തീരുമാനം തെറ്റിയില്ലെന്ന് ആര്യ! ചേച്ചി എന്തിനിത് ചെയ്തുവെന്ന് ചോദിച്ചവരോട് പറയാനുള്ളത് ഇതെന്നും താരം

ലോക് ഡൗണിലാണ്

ബിഗ് ബോസില്‍ നിന്നും പുറത്തെത്തിയതിന് ശേഷമുള്ള ജീവിതത്തെക്കുറിച്ചായിരുന്നു ആദ്യം ആര്യ പറഞ്ഞത്. 75 ദിവവസം ബിഗ് ബോസില്‍ കഴിഞ്ഞതുകൊണ്ടാവാം, ലോക് ഡൗണ്‍ വലിയ പ്രശ്‌നമുള്ളതായി തനിക്ക് തോന്നുന്നില്ലെന്ന് താരം പറയുന്നു. പ്രിയപ്പെട്ടവരും മറ്റ് സൗകര്യങ്ങളും ഇഷ്ട ഭക്ഷണങ്ങളുമെല്ലാം വീട്ടില്‍ ലഭിക്കുന്നുണ്ട്. രാത്രി മുഴുവന്‍ സിനിമ കണ്ട് രാവിലെ 5 മണിക്കാണ് ഉറങ്ങുന്നത്. എഴുന്നേല്‍ക്കുമ്പോള്‍ 12 ആവും. ഉച്ചഭക്ഷണം കഴിഞ്ഞ് സോഷ്യല്‍ മീഡിയയൊക്കെ നോക്കും. ഇങ്ങനെയാണ് ഇപ്പോഴത്തെ ശീലങ്ങളെന്നും താരം പറയുന്നു.

പരിപാടിയിലേക്ക് പോയത്

ബിഗ് ബോസ് സീസണ്‍ വണ്ണിലേക്ക് അവസരം ലഭിച്ചിരുന്നു. ആ സമയത്ത് അച്ഛന്‍ ആശുപത്രിയിലായിരുന്നു. രണ്ടാമത്തെ സീസണില്‍ നിന്നും വിളി വന്നപ്പോള്‍ പോവുകയായിരുന്നു. അവിടെ എന്താണ് നടക്കുന്നതെന്ന് അറിയില്ലായിരുന്നു. ഹിന്ദി ബിഗ് ബോസിന്റെ ഫാനാണ് താന്‍. ആദ്യം മുതലേ കണ്ടിട്ടുണ്ട് ഇത്. നമ്മള്‍ വളരെ വൈകാരികമായും വ്യക്തിപരവുമായാണ് കാര്യങ്ങള്‍ എടുക്കുന്നത്. സൈബര്‍ ആക്രമണങ്ങള്‍ മാറ്റിനിര്‍ത്തിയാല്‍ ഷോയില്‍ പങ്കെടുത്തത് തെറ്റാണെന്ന് തോന്നുന്നില്ല.

തെറി വിളിക്കുന്നവര്‍

ഇന്‍സ്റ്റഗ്രാമിലൂടെ നിരവധി പേരാണ് തെറി വിളിക്കുന്നത്. നെഗറ്റീവ് കമന്റുകളും പറയാന്‍ പറ്റാത്ത കാര്യങ്ങള്‍ വരെയാണ് അവിടെ. അതേസമയം തന്നെ പിന്തുണയ്ക്കുന്നവരുടെ മെസ്സേജുകളുമുണ്ട്. ആരെങ്കിലും കമന്റിട്ടാല്‍ അവരെയും തെറി വിളിക്കുന്ന അവസ്ഥയാണ്. നിങ്ങളെ നേരത്തെ ഇഷ്ടമായിരുന്നു, ഇപ്പോള്‍ ഇഷ്ടമല്ലെന്നാണ് ചിലര്‍ പറയുന്നത്. ചേച്ചി എന്തിനാണ് ഇങ്ങനെ ചെയ്തതെന്ന് ചോദിച്ചാണ് ചിലരൊക്കെ എത്തിയത്. എല്ലാവരോടും തനിക്ക് സ്‌നേഹം മാത്രമേയുള്ളൂവെന്നും താരം പറയുന്നു.

