വിവാഹ വാർഷികത്തിൽ പുതിയ വിശേഷം പങ്കുവെച്ച് റോൺസൺ വിൻസന്റ്, ഓരോ നിമിഷവും ആസ്വദിക്കുന്നു...

പുതിയ വീട്ടിലാണ് നടൻ ആദ്യത്തെ വിവാഹ വാർഷികം ആഘോഷിച്ചത്. അതിമനോഹരമായിട്ടാണ് വീട് രൂപകൽപ്പന ചെയ്തിരിക്കുന്നത്. വൈറ്റ് തീമിലാണ് വീടൊരുക്കിയത്. വീടിന്റെ അകംപുറം ചുവരുകൾ മാത്രമല്ല, ഫർണിച്ചർ, കർട്ടൻ തുടങ്ങി ബാത്റൂം ക്ളീനിങ് ബ്രഷ് വരെ വൈറ്റ് തീമിലാണ്. വിൻസൻസ് എന്നാണ് വീടിന്റെ പേര്. ചോറ്റാനിക്കരയ്ക്കടുത്താണ് പുതിയ വീട്

കഴിഞ്ഞ വർഷം മെയിൽ പണി പൂർത്തിയാക്കി താമസം മാറാൻ ഇരുന്നപ്പോളാണ് കൊറോണയുടെ വരവ്. അതോടെ ബംഗാളികൾ എല്ലാം ലോക്കായി. വീടിന്റെ ഫിനിഷിങ് പണികൾ ഇടയ്ക്ക് വെച്ച് നിന്നു, പിന്നെ 10 മാസം കഴിഞ്ഞ് ഈ ഫെബ്രുവരിയിലാണ വീട് പാലുകാച്ചുന്നത്.

നടന്റെ ഏഴാമത്തെ വീടാണിത്. ‌ അഭിനയത്തോടൊപ്പം ബിസിനസ്സിനോടും തനിക്ക് താൽപര്യമുണ്ട്. അച്ഛന്റെ കൺസ്ട്രക്ഷൻ ബിസിനസും നോക്കിനടത്തുന്നു. ഞാൻ അത്യാവശ്യം ഇന്റീരിയർ ഡിസൈനിങ്, വോൾ ആർട് എന്നിവയും ചെയ്യാറുണ്ട്. വീടുകൾ വയ്ക്കുക, കുറച്ചുകാലം താമസിക്കുക, വിൽക്കുക. ഈയൊരു പ്രക്രിയയാണ് ഞാൻ ഇതുവരെ പിന്തുടർന്നത്. ഞങ്ങൾ നിർമിക്കുന്നത് വ്യത്യസ്തമായ തീം ഉള്ള വീടുകളാണ്. ഞങ്ങൾ തന്നെ അതിന്റെ ആദ്യ ഉപഭോക്താക്കളാകും. എന്നിട്ട് വിൽക്കും. ഇതാണ് രീതി. സിനിമാതറവാട്ടിൽ ജനിച്ചേ വളർന്ന റോൺസൺ പഠനത്തിന് ശേഷമാണ് അഭിനയത്തിൽ ഇറങ്ങിയത്.

വീട് മാറി താമസിക്കുന്നത് കൊണ്ട് റോൺസണിന് വീടിനോട് അധികം സെന്റിമെൻസില്ല. എന്നാൽ ഭാര്യ ഡോക്ടർ നീരജയ്ക്ക് വീടിനോട് അടുപ്പം കൂടുതലാണെന്നും റോൺസൺ പറയുന്നു.അവൾ ഇത്രയും കാലം ഒരേ വീട്ടിലാണ് ജനിച്ചു വളർന്നത്. അതുകൊണ്ട് വീടിനോട് സെന്റിമെന്റ്സ് ഉള്ള കൂട്ടത്തിലാണ്. എന്തായാലും പത്തുമാസത്തോളം വൈകി കാത്തിരുന്ന് കിട്ടിയ പുതിയ വീട്ടിലെ നിമിഷങ്ങൾ ആസ്വദിക്കുകയാണെന്നും നടൻ പറയുന്നു.