സീരിയലുകള്‍ തമ്മിലുള്ള പോരാട്ടം തുടരുന്നു; റേറ്റിങ്ങിൽ ഒന്നാം സ്ഥാനത്ത് കുടുംബവിളക്ക്, സ്വാന്തനം പിന്നിലുണ്ട്

ടിആര്‍പി റിപ്പോര്‍ട്ടുകളില്‍ രണ്ടാം സ്ഥാനത്ത് നിന്നിരുന്നത് കുടുംബവിളക്ക് ഇപ്പോള്‍ ഒന്നാമത് എത്തിയിരിക്കുകയാണ്. കഴിഞ്ഞ ആഴ്ചകളില്‍ കഥയില്‍ വരുത്തിയ മാറ്റമാണ് സീരിയലിന്റെ റേറ്റിങ്ങില്‍ കുതിച്ച് ചാട്ടമായി മാറിയത്. സുമിത്രയുടെ വിജയങ്ങളും വേദികയുടെ പരാജയവും തുടര്‍ന്ന് കൊണ്ടേ ഇരിക്കുകയാണ്. അനിരുദ്ധിന്റെയും അനന്യ്യുടെയും വിവാഹ വാര്‍ഷികം വലിയ ആഘോഷമായിരുന്നു. ഇതിനിടയില്‍ പുതിയ വില്ലത്തി കൂടി എത്തുകയും മറ്റൊരു പ്രണയത്തിനും വിവാഹത്തിനൊക്കെ കളമൊരുങ്ങുന്നതും കൂടി ആയതോടെ കുടുംബവിളക്കിന് പ്രേക്ഷക പ്രശംസ വര്‍ദ്ധിച്ചു.

സ്വാന്തനം സീരിയലിന്റെ ചിത്രീകരണം ലോക്ഡൗണില്‍ നിര്‍ത്തി വെച്ചിരിക്കുകയായിരുന്നു. സെറ്റില്‍ ചിലര്‍ക്ക് കൊവിഡ് വന്നതായിട്ടും റിപ്പോര്‍ട്ടുകള്‍ വന്നു. ആഴ്ചകള്‍ക്ക് ശേഷം കഴിഞ്ഞ ആഴ്ച മുതല്‍ സ്വാന്തനം വീണ്ടും സംപ്രേക്ഷണം ആരംഭിച്ചു. ദേവിയുടെയും ബാലന്റെയും വിവാഹ വാര്‍ഷികം കേമമായി ആഘോഷിച്ചാണ് ഇത്തവണ സ്വാന്തനം കുടുംബം ടിആര്‍പി റിപ്പോര്‍ട്ടില്‍ രണ്ടാം സ്ഥാനത്തേക്ക് എത്തിയത്. ശിവന്റെ ജന്മദിനാഘോഷങ്ങളാണ് ഇനി കുടുംബത്തില്‍ നടക്കാന്‍ പോവുന്നതും.

അതേ സമയം ഒന്നാം സ്ഥാനത്ത് ഉണ്ടായിരുന്ന അമ്മയറിയാതെ എന്ന സീരിയല്‍ മൂന്നാമത്തെ നിലയിലേക്കാണ് എത്തിയിരിക്കുകയാണ്. സ്വാന്തനത്തിന്റെ വരവോട് കൂടിയാണ് അമ്മയറിയാതെ മൂന്നാമത് എത്തിയത്. പരമ്പരയില്‍ അപര്‍ണയും വിനീതും തമ്മിലുള്ള വിവാഹം നടന്നതൊക്കെ ശ്രദ്ധേയമായിരുന്നു. ആ കഥ വീണ്ടും തുടര്‍ന്ന് പോവുകയാണ്.

Recommended Video

വന്‍ താരനിരയുമായി ബിഗ്‌ബോസ് ഗ്രാന്‍ഡ് 18ന് | FilmiBeat Malayalam

മൗനരാഗം, പാടാത്ത പൈങ്കിളി എന്നീ സീരിയലുകളാണ് നാല്, അഞ്ച് സ്ഥാനങ്ങളില്‍ ഇടം നേടിയിരിക്കുന്നത്. പുതിയതായി ആരംഭിച്ച സസ്‌നേഹം ആണ് നാലാമത് ഉണ്ടായിരുന്നത്. നടി രേഖ രതീഷ് കേന്ദ്രകഥാപാത്രമായിട്ടെത്തുന്ന സീരിയല്‍ അറുപത് വയസുള്ള സ്ത്രീയും അവരുടെ ബാല്യകാല സുഹൃത്തുമായിട്ടുള്ള സൗഹൃദവും ഇഷ്ടവുമൊക്കെയാണ് കാണിക്കുന്നത്. മകന്റെയും മരുമകളുടെയും അവഗണനയൊക്കെ കുടുംബ പ്രേക്ഷകരെ കൂടി സങ്കടത്തിലാക്കിയിരുന്നു. എന്നാല്‍ ആദ്യ അഞ്ച് സ്ഥാനങ്ങളില്‍ പെടാതെ പരമ്പര താഴേക്ക് പോയിരിക്കുകയാണ്.