ഈ അമ്മയേയും മകനേയും നെഞ്ചിലേറ്റി പ്രേക്ഷകർ, നന്ദി പറഞ്ഞ് ഭ്രമണം സീരിയൽ താരം

ഫേസ്ബുക്ക് പോസ്റ്റ്

ഫാൻ ബോയ് മോമന്റ് എന്ന് കുറിച്ചു കൊണ്ടാണ് റോസ്ലിനോടുള്ള ആരാധനയെ കുറിച്ച് താരം പങ്കുവെച്ചത്. പണ്ട് മുതലേ റോസ്ലിൻ ആന്റിയുടെ ഒരു വല്ല്യ ഫാൻ ആയിരുന്നു ഞാൻ, കഴിഞ്ഞ വർഷം ഐഎഫ്എഫ്കെയിൽ വെച്ച് പനി എന്ന സിനിമയിലെ ആന്റിയുടെ പെർഫോമൻസ് കൂടി കണ്ടതോടെ ആ ആരാധന കൂടി. ഹൃദയം സ്നേഹസാന്ദ്രത്തിൽ ആന്റി ആണ് എൻ്റെ അമ്മ എന്നറിഞ്ഞപ്പോൾ മുതലേ വല്ല്യ എക്സൈറ്റ്മെന്റിൽ ആയിരുന്നു. ആന്റിയുടെ കൂടെ സ്ക്രീൻ ഷെയർ ചെയ്യാൻ അത്രയ്ക്ക് ആഗ്രഹം ഉണ്ടായിരുന്നു,

ഭ്രമണത്തിൽ ഞങ്ങൾക്ക് കോമ്പിനേഷൻ സീൻസ് ഒന്നും ഉണ്ടായിരുന്നില്ലല്ലോ. എത്ര ഈസി ആയിട്ടും സ്വാഭാവികമായിട്ടും ആണ് പെർഫോം ചെയ്യുന്നത്.... നമ്മൾ സ്വയം മറന്നു നോക്കി നിന്ന് പോകും.റോസ്ലിൻ ആന്റിയുടെ കൂടെയുള്ള ഓരോ സീനും ആസ്വദിച്ചാണ് ചെയ്യുന്നത്. അത്രക്ക് സ്നേഹവും പിന്തുണയും ആണ് കൂടെ അഭിനയിക്കുന്നവർക്ക് ആന്റി നൽകുന്നത്, ആന്റി സെറ്റിൽ ഉള്ളപ്പോൾ എല്ലാവരിലും ആ പോസിറ്റീവ് എനർജി കിട്ടും- സേതു ഫേസ്ബുക്കിൽ കുറിച്ചു.

നടന്റ ഫേസ്ബുക്ക് പോസ്റ്റിന് മികച്ച പ്രേക്ഷക സ്വീകാര്യതയാണ് ലഭിച്ചിരിക്കുന്നത്. അമ്മയും മകനും സൂപ്പർ എന്നാണ് ആരാധകരിൽ നിന്ന് ലഭിക്കുന്ന അധികം കമന്റും. രണ്ട് പേരും തമ്മിൽ നല്ല ചേർച്ചയാണെന്നും ആരാധകർ പറയുന്നു .കൂടാതെ സീരിയലിലെ ഇവരുടെ പ്രകടനത്തെ കുറിച്ചും ആരാധകരുടെ ഇടയിൽ ചർച്ചയാകുന്നുണ്ട്. ആരാധകർക്ക് നന്ദി അറിയിച്ച് നടനും രംഗത്തെത്തിയിട്ടുണ്ട്. നിങ്ങളുടെ കമന്റുകളും മെസേജുകളും വായിച്ചപ്പോൾ ഒരുപാട് സന്തോഷം തോന്നുന്നുവെന്നും നടൻ ആരാധകർക്ക് മറുപടിയായി കമന്റ് ചെയ്തു. സീരിയലിൽ നടി റോസ്ലിനോടൊപ്പമുള്ള ചിത്രം പങ്കുവെച്ച് കൊണ്ടായിരുന്നു നടന്റെ വാക്കുകൾ.

ഭ്രമണത്തിന് ശേഷം മഴവിൽ മനോരമയിൽ സംപ്രേക്ഷണം ചെയ്യുന്ന ജീവിത നൗകയിലും നടൻ അഭിനയിച്ചിരുന്നു. എന്നാൽ കൊവിഡ് പ്രതിസന്ധിയെ തുടർന്ന് താരം സീരിയലിൽ നിന്ന് പിൻമാറുകയായിരുന്നു. പിന്നീട് ചെറിയ ഇടവേളയ്ക്ക് ശേഷമാണ് ഹൃദയം സ്നേഹസാന്ദ്രത്തിലൂടെ പ്രേക്ഷകരുടെ മുന്നിൽ പ്രത്യക്ഷപ്പെടുന്നത്. സമൂഹമാധ്യമങ്ങളിൽ സജീവമായ സേതു തന്നെയാണ് തൻരെ പുതിയ പരമ്പരയെ കുറിച്ച് പ്രേക്ഷകരുമായി പങ്കുവെച്ചത്. നടന്റെ വാക്കുകൾ ഇങ്ങനെ... അങ്ങനെ ഒരു ചെറിയ ഇടവേളക്ക് ശേഷം വീണ്ടും മിനി സ്ക്രീനിലേക്ക്. അതും ജോയ്‌സി സാറിന്റെ പ്രൊജെക്ടിലേക്ക് വീണ്ടും വരുന്നു എന്നത് ