റിയൽ ലൈഫിലും പ്രണയത്തിലാണോ, ആ സംശയം തീർത്ത് അമ്മയറിയാതെ സീരിയലിലെ നിഖിലും ശ്രീതുവും...

അന്യഭാഷ താരങ്ങളായ നിഖിലിന്റേയും ശ്രീതുവിന്റേയും ആദ്യത്തെ മലയാളം പരമ്പരയാണ് അമ്മയറിയാതെ. തമിഴ്, മലയാളം, ഇംഗ്ലീഷ്, ഹിന്ദി, തെലുങ്ക്, കന്നട എന്നീ ആറ് ഭാഷ സംസാരിക്കുന്ന നിഖില്‍ ഇംഗ്ലീഷ് ഒഴികെ മറ്റ് എല്ലാ ഭാഷകളിലും സീരിയല്‍ ചെയ്തിട്ടുണ്ട്. തമിഴ് പരമ്പരയിലൂടെയാണ് ശ്രീതു അഭിനയ രംഗത്ത് എത്തിയത്. വളരെ ചെറിയ പ്രായത്തിലായിരുന്നു നടിയുടേയും അരങ്ങേറ്റം. 7ാം ക്ലാസിൽ പഠിക്കുമ്പോൾ വിജയ് ടിവിയിലൂടെയാണ് അഭിനയ ജീവിതം തുടങ്ങുന്നത് മലയാളത്തിൽ അമ്മ അറിയാതെയാണ് ഫസ്റ്റെന്നും ശ്രീതു പറയുന്നു

തമിഴ് സീരിയലിൽ അഭിനയിക്കുമ്പോഴാണ് അമ്മയറിയാതെയിൽ അവസരം ലഭിക്കുന്നതെന്നും ശ്രീതു പറയുന്നു. അമ്പടി എന്ന പേര് സൂപ്പറാണെന്നാണ് നിഖിൽ പറയുന്നത്. എയർപോർട്ടിൽ നിന്നൊക്കെ പുറത്ത് വരുമ്പോൾ അമ്പാടി വരുന്നുവെന്നാണ് എല്ലാവരും പറയുന്നതെന്നും താരം വ്യക്തമാക്കി. ആദ്യം പേര് ഇത്തിരി പ്രശ്നം ഉണ്ടാക്കി എങ്കിലും ഇപ്പോൾ ഹാപ്പിയാണെന്നും കൂട്ടിച്ചേർത്തു. വിവാഹിതയല്ലെന്നും ശ്രീതു അഭിമുഖത്തിൽ പറയുന്നു.

നിഖിലും സിംഗിളും, റെഡി ടു മിംഗിളും ആണെന്നും താരം തമാശ രൂപേണേ പറയുന്നു. എന്നാല്‍ തനിയ്ക്ക് പ്രണയിക്കാന്‍ സമയമില്ല എന്നാണ് നടന്റെ പ്രതികരണം. കോളേജ് കാലത്തൊക്കെ പല പ്രണയ അഭ്യര്‍ത്ഥനകളും വന്നെങ്കിലും, പെണ്‍കുട്ടികളുടെ മുഖത്ത് നോക്കി സംസാരിക്കാന്‍ നാണം ആയതിനാല്‍ എല്ലാം വേണ്ട എന്ന് വയ്ക്കുകയായിരുന്നുവത്രെ. കല്യാണത്തെ കുറിച്ച് ഇപ്പോള്‍ ചിന്തിക്കുന്നില്ല എന്നും നിഖില്‍ പറഞ്ഞു. ഇരുവരും തമ്മിലുള്ള റിലേഷനെ കുറിച്ചും ആനന്ദ് ചോദിക്കുന്നുണ്ട്. ഞങ്ങള്‍ കട്ട ശത്രുക്കളാണെന്നായിരുന്നു ശ്രീതുവിന്റെ പ്രതികരണം. ഓണ്‍ സ്‌ക്രീനില്‍ ഞങ്ങള്‍ ബെസ്റ്റ് പെയര്‍ ആണ്. എന്നാല്‍ യാഥാര്‍ഥ്യം ഞങ്ങള്‍ക്കല്ലേ അറിയൂ. എപ്പോഴും ഞങ്ങള്‍ രണ്ട് പേരും നല്ല വഴക്കാണെന്ന് താരജോഡികള്‍ പറയുന്നു.

Recommended Video

അർച്ചന 31 നോട്ട് ഔട്ട് കാണാനെത്തി ഐശ്വര്യയും അനശ്വരയും

പ്രണയ ഗോസിപ്പുകളെ കുറിച്ചും ഇരുവരും പറയുന്നുണ്ട്. ഇത്തരത്തിലുള്ള വാർത്തകളോട് പ്രതികരിക്കാറില്ലെന്നായിരുന്നു താരങ്ങളുടെ പ്രതികരണം. താരങ്ങളുടെ വാക്കുകൾ ഇങ്ങനെ... ''പലപ്പോഴും ഞങ്ങള്‍ ഒരുമിച്ചാണ് യാത്ര ചെയ്യുന്നത്. ഭക്ഷണം കഴിക്കാന്‍ പോകുന്നതും റീല്‍സ് ചെയ്യുന്നതും എല്ലാം ഒരുമിച്ചാണ്. ലൊക്കേഷനിലേക്ക് പോകുന്നതും മറ്റുമായി ഒരുപാട് യാത്രകള്‍ ചെയ്യാറുണ്ട്. അത് കാരണം ശ്രീതുവും - നിഖിലും പ്രണയത്തിലാണ് എന്ന ഗോസിപ്പും കേട്ടിട്ടുണ്ട്. പക്ഷെ അതിനോട് പ്രതികരിക്കാന്‍ പോകാറില്ല. പ്രതികരിച്ചാലല്ലേ പ്രശ്‌നമുള്ളൂ എന്നാണ് ശ്രീതുവിന്റെ മറുപടി.