അനുമോളുടെ ബിഗ് ബോസ് വിജയം: പെയ്ഡ് പി.ആർ ആരോപണങ്ങൾക്ക് വിനുവിന്റെ മറുപടി

ബിഗ് ബോസ് സീസൺ സെവൻ വിജയി അനുമോളെക്കുറിച്ച് പലതരം ചർച്ചകൾ നടക്കുന്നുണ്ട്. അതിൽ പ്രധാനപ്പെട്ട ഒന്ന്, അനുമോൾക്ക് വേണ്ടി പെയ്ഡ് പി.ആർ വർക്ക് ചെയ്തോ എന്നതാണ്. എന്നാൽ, അത്തരം ആരോപണങ്ങൾ അടിസ്ഥാനരഹിതമാണെന്ന് വിനു പറയുന്നു. അനുമോൾ തനിക്ക് നൽകിയ പണം തെളിവായി കാണിച്ചുകൊണ്ട് വിനുവിന്റെ പ്രതികരണം ശ്രദ്ധേയമാകുന്നു.

അനുവിന് പുറത്തുള്ള കാര്യങ്ങളെക്കുറിച്ച് ഒരറിവുമില്ലെന്നും, ഫോൺ എടുത്തു കമന്റുകളും തെറ്റുകളും ഒക്കെ ഇപ്പോഴാണ് നോക്കുന്നത് എന്നും വിനു പറയുന്നു. 50,000 രൂപയോ ഒരു ലക്ഷം രൂപയോ തന്നു എന്നൊക്കെ പറയുന്നത് തെറ്റാണ്. പെയ്ഡ് പി.ആർ വർക്കൊന്നും അനുമോൾക്ക് വേണ്ടി ചെയ്തിട്ടില്ല.

അനുവിൻ്റെ വിജയം ബിഗ് ബോസ് ചരിത്രത്തിലെ ഒരു നാഴികക്കല്ലാണ്. കാരണം, മലയാളം ബിഗ് ബോസ് ചരിത്രത്തിൽ രണ്ടാമത്തെ ലേഡി വിന്നറാണ് അനുമോൾ. ആണുങ്ങൾ മാത്രം ജയിക്കുന്ന ഒരു ഷോയിൽ ഒരു പെണ്ണ് ജയിക്കുന്നത് ചരിത്രമാണ്. എല്ലാവർക്കും അതിയായ സന്തോഷമുണ്ട് എന്നും വിനു കൂട്ടിച്ചേർക്കുന്നു.

വിമർശനങ്ങൾ ഒരു നാണയത്തിന്റെ ഇരുവശങ്ങൾ പോലെയാണ്. നമ്മൾ ചെയ്യുന്ന കാര്യങ്ങൾ നല്ലതാണെങ്കിലും മോശമാണെങ്കിലും വാദിച്ചു ജയിക്കാൻ സാധിക്കും. അതിനാൽ, വിമർശനങ്ങൾ ആരോഗ്യകരമായ ചർച്ചകൾക്ക് വഴി തെളിയിക്കണം. ഡീഗ്രേഡിങ് ലെവലിലേക്ക് പോകാതെ കാര്യങ്ങൾ മനസിലാക്കാൻ ശ്രമിക്കണം.

ബിഗ് ബോസ് ഒരു കണ്ണാടി പോലെയാണ്. അവിടെ ഓരോ വ്യക്തികളും ചെയ്യുന്ന പ്രവർത്തികൾ നമ്മളുടെ ജീവിതവുമായി റിലേറ്റ് ചെയ്യാൻ പറ്റും. ലാലേട്ടൻ പറഞ്ഞതുപോലെ, നമ്മളെത്തന്നെ ആ കണ്ണാടിയിൽ കാണാൻ സാധിക്കും. അതുപോലെ, തനിക്ക് ലഭിച്ച പ്രതിഫലം കൈനീട്ടം പോലെ അനുമോൾ തന്നതാണെന്നും വിനു വ്യക്തമാക്കുന്നു.

അനുമോൾ ആകെ തന്ന കാശ് ഇതാണെന്നും, ഇതൊരു പെയ്ഡ് പി.ആർ വർക്ക് അല്ലെന്നും വിനു പറയുന്നു. എല്ലാവർക്കും ചെയ്യുന്നതുപോലെ പേജ് മാനേജ്മെൻ്റും കുറച്ച് കുഞ്ഞു ഫാൻ ഗ്രൂപ്പ്‌സും വീഡിയോ എഡിറ്റിംഗും മാത്രമാണ് ചെയ്തത്. ഇതിലൊരു ഹെവി പിആർ വർക്ക് ഒന്നും ചെയ്തിട്ടില്ലെന്നും അദ്ദേഹം കൂട്ടിച്ചേർത്തു.

അനീഷ് നല്ലൊരു ഫൈറ്റർ ആയിരുന്നു. റണ്ണർ അപ്പിനെക്കാളും 15-16 ശതമാനം കൂടുതൽ ഭൂരിപക്ഷം അനുമോൾക്ക് ഉണ്ടായിരുന്നു. സൈബർ അറ്റാക്കുകൾക്കെതിരെ ഒരു വാശിയുണ്ടായിരുന്നു. ആ വാശിപ്പുറത്ത് ചെയ്ത വർക്ക് ആണിത്. വലിയ പി.ആർ വർക്ക് ഒന്നും ചെയ്തിട്ടില്ല. അവിടെ സ്വീകരണം വെച്ചിട്ടുണ്ടോ എന്ന ചോദ്യത്തിന് ഇല്ല എന്നായിരുന്നു വിനുവിന്റെ മറുപടി.