മമ്മൂട്ടി, മോഹൻലാൽ, പൃഥ്വി, പ്രേം നസീർ, ഷീലയുടെ മനസിലെ സുന്ദരൻ ഇവരാരുമല്ല; മറ്റൊരു നടനാണെന്ന് പറഞ്ഞ് നടി

പേര് പറയുന്ന കൂട്ടത്തില്‍ ഏറ്റവും സുന്ദരന്‍ ആരാണെന്നാണ് ഷീല ചേച്ചി പറയേണ്ടതെന്ന് റിമി പറഞ്ഞു. ശേഷം മോഹന്‍ലാല്‍, മമ്മൂട്ടി, പ്രേം നസീര്‍, പൃഥ്വിരാജ് എന്നിവരുടെ പേരുകള്‍ റിമി ഓപ്ഷനായി നല്‍കുകയും ചെയ്തു. തൊട്ട് പിന്നാലെ 'എന്താ വേറെ ആര്‍ട്ടിസ്റ്റുകള്‍ ആരും ലോകത്ത് ഇല്ലേ' എന്നായിരുന്നു ഷീലയുടെ മറു ചോദ്യം. എന്നാല്‍ ചേച്ചിയ്ക്ക് ഇഷ്ടമുള്ളത് പറഞ്ഞോളാന്‍ റിമി സൂചിപ്പിച്ചു.

എനിക്ക് ഇഷ്ടപ്പെട്ടത് അനൂപ് മേനോന്‍ ആണെന്ന് ഷീല വെളിപ്പെടുത്തി. ഇത് കേട്ടാല്‍ അനൂപേട്ടന് ഭയങ്കര സന്തോഷമായിരിക്കുമെന്ന് റിമി പറയുന്നു. ഷീലാമ്മ അനൂപിന്റെ ഭയങ്കര ഫാനാണ്. അനൂപ് മേനോന്റെ പടം കണ്ടാല്‍ അത് മുഴുവന്‍ കഴിഞ്ഞിട്ടേ അവിടെ നിന്നും എഴുന്നേല്‍ക്കുകയുള്ളു. എനിക്ക് ഇഷ്ടമാണെന്ന് ഷീല പറഞ്ഞതോടെ അത്രയും ഇഷ്ടപ്പെടാനുള്ള കാരണമെന്താണെന്ന് റിമി ചോദിച്ചു.

അനൂപിന്റെ അഭിനയവും സിനിമകള്‍ തിരഞ്ഞെടുക്കുന്ന രീതികളും എല്ലാം ഇഷ്ടമാണ് അതൊക്കെ ചേര്‍ന്നിട്ടുള്ളത് കൊണ്ടാവും. പിന്നെ എന്തിനാ ഇഷ്ടപ്പെടുന്നതെന്ന് ചോദിച്ചാല്‍ പറയാനാവുമോ? എന്നും ഷീല ചോദിക്കുന്നു. ഒപ്പം അതിഥിയായിട്ടെത്തി ജോര്‍ജിനോടും ഇതോ ചോദ്യം റിമി ചോദിക്കുന്നുണ്ട്. അന്നും ഇന്നും എന്നും മമ്മൂക്കയാണെന്ന് മറുപടി പറഞ്ഞു. വര്‍ഷങ്ങള്‍ക്ക് മുന്‍പ് നടന്ന പരിപാടിയുടെ വീഡിയോ അനൂപ് മേനോന്‍ വളരെ വൈകിയാണ് കണ്ടത്. ഈ വീഡിയോ ഷെയര്‍ ചെയ്ത് കൊണ്ട് താരം പറയുന്നതിങ്ങനെയാണ്...

'ആ വാക്കുകള്‍ക്ക് നന്ദിയുണ്ട് ഷീലാമ്മാ. ഈ പറഞ്ഞതിന് ഞാന്‍ അര്‍ഹനല്ല എന്ന് എനിക്കറിയാം. പക്ഷെ ഇന്‍സ്ട്രിയിലെ ഏറ്റവും സുന്ദരിയും, അതിനെക്കാള്‍ ഉപരി ഏറ്റവും വലിയ താരവുമായ ഷീലാമ്മയെ പോലൊരു നടിയില്‍ നിന്ന് ലഭിച്ച ഈ ഒരു പ്രശംസ വലിയ അംഗീകാരമായി കാണുന്നു. വീഡിയോ കാണാന്‍ വൈകിപ്പോയതിന് ക്ഷമ ചോദിക്കുന്നു. നിറയെ സ്നേഹം' എന്നുമാണ് അനൂപ് മേനോന്‍ പറയുന്നത്.