മനഃപൂർവം തോൽപ്പിക്കരുതെന്ന് സൂരജിനോട് ആരാധകർ, തോൽക്കുമ്പോഴുണ്ടാകുന്ന ശക്തിയെ കുറിച്ച് താരം

പാടാത്ത പൈങ്കിളിക്ക് ശേഷം സൂരജ് മറ്റൊരു പരമ്പരയിൽ എത്തിയിട്ടില്ല. അഭിനയത്തിൽ സജീവമല്ലെങ്കിലും സോഷ്യൽ മീഡിയയിൽ സജീവമാണ് താരം. മോട്ടിവേഷൻ വീഡിയോകളും തന്റെ വിശേഷങ്ങളും പങ്കുവെച്ച് കൊണ്ട് നടൻ എത്താറുണ്ട്. ഇവയെല്ലാം വൈറലുമാണ്. ഇപ്പോൾ സമൂഹ മാധ്യമങ്ങളിൽ വൈറലാകുന്നത് സൂരജിന്റെ പുതിയ വീഡിയോയാണ്. തോൽവി മനുഷ്യന് വിജയിക്കാൻ ഊർജം തരുമെന്നാണ് താരം പറയുന്നത്. നടൻ വാക്കുകൾ ഇങ്ങനെ...

അനുഭവം ഗുരു എന്നാണ് വീഡിയോയിൽ താരം പറയുന്നത്. ''ജീവിതത്തിൽ തോൽക്കുമെന്ന ഭയം നമ്മളെ പിടികൂടുമ്പോഴാണ് നമ്മൾ തോറ്റു പോകുന്നത്. ആ ഭയം നമുക്ക് വേണ്ടെന്നാണ് നടൻ പറയുന്നത്. ലക്ഷ്യത്തിലുള്ള ഊർജ്ജവും ആവേശവും ആത്മവിശ്വാസവും നമുക്ക് ഉണ്ടെങ്കിൽ തുടക്കത്തിൽ ഒരു തോൽവി നല്ലതാണ്. ആ തോൽവി നമുക്ക് ആസ്വാദിക്കാൻ പറ്റും. നമ്മൾ ലക്ഷ്യസ്ഥാനത്ത് എത്തുമ്പോൾ തോറ്റതും തോറ്റ് പോകനുള്ള സാഹചര്യവും ഓർക്കുമ്പോൾ നമുക്ക് കിട്ടുന്ന സുഖവും എനർജിയുമുണ്ട്. അത് അനുഭവിക്കണമെങ്കിൽ ഒരു തോൽവിയിൽ നിന്ന് നമ്മൾ തുടങ്ങണം. ഉറപ്പാണ് അനുഭവം ഗുരു'' എന്നാണു എന്നാണ് നടൻ വീഡിയോയിൽ പറയുന്നത്.

സൂരജിന്റെ വീഡിയോ സോഷ്യൽ മീഡിയയിൽ വൈറലായിട്ടുണ്ട്. എന്റെ ഇതുപോലെയുള്ള വീഡിയോകൾ അപ്ലോഡ് ആവുന്ന സമയം പലരുടേയും ജീവിതത്തിൽ ഈ വീഡിയോ ആവശ്യമായി വരുമ്പോഴാണ്.. അനുഭവം ഗുരു എന്ന് കുറിച്ച് കൊണ്ടാണ് വീഡിയോ ഷെയർ ചെയ്തിരിക്കുന്നത്. നിമിഷ നേരം കൊണ്ട് നടന്റെ പുതിയ വീഡിയോ വൈറലാവുകയായിരുന്നു. മികച്ച കമന്റുകളാണ്ലഭിക്കുന്നത്. തോൽവി വിജയത്തിന്റെ ചവിട്ടു പടി എന്നല്ലേ.... ഇനി ഒരു ഒന്ന് ഒന്നര വരവ് വരൂ... അത് കാണാൻ ഞങ്ങൾ കാത്തിരിക്കുന്നു എന്നാണ് ആരാധകർ പറയുന്നത്.

കൂടാതെ സൂരജിനോട് മടങ്ങി വരാനും പ്രേക്ഷകർ അഭ്യർഥിച്ചിട്ടുണ്ട്. ആരും ആദ്യം തന്നെ വിജയിച്ചല്ല മുന്നോട്ട് വന്നിരിക്കുന്നത്. ഒരു കുഞ്ഞു നടക്കാൻ പഠിക്കുമ്പോഴും ഒന്ന് വീണ് അവിടെന്ന് എഴുനേറ് പിന്നീടാണ് നടക്കുന്നത്. അതുകൊണ്ട് തന്നെ തോറ്റുപോയി എന്ന തോന്നൽ ഒഴുവാക്കം അത് വിജയത്തിന് മുന്നോടിയാണ്. ഒരിക്കൽ അനുഭവം ഉണ്ടായാൽ അതു നമ്മളെ പിന്നീട് ഉള്ള തോൽവികളിൽ നിന്നും വിജയത്തിലേക്കുള്ള വഴിയെ എളുപ്പം കാണിച്ചു തരും. അതുപോലെ ഏട്ടന്റ വിജയത്തിലേക്ക കൂടെ നിന്നു കരുത്തു പകരാൻ ഞങ്ങളുണ്ട്, തോറ്റു പോകുമോ എന്ന ഭയമില്ല, പക്ഷെ ഞങ്ങളെ മനഃപൂർവം തോൽപ്പിക്കരുത് എന്നിങ്ങനെയുള്ള മികച്ച കമന്റുകളാണ് ലഭിക്കുന്നത്.