എന്ത് വൃത്തികേട് കാണിച്ചാലും അത് അഭിനയമാണെന്ന് ഭാര്യയ്ക്ക് അറിയാം; അങ്ങനൊരു ടെന്‍ഷനില്ലെന്ന് നടന്‍ മനീഷ്

നടന്‍ ആയിരുന്നില്ലെങ്കില്‍ എന്ന് ചോദിച്ചാല്‍ അഭിനയ ലോകത്ത് എവിടെയെങ്കിലും തന്നെ ഞാന്‍ ഉണ്ടാകുമെന്നേ പറയുകയുള്ളു. സ്റ്റുഡിയോയില്‍ വര്‍ക്ക് ചെയ്തിട്ടുണ്ട് ഞാന്‍. അതുകൊണ്ട് അഭിനയത്തില്‍ അല്ലെങ്കില്‍ റെക്കോര്‍ഡിസ്റ്റായ എഡിറ്ററായോടിട്ടോ ഒക്കെ സാങ്കേതിക മേഖലയില്‍ തന്നെ ഉണ്ടായേക്കാം. നായകനായി അഭിനയിക്കാത്തതില്‍ വിഷമമുണ്ടോന്ന് ചോദിച്ചാല്‍ താരത്തിന് വ്യക്തമായ മറുപടിയുണ്ട്.

ഒന്ന് രണ്ട് സീരിയലുകളില്‍ നായകനായി ചെയ്തു എന്നല്ലാതെ ശക്തനായൊരു നായകനായിട്ടൊന്നും ചെയ്യാന്‍ പറ്റിയിട്ടില്ല. നമ്മുടെ ശാരീരിക രീതിയി അനുസരിച്ച് അനിയനോ ചേട്ടനോ, അതല്ലെങ്കില്‍ നായികയുടെ കൂട്ടുകാരനോ ആയിട്ടൊക്കെയാണ് കഥാപാത്രങ്ങള്‍ കിട്ടിയിരുന്നത്.

ഇപ്പോള്‍ ചിന്തിക്കുമ്പോള്‍ നായകനാവാത്തത് നന്നായി. അതുകൊണ്ട് ഏത് സീരിയലിലും സ്വഭാവനടനായി അഭിനയിക്കാം. നായകനാണെങ്കില്‍ ഒരു സീരിയല്‍ തുടങ്ങി അവസാനം വരെ അതില്‍ തന്നെ നായകനായി തുടരണം.

എന്റെ വിവാഹത്തിന് ആദ്യം ഭാര്യയുടെ വീട്ടുകാര്‍ക്ക് ടെന്‍ഷന്‍ ഉണ്ടായിരുന്നു. ഒരു നടന് അവരുടെ മകളെ കെട്ടിച്ച് കൊടുക്കുക എന്നത് റിസ്‌കുള്ള കാര്യമാണ്. കല്യാണം ആലോചിച്ച് വന്ന സമയത്ത് എന്നെ കുറിച്ച് പെണ്ണിന്റെ വീട്ടുകാരോട് ചിലര്‍ പലതും പറഞ്ഞ് കൊടുത്തിരുന്നു.

എനിക്ക് ഒരുപാട് പേരുമായി പ്രണയബന്ധങ്ങളുണ്ടെന്നാണ് പറഞ്ഞത്. സത്യത്തില്‍ എനിക്കൊരു പ്രണയം ഉണ്ടായിരുന്നു. ഭാര്യയുടെ വീട്ടുകാര്‍ അതൊക്കെ മനസിലക്കിയതിന് ശേഷമാണ് കല്യാണം കഴിക്കുന്നത്.

എന്നെയും ഈ ഫീല്‍ഡിലുമൊക്കെ ഒരു വിശ്വാസം ഉണ്ടായി. ഫാമിലിമാനാണെന്ന് അവള്‍ക്കും മനസിലായി. എല്ലാത്തിലും തന്നെ സപ്പോര്‍ട്ട് ചെയ്യുന്നത് ഭാരയാണ്. ഒരു നടനെ സംബന്ധിച്ച് പേഴ്‌സണല് ലൈഫ് ഓക്കെ അല്ലെങ്കില്‍ വലിയ ബുദ്ധിമുട്ടാണ്. പലരും പിടിച്ച് നില്‍ക്കുന്നുണ്ടാവും. എന്നാലും മാനസികമായി ഹാപ്പി ആയിരിക്കില്ല. എന്നെ സംബന്ധിച്ച് അക്കാര്യത്തില്‍ ഭാഗ്യവാനാണ്. എന്റെ കുടുംബം എല്ലാത്തിലും ഭയങ്കര സപ്പോര്‍ട്ടാണ്.

സക്രീനില്‍ എന്ത് വൃത്തികേട് കാണിച്ചാലും അവര്‍ക്ക് കുഴപ്പമില്ല. ഏത് രീതിയിലും എന്തും ചെയ്യാം എന്ന നിലയിലുള്ള കഥാപാത്രങ്ങളാവും നാളെ നമുക്ക് വരുന്നത്. അത് അഭിനയമാണെന്ന് തിരിച്ചറിയാന്‍ ഭാര്യയ്ക്ക് സാധിക്കും. അങ്ങനൊരു ഭാര്യയായത് കൊണ്ട് എനിക്ക് ഈ ഫീല്‍ഡില്‍ ഒരു തരത്തിലുള്ള ടെന്‍ഷനും ഉണ്ടാവാറില്ലെന്ന് നടന്‍ വ്യക്തമാക്കുന്നു.

സിനിമയില്‍ ഞാനും ഭാഗമാവണമെന്നൊരു ആഗ്രഹം ഭാര്യയ്ക്കുണ്ട്. ഒത്തിരി കാലമായി സീരിയല്‍ ചെയ്യുന്നുണ്ട്. ഇനിയെങ്കിലും സിനിമ ചെയ്യണമെന്നാണ് അവള്‍ പറയുന്നത്. ഉള്ളിടത്തോളം താലം ഈ ഫീല്‍ഡില്‍ പിടിച്ചു നില്‍ക്കണമെന്നതാണ് എന്റെ ഏറ്റവും വലിയ സ്വപ്നം. അത് സിനിമയായാലും സീരിയല് ആയാലും ഇവിടെ തന്നെ ഉണ്ടാവണമെന്നാണ് ആഗ്രഹമെന്നും മനീഷ് കൂട്ടിച്ചേര്‍ക്കുന്നു.