നേരിട്ട് വിളിച്ചു

ഫേക്ക് ഐഡികളിലൂടെയാണ് പലരും തെറി വിളിക്കുന്നത്. തെറി വിളിക്കുന്നതിനായി മാത്രമുണ്ടാക്കിയ തെറിവിളികള്‍. യൂട്യൂബിലെ സ്ഥിതിയും സമാനമാണ്. നേരത്തെ എഴുതിത്തയ്യാറാക്കി വെച്ചത് പോലെയാണ് ചില പോസ്റ്റുകള്‍. വാട്‌സാപ് ഗ്രൂപ്പുകളില്‍ തെറി വിളിച്ചുകൊണ്ട് വോയ്‌സ് മെസ്സേജ് അയച്ചവരെ അങ്ങോട്ടേക്ക് വിളിച്ചിരുന്നു. എന്നെക്കൂടി ആര്‍മി ഗ്രൂപ്പില്‍ ചേര്‍ക്കാമോയെന്ന് ചോദിച്ചിരുന്നു. ആരാണെന്ന് ചോദിച്ചപ്പോള്‍ ബിഗ് ബോസിലെ ആര്യ എന്ന് പറയുകയായിരുന്നു. പുറത്തേക്ക് ഇറങ്ങിയാല്‍ തല്ലുമെന്ന് പറയുന്നവരോട് അതേക്കുറിച്ച് ചോദിച്ചപ്പോള്‍ തമാശയ്ക്കാണെന്നായിരുന്നു ചിലരുടെ മറുപടി.

ജോയിന്റ് പെറ്റീഷന്‍

ബിഗ് ബോസില്‍ പങ്കെടുത്ത മറ്റുള്ളവരെല്ലാം സമാനമായ സൈബര്‍ ആക്രമണത്തിന് ഇരയായിരുന്നു. താന്‍ ഇതിനകം തന്നെ സൈബര്‍ സെല്ലില്‍ പരാതി നല്‍കിയിട്ടുണ്ടെന്നും താരം പറയുന്നു. മഞ്ജു ചേച്ചിയും കൊടുത്തെന്നാണ് പറഞ്ഞത്. വീണയും കൊടുക്കുന്നുണ്ട്. എല്ലാവരും കൂടി ജോയിന്‍ പെറ്റീഷനായി പരാതി കൊടുത്താലോയെന്നും ആലോചിക്കുന്നുണ്ട്. ഫേക്ക് ഐഡി ഉണ്ടായാല്‍ എന്തും എന്ന അവസ്ഥ മാറണം.

Recommended Video

സോഷ്യല്‍ മീഡിയയിലെ അധിക്ഷേപത്തിനെതിരെ പൊട്ടിത്തെറിച്ച് ആര്യ

ഫുക്രുവാണ് അവള്‍ക്ക് പ്രിയപ്പെട്ടത്

ബിഗ് ബോസിന്റെ വലിയ ഫാനാണ് മോള്‍. 8 വയസ്സുകാരിയായ റോയയും ബിഗ് ബോസിന്റെ തുടക്കത്തില്‍ എത്തിയിരുന്നു. അവള്‍ പരിപാടി മുടങ്ങാതെ കാണാറുണ്ട്. ഫുക്രുവാണ് അവളുടെ ഫേവറിറ്റ് മത്സരാര്‍ത്ഥി. വീട്ടുകാര്‍ക്ക് എന്നെ അറിയാം. ഞാനായിത്തന്നെ നിന്നതില്‍ അവര്‍ക്ക് സന്തോഷമാണ്. കൊറോണക്കാലം കഴിഞ്ഞാല്‍ മീറ്റപ്പ് സംഘടിപ്പിക്കുന്നുണ്ടെന്നും താരം പറയുന്നു. എല്ലാവര്‍ക്കും അവിടെ വരാം. ചോദ്യങ്ങള്‍ക്ക് താന്‍ അവിടെ മറുപടി തരുമെന്നും താരം പറയുന്നു.