ആര്യയുടെ വധുവാകാൻ രണ്ട് മലയാളി യുവനടിമാർ! ഇവർ ആരാണെന്നു അറിയമോ? ചിത്രങ്ങൾ കാണാം

റിയാലിറ്റി ഷോ

ആര്യ വധുവിനെ കണ്ടെത്തുന്നത് റിയാലിറ്റി ഷോയിലൂടെയാണ്. എങ്ക വീട്ടു മാപ്പിളൈ എന്നാണ് ഷോയുടെ പേര്. കളോഴ്സ് ടിവിയുടെ തമിഴ് ചാനലാണ് റിയാലിറ്റി ഷോ സംപ്രേക്ഷണം ചെയ്യുന്നത്. ഇതിന്റെ മലയാളം സംപ്രേക്ഷണം ഫ്ലവേഴ്സ് ചാനലാണ് ഏറ്റെടുത്തിരിക്കുന്നത്.

16 പേർ

ആര്യയ്ക്ക് വിവാഹാഭ്യർഥനയുമായി ഒരു ലക്ഷത്തോളം ഫോൺ കോളുകളും ഏഴായിരത്തിലധികം അപേക്ഷകളുമാണ് ലഭിച്ചിരിക്കുന്നത്. ഇതിൽ നിന്ന് 16 പേരെ ഇതിനോടകം തന്നെ തിരഞ്ഞെടുത്തു കഴിഞ്ഞു. ഇതിൽ നിന്ന് ഒരു യുവതിയാകും ആര്യയുടെ ജീവിത സഖി .

മലയാളി പെൺകൊടിമാർ വേദിയിൽ

തമിഴിൽ ആരംഭിച്ച പരിപാടിയുടെ ആദ്യ എപ്പിസോഡിൽ തന്നെ മലയാളി പെൺകുട്ടികളെ പരിചയപ്പെടുത്തുകയുണ്ടായി. രണ്ടു പേരും നവവധുവിന്റെ വേഷത്തിലാണ് എത്തിയത്. ഇവരെ സ്റ്റേജിലേയ്ക്ക് ക്ഷണിക്കുകയും താരം പരിചപ്പെടുകയും ചെയ്തു. ഇവർ രണ്ടു പേരും ആര്യയ്ക്ക് സമ്മാനവുമായാണ് എത്തിയത്. അത് താരത്തിനു അങ്ങു ഇഷ്ടപ്പെടുകയും ചെയ്തിട്ടുണ്ട്.

സമ്മാനം സൂപ്പർ

അരുവരും കൊണ്ടുവന്ന സമ്മാനങ്ങൾ ആര്യയ്ക്ക് നന്നേ ഇഷ്ടപ്പെട്ടിരുന്നു. സീത ലക്ഷ്മി കൊണ്ടു വന്നത് നാളികേരമാണ്. ആഗ്രഹസഫലീകരണത്തിനായാണ് തേങ്ങയും കൊണ്ട് സീതലക്ഷ്മി എത്തിയത്. സീത കൊണ്ടു വന്ന തേങ്ങ ആര്യ തന്റെ കൈ കൊണ്ട് തന്നെ പൊട്ടിക്കുകയായിരുന്നു. കൂടാതെ ആര്യയെ കണ്ടതോടെ സീതയുടെ കിളി പോയി എന്നു വേണം പറയാൻ. ആര്യയുടെ ഇഷ്ട ചിത്രം നാൻ കടവുൾ ആണെന്നും രാജറാണി ഇഷ്ടപ്രണയ ചിത്രമാണെന്നും സീത പറഞ്ഞു. ഇതിനു നസ്രിയയേക്കാൾ ക്യൂട്ടാണ് സീത എന്നായിരുന്നു ആര്യയുടെ കമന്റ്.

ദേവ സൂര്യയുടെ സമ്മാനം

ആര്യയെ സ്വന്തമാക്കാന്‌‍ എത്തിരിക്കുന്ന രണ്ടാമത്തെ മലയാളി പെൺകുട്ടി കൊച്ചിക്കാരിയാണ്. കൊച്ചി സ്വദേശിനി ആണെങ്കിൽ പോലും നന്നായി തമിഴ് സംസാരിക്കുന്ന പെൺകിട്ടിയാണ് ദേവസൂര്യ. ഇതു ആര്യതന്നെ സൂര്യയോടു പറഞ്ഞു. കൂടാതെ വളരെ ശാന്തയും സൗമ്യ സ്വഭാവവുള്ള ആളാണ് ദേവസൂര്യയെന്നും ആര്യ കൂട്ടിച്ചേർത്തിരുന്നു. തന്റെ ഇഷ്ട താരത്തിന് സമ്മാനമായി ദേവ കൊണ്ടുവന്നത് ഷര്‍ട്ടും മുണ്ടുമായിരുന്നു. ഇത് വിവാഹത്തിന് എന്തായാലും ധരിക്കുമെന്നും ആര്യ ഉറപ്പ് നൽകിയിട്ടുണ്ട്.