരുന്നത്. ബിജു സോപാനം, നിഷ സാരംഗ്, ഋഷി.എസ്കു.മാർ, ശിവാനി മേനോൻ, ജൂഹി റുസ്ത​ഗി, അൽസാബിത്ത് എന്നിവരാണ് സീരിയലിൽ പ്രധാന കഥാപാത്രങ്ങളെ അവതരിപ്പിച്ചത്. ഒറ്റ സീരിയൽ കൊണ്ട് ഇവരെല്ലാം ഇന്ന് വലിയ ആരാധകരുള്ള താരങ്ങളായി മാറി കഴിഞ്ഞു. അതിൽ ഏറ്റവും കൂടുതൽ ആരാധകരുള്ളത് സീരിയലിൽ ലച്ചുവെന്ന കഥാപാത്രത്തെ അവതരിപ്പിച്ച നടി ജൂഹി റുസ്​ഗതിക്കാണ്. അപ്രതീക്ഷിതമായി അഭിനയത്തിലേക്ക് വന്നതാണ് ജൂഹി.

ഇപ്പോൾ അഭിനയത്തിന് പുറമെ മോ‍ഡലിങിലും സജീവമാണ് ജൂഹി. അടുത്തിടെയാണ് താരത്തിന്റെ അമ്മ വാഹനാപകടത്തിൽ മരിച്ചത്. മകനൊപ്പം സ്കൂട്ടറിൽ സഞ്ചരിക്കുന്നതിനിടെ വാഹനമിടിച്ചാണ് ജൂഹിയുടെ അമ്മ മരിച്ചത്. അച്ഛൻ നേരത്തെ മരിച്ച ജൂഹിക്കും സഹോദരനും അമ്മ മാത്രമാണ് തുണയായി ഉണ്ടായിരുന്നത്. അമ്മയുടെ മരണം വലിയ ആഘാതമാണ് ജൂഹിയിൽ സൃഷ്ടിച്ചത്. അമ്മയുടെ മരണശേഷം സോഷ്യൽമീഡിയയിൽ നിന്ന് അകലം പാലിച്ച ജൂഹി അടുത്തിടെയാണ് ഉറ്റവരുടേയും സുഹൃത്തുക്കളുടേയും ആരാധകരുടേയും പിന്തുണയോടെ വീണ്ടും അഭിനയത്തിലേക്ക് തിരിച്ചെത്തിയത്. ഇപ്പോൾ ഉപ്പും മുളകിന്റെ പരിഷ്കരിച്ച പതിപ്പായ എരിവും പുളിയിലുമാണ് ജൂഹി അഭിനയിച്ച് കൊണ്ടിരിക്കുന്നത്. താരം വീണ്ടും അഭിനയത്തിലേക്ക് തിരികെ എത്തിയത് ആരാധകരിലും വലിയ സന്തോഷം സൃഷ്ടിച്ചിരുന്നു. ജൂഹിയെ പോലെ തന്നെ ഡോ.റോവിൻ ജോർജുമായുള്ള പ്രണയവും ആരാധകർക്ക് സുപരിചിതമാണ്.

Recommended Video

ജൂഹിയെ വിളിച്ചിരുന്നു, അവളോട് എന്ത് പറയാനാണ്..പറ്റുന്നില്ല | FilmiBeat Malayalam

റോവിനും മോഡലായി തിളങ്ങുന്ന വ്യക്തിയാണ്. ജൂഹിയുടെ അമ്മ മരിച്ചപ്പോഴും ശേഷവും ജൂഹിക്ക് തണലായി ഉണ്ടായിരുന്നത് റോവിനാണ്. മുമ്പും പലപ്പോഴും പൊതുപരിപാടികളിൽ‌ ജൂഹിയും റോവിനും ഒരുമിച്ച് എത്തിയിരുന്നു. എന്നാൽ മാസങ്ങളായി ഇരുവരും ഒരുമിച്ച് എവിടേയും പ്രത്യക്ഷപ്പെട്ടിരുന്നില്ല. അക്കാലത്ത് ഇരുവരും വേർപിരിഞ്ഞുവെന്ന തരത്തിൽ വാർത്തകളും വന്നിരുന്നു. ഇപ്പോൾ‌ മാസങ്ങൾക്ക് ശേഷം കാമുകനൊപ്പം ജൂഹി പൊതുവേദിയിൽ പ്രത്യക്ഷപ്പെട്ടിരിക്കുകയാണ്. റിലീസിനൊരുങ്ങുന്ന ഏറ്റവും പുതിയ സിനിമയായ ജിബൂട്ടിയുടെ പ്രത്യേക ഷോ കാണാനാണ് ജൂഹിയും കാമുകൻ ഡോ.റോവിനും എത്തിയത്. ഉപ്പും മുളകിന്റെ സംവിധായകനായ എസ്.ജെ സിനുവാണ് ജിബൂട്ടി സംവിധാനം ചെയ്തിരിക്കുന്നത്. അതിനാൽ തന്നെ താരങ്ങൾക്ക് വേണ്ടി ഒരുക്കിയ പ്രത്യേക ഷോ കാണാൻ ഉപ്പും മുളകിലൂടെ ജൂഹിക്കൊപ്പം ശ്രദ്ധേയരായ മറ്റ് നിരവധി താരങ്ങളും എത്തിയിരുന്നു. അമിത് ചക്കാലക്കലാണ് ജിബൂട്ടിയിൽ നായകൻ. കൊവിഡ് പ്രതിസന്ധികൾക്കുള്ളിൽ നിന്ന് ചിത്രീകരിച്ച സിനിമയാണ് ജിബൂട്ടി.