എയ്ഡ്‌സ് രോഗിയായ അമ്മ മരിച്ചപ്പോള്‍ മക്കള്‍ തിരിഞ്ഞുനോക്കിയില്ല, കരളലയിക്കുന്ന കഥയുമായി അതിഥി! കാണൂ.

പിറന്നാളാഘോഷിക്കാറുള്ളത്

അനാഥാലയത്തില്‍ വളര്‍ന്നതിനാല്‍ വ്യത്യസ്തമായ രീതിയിലാണ് അഥിതി പിറന്നാളാഘോഷിക്കാറുള്ളത്. ഇത്തരമൊരു പശ്ചാത്തലത്തില്‍ വന്നതിനാല്‍ താരം പരിപാടിയില്‍ തുടരണമെന്ന് സാബു അഭിപ്രായപ്പെട്ടിരുന്നു. ഒരു പിറന്നാള്‍ ദിനത്തിനിടയിലെ സംഭവത്തെക്കുറിച്ചാണ് താരം തുറന്നുപറഞ്ഞത്. മത്സരാര്‍ത്ഥികളെല്ലാം ആകാംക്ഷയോടെ കേട്ടിരിക്കുന്ന വീഡിയോ സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്.

രോഗികളും അനാഥരുമൊക്കയായി

രോഗികളും അനാഥരുമൊക്കെയായി എല്ലാവരുമുള്ള വലിയ ഓര്‍ഗനൈസേഷന്റെ കീഴില്‍ പ്രവര്‍ത്തിക്കുന്ന സിസ്റ്റര്‍ ആല്‍ബര്‍ട്ടിനൊപ്പമാണ് താന്‍ മിക്കപ്പോഴും പിറന്നാളാഘോഷിക്കാറുള്ളത്. എല്ലാ ജന്മദിനത്തിലും താന്‍ അവിടെ പോവാറുണ്ട്. ഒരു പ്രാവശ്യം അവിടെ പോയപ്പോള്‍ ഒരമ്മ മരിച്ചിരുന്നു. ഇതേക്കുറിച്ചറിഞ്ഞതിനാല്‍ ആഘോഷം വേണ്ടെന്ന് വെച്ച് പ്രാര്‍ത്ഥനയില്‍ പങ്കുചേരാനായിരുന്നു താന്‍ തീരുമാനിച്ചത്.

സങ്കടം കാരണം വാക്കുകള്‍ ഇടറി

ജീവിതത്തില്‍ ഒരുപാട് വേദനിപ്പിച്ച സംഭവത്തെക്കിറിച്ച് തുറന്നുപറയുന്നതിനിടയില്‍ ഇടയ്ക്ക് വാക്കുകള്‍ കിട്ടാതെ, കണ്ണുനിറഞ്ഞ് താരം നിന്നപ്പോള്‍ മറ്റ് മത്സരാര്‍ത്ഥികള്‍ ആശ്വസിപ്പിക്കുകയായിരുന്നു. ഇടയ്ക്ക് വെച്ച് നിര്‍ത്തിയതിന് ശേഷമാണ് താരം സംസാരം മുഴുമിപ്പിച്ചത്. ഇന്നും ആ സംഭവത്തെക്കുറിച്ച് ഓര്‍ക്കുമ്പോള്‍ തനിക്ക് സങ്കടം വരുമെന്നും താരം പറയുന്നു.

അഞ്ച് മക്കളായിരുന്നു, ആരും വന്നില്ല

അഞ്ച് മക്കളുണ്ടായിരുന്നു ആ അമ്മയ്ക്ക്. അവരുടെ ശവസംസ്‌കാരത്തിന് ഒരാള്‍ പോലും വന്നിരുന്നില്ല. ഈ സംഭവം തന്നെ വല്ലാതെ വേദനിപ്പിച്ചിരുന്നു. അവരുടെ ശവസംസ്‌കാരത്തില്‍ താനും പങ്കെടുത്തിരുന്നു. വിദ്യാസമ്പന്നരായ അവരുടെ മക്കള്‍ പോലും ഇത്തരമൊരുവസ്ഥയില്‍ ആ അമ്മയെ ഉപേക്ഷിക്കുകയായിരുന്നു.

വീഡിയോ കാണൂ

അതിഥിയുടെ തുറന്നുപറച്ചിലിന്റെ വീഡിയോ കാണൂ.