വീട്ടിൽ വന്ന എന്നോട് പ്രണവ് മിണ്ടിയില്ല, പ്രണവ് മോഹൻലാലിനെ ആദ്യം കണ്ടതിനെ കുറിച്ച് അനി ഐവി ശശി

ഒരു ചെറിയ ഇടവേളയ്ക്ക് ശേഷം രണ്ട് ചിത്രങ്ങളാണ് നടന്റേതായി അണിയറയിൽ ഒരുങ്ങുന്നത്. ബിഗ് ബജറ്റ് ചിത്രമായ മരയ്ക്കാർ അറബി കടലിന്റെ സിംഹം, ഹൃദയം എന്നീവയാണ്. മരയ്ക്കാറിൽ മോഹൻലാലിന്റെ ബാല്യകാലമാണ് പ്രണവ് അവതരിപ്പിക്കുന്നത്. കല്യാണി പ്രിയദർശനാണ് ജോഡിയായി എത്തുന്നത്. ഹൃദയത്തിലും കല്യാണ തന്നെയാണ് നായിക. വിനീത് ശ്രീനിവാസൻ സംവിധാനം ചെയ്യുന്ന ചിത്രമാണിത്. പ്രേക്ഷകർ ഏറെ പ്രതീക്ഷയോടെ ഈ രണ്ട് ചിത്രങ്ങൾക്കായി കാത്തിരിക്കുന്നത്

‍ ഇപ്പോഴിത സോഷ്യൽ മീഡിയയിലും സിനിമാ കോളങ്ങളിലും വൈറലാകുന്നത് പ്രണവിനെ കുറിച്ചുള്ള അനി ഐവി ശശിയുടെ വാക്കുകളാണ്. അടുത്ത സുഹൃത്തുക്കളാണ് ഇവർ. ഒരു യൂട്യൂബ് ചാനലിന് നൽകിയ അഭിമുഖത്തിലാണ് പ്രണവുമായുള്ള സൗഹൃദത്തിനെ കുറിച്ചും സിനിമകള കുറിച്ചും അനി പറഞ്ഞത്. ആദ്യമായി നേരിൽ കണ്ട രസകരമായ സംഭവവും സംവിധായകൻ അനി ഐവി ശശി പങ്കുവെച്ചിരുന്നു .

10 വയസ്സിലാണ് പ്രണവിനെ ആദ്യമായി കാണുന്നത്. അദ്ദേഹത്തിന്റെ വീട്ടിൽ വെച്ചായിരുന്നു. ഞങ്ങൾ വീട്ടിൽ ചെന്നപ്പോൾ പ്രണവ് കമ്പ്യൂട്ടറിൽ എന്തോ ചെയ്യുകയായിരുന്നു. തന്നെ നോക്കിയതല്ലാതെ ഒന്നും മിണ്ടിയില്ല . ഗസ്റ്റുകളോട് മിണ്ടാത്ത പ്രണവിന്റെ പെരുമാറ്റം ഞെട്ടിച്ചിരുന്നു. എന്നാൽ പിന്നീട് ഞാൻ പ്രണവിന്റെ അടുത്ത് പോയി ഇരുന്നു. മിണ്ടി തുടങ്ങുകയായിരുന്നു- അങ്ങനെ മിണ്ടി തുടങ്ങിയതാണ് പ്രണവുമായുള്ള സൗഹൃദത്തെ കുറിച്ച് അനി പറഞ്ഞു

Recommended Video

Mohanlal against dowry system

കൂടാതെ പ്രണവിന്റെ കുഞ്ഞാലി മരയ്ക്കാറെ കുറിച്ചും അനി അഭിമുഖത്തിൽ സംസാരിച്ചിരുന്നു. ഈ ചിത്രത്തിൽ അനിയും ഒരു ഭാഗമാണ്. കുഞ്ഞാലിയായി പ്രണവ് വരുമ്പോൾ നിങ്ങൾക്ക് ഒരു മികച്ച നടനെ കാണം എന്നായിരുന്നു സിനിമയിലെ പ്രണവിന്റെ പ്രകടനത്തെ ഉദ്ധരിച്ച് കൊണ്ട് പറഞ്ഞത്. കൂടാതെ വളരെ മനോഹരമായി പ്രണവ് അഭിനയിച്ച രംഗത്തെ കുറിച്ചും വെളിപ്പെടുത്തിയിരുന്നു. സെറ്റിൽ എല്ലാവരും കയ്യടിച്ചെന്നും പ്രണവിന്റെ അഭിനയം കണ്ട മോഹൻലാലും സുചിത്രയും സന്തോഷിച്ചെന്നും താരപുത്രൻ അഭിമുഖത്തിൽ കൂട്ടിച്ചേർത്തു