അമ്മയ്ക്ക് സങ്കടം ആ ഒരു കാര്യത്തിലാണ്, ഇടയ്ക്ക് കരയുന്നത് കാണാം, വിവാഹ വിശേഷം പങ്കുവെച്ച് എലീന

വിവാഹത്തിന് ഇനി വളരെ കുറച്ച് ദിവസങ്ങൾ മാത്രമാണുള്ളത്. ഇപ്പോഴിത കല്യാണ വിശേഷങ്ങൾ പങ്കുവെയ്ക്കുകയാണ് താരം. മനോരമ ഓൺലൈനോടാണ് എലീന മനസ് തുറക്കുന്നത്. ഒരു സങ്കട‍ത്തെ കുറിച്ചും എലീന പറയുന്നുണ്ട്. നടിയുടെ വാക്കുകൾ ഇങ്ങനെ... ജനുവരിയിലായിരുന്നു വിവാഹനിശ്ചയം. ആഗസ്റ്റ് ആകുമ്പോഴേയക്കും കൊവിഡ് പ്രതിസന്ധികൾ മാറുമെന്ന് വിചാരിച്ചാണ് ഡേറ്റ് തീരുമാനിച്ചത് എന്നാൽ അത് ഉണ്ടായില്ല. എങ്കിലും നിശ്ചയിച്ച സമയത്ത് തന്നെ വിവാഹം നടത്താൻ തീരുമാനിക്കുകയായിരുന്നു.

എന്നാൽ വിവാഹവുമായി ബന്ധപ്പെട്ട് ഒരുപാട് പ്രതീക്ഷകൾ ഒന്നും തന്നെയുണ്ടായിരുന്നില്ലെന്നും എലീന പറയുന്നു. ആഡംബരങ്ങളോടൊന്നും വലിയ താൽപര്യമില്ല. എന്നാൽ ഇപ്പോൾ സുഹൃത്തുക്കൾക്കും കസിൻസിനും വിവാഹത്തിൽ പങ്കെടുക്കാനാവണം എന്നുമാത്രമേ ആഗ്രഹിച്ചിട്ടുള്ളൂ. സുഹൃത്തുക്കളിൽ അധികം പേരും കേരളത്തിന് പുറത്തുള്ളവരാണ്. കസിൻസ് പലരും വിദേശത്താണ്. കൊവിഡ് നിയന്ത്രണങ്ങൾ നിലനിൽക്കുന്നത് കൊണ്ട് അവർക്കൊന്നും കല്യാണത്തിന് വരാനാവില്ല. ആക്കാര്യത്തിൽ ദുഃഖമുണ്ടെന്നും എലീന പറയുന്നു.

ഹിന്ദു-ക്രിസ്ത്യൻ ആചാരങ്ങൾ ഉൾപ്പെടുത്തി, വളരെ ലളിതമായിട്ടായിരിക്കും വിവാഹം നടക്കുക 26ാം തീയതി ഞാനും കുടുംബവും സുഹൃത്തുക്കളും കോഴിക്കോട്ടേയ്ക്ക് പോകും. വിവാഹത്തിന് ഒരു ടിപ്പിക്കൽ ഹിന്ദു വെഡ്ഡിങ് സാരി ആയിരിക്കും ധരിക്കുക. വിവാഹസാരി തയ്യാറാക്കുന്നത് ആര്യ നായർ എന്ന എന്റെ സുഹൃത്താണ്. വളരെ സിംപിളായ ഒരു സാരിയാണ്. എന്റെയും രോഹിത്തിന്റെ പേരിന്റെ ആദ്യത്തെ അക്ഷരങ്ങൾ ഉപയോഗിച്ചാണ് സാരി ഡിസൈൻ ചെയ്തിരിക്കുന്നത്. . അപ്പന്റെയും അമ്മയുടെയും പേര് സാരിയിൽ എഴുതണമെന്ന ഒരു ആഗ്രഹം മാത്രമാണ് ഞാൻ പറഞ്ഞത്. പിന്നെ അമ്മയുടെയും അപ്പയുടെയും ഒരു ആശംസ സാരിയിൽ ഉണ്ടാകും. അത് അവർ നേരിട്ട് ആര്യയെ അറിയിക്കുകയായിരുന്നു. സാരി കിട്ടുമ്പോൾ മാത്രമേ അതെന്താണെന്ന് എനിക്കറിയാനാവൂ. സ്വർണത്തിനോട് അത്ര താൽപര്യം ഇല്ല. എങ്കിലും ഹിന്ദു ആചാരപ്രകാരമുള്ള വെഡ്ഡിങ് ആയതുകൊണ്ട് കാഴ്ചയിൽ ഭംഗി കിട്ടാനായി വളരെ കുറച്ച് ആഭരണങ്ങൾ അണിയുമെന്നും എലീന പറയുന്നുക്രിസ്ത്യൻ വെഡ്ഡിങ് ലുക്കിലാണ് റിസപ്ഷന് എത്തുക. ഷാംപെയ്ൻ നിറത്തിലുള്ള ഗൗൺ ആണ് ധരിക്കുക.

അമ്മയുടെ വിഷമത്തെ കുറിച്ചും എലീന അഭിമുഖത്തിൽ പറയുന്നുണ്ട്. അമ്മ ഇടയ്ക്ക് ഇരുന്ന് കരയുന്നതു കാണാം. 'എന്നെ പിരിഞ്ഞു നിൽക്കണമല്ലോ, കല്യാണം കഴിഞ്ഞാൽ ഞാനിനി വീട്ടിലേക്ക് വരുമോ' എന്നല്ലാമാണ് അമ്മയുടെ ചിന്ത. പക്ഷേ സത്യം എന്തെന്നു വച്ചാൽ, വിവാഹം കഴിഞ്ഞ് ഏറെ വൈകാതെ ഷൂട്ടുകൾ തുടങ്ങും. അതിനു വീട്ടിൽ നിന്നു പോകുന്നതാണ് എളുപ്പം. അതുകൊണ്ട് ഏറെ വൈകാതെ വീട്ടിലേക്ക് തിരിച്ചെത്തും.പിന്നെ പുതിയൊരു ഫാമിലിയെ കിട്ടുന്നു, അവിടെ ഞാന്‍ എങ്ങനെ ആയിരിക്കും എന്നൊക്കെ ആലോചിക്കുമ്പോൾ എക്സൈറ്റ്മെന്റ് ഉണ്ടെന്നും വിവാഹത്തെ കുറിച്ച് എലീന വാചാലയാകുന്നു.