സജിനെ താലികെട്ടി അച്ചു, ഷഫ്‌ന ചേച്ചി ഞങ്ങളെ അനുഗ്രഹിക്കണമെന്ന് താരം, വൈറല്‍ വീഡിയോ

പരമ്പരയില്‍ ഇപ്പോള്‍ അഞ്ജലിയും ഹരിയും തമ്മിലുളള വിവാഹം നടക്കുമോയെന്നാണ് എല്ലാവരും കാത്തിരിക്കുന്നത്. ഇതിനിടെ സാന്ത്വനം താരം അച്ചു സുഗന്ദ് പങ്കുവെച്ച പുതിയൊരു വീഡിയോ സമൂഹ മാധ്യമങ്ങളില്‍ വൈറലായിരുന്നു. രസകരമായ ഒരു വീഡിയോ പങ്കുവെച്ചുകൊണ്ടാണ് പ്രേക്ഷകരുടെ പ്രിയപ്പെട്ട കണ്ണന്‍ എത്തിയത്.

കഥയില്‍ ഒരു ട്വിസ്റ്റ് ഷഫ്‌ന ചേച്ചി ഞങ്ങളെ അനുഗ്രഹിക്കണം എന്ന് കുറിച്ചുകൊണ്ടാണ് സാന്ത്വനത്തിലെ ശിവയായ സജിനൊപ്പമുളള വീഡിയോ അച്ചു പോസ്റ്റ് ചെയ്തത്. വീഡിയോയില്‍ സജിന്‌റെ കഴുത്തില്‍ തമാശയായി താലികെട്ടുകയാണ് അച്ചു. ചിരി പടര്‍ത്തുന്ന വീഡിയോയ്ക്ക് പിന്നാലെ അച്ഛുവിന്‌റെ പോസ്റ്റിന് താഴെ സജിന്‌റെ കമന്റും വന്നിരുന്നു.

ചതിച്ചു അല്ലെ നീ എന്നാണ് അച്ചുവിനോട് കമന്റിലൂടെ സജിന്‍ ചോദിക്കുന്നത്. ഷഫ്‌നയെയും സജിനെയും ടാഗ് ചെയ്തുകൊണ്ടാണ് അച്ചു ഈ വീഡിയോ ഇന്‍സ്റ്റഗ്രാമില്‍ പങ്കുവെച്ചിരിക്കുന്നത്.പിന്നാലെ കമന്റുകളുമായി ആരാധകരും എത്തി. ട്വിസ്റ്റ് പൊളിച്ചു, അച്ചുവേട്ടന്റെ കല്യാണം കഴിഞ്ഞു, എന്നാലും എന്റെ അച്ചുവേട്ടാ ഒരു വാക്ക് പറഞ്ഞില്ലാലോ, എല്ലാം കണ്ണന്റെ ലീലാ വിലാസങ്ങള്‍, ഒരു കളളകണ്ണന്‍ തന്നെയാണ്, ചതിയന്‍ ചന്തു എന്നിങ്ങനെയാണ് അച്ചു പങ്കുവെച്ച വീഡിയോയ്ക്ക് താഴെ കമന്റുകള്‍ വന്നത്.

അതേസമയം വാനമ്പാടിക്ക് ശേഷം ചിപ്പിയുടെതായി വന്ന സീരിയലാണ് സാന്ത്വനം. ചിപ്പിക്കൊപ്പം രാജീവ്, ഗിരീഷ് നമ്പ്യാര്‍, സജിന്‍, അംബിക, അപ്‌സര തുടങ്ങിയവരും പ്രധാന വേഷങ്ങളിലെത്തുന്നു. സെപ്റ്റംബറില്‍ സംപ്രേക്ഷണം ആരംഭിച്ച പരമ്പര തിങ്കള്‍ മുതല്‍ ശനി വരെ രാത്രി ഏഴ് മണിക്കാണ് സംപ്രേക്ഷണം ചെയ്യുന്നത്. കുടുംബ പ്രേക്ഷകരുടെ മികച്ച പിന്തുണയോടെയാണ് സാന്ത്വനം ഇപ്പോഴും വിജയകരമായി സംപ്രേക്ഷണം തുടരുന്നത്.

വിവിധ ചാനലുകളിലായി നിരവധി പരമ്പരകളില്‍ അഭിനയിച്ച താരമാണ് നടി ചിപ്പി. .2001ലാണ് നിര്‍മ്മാതാവ് രഞ്ജിത്തുമായുളള നടിയുടെ വിവാഹം കഴിഞ്ഞത്. വിവാഹ ശേഷം സൂര്യ ടിവിയിലെ സ്ത്രീജന്മം എന്ന പരമ്പരയിലൂടെയാണ് നടി തിരിച്ചെത്തിയത്. അഭിനയത്തിന് പുറമെ നിര്‍മ്മാതാവായും പരമ്പരകളില്‍ എത്തിയിരുന്നു താരം.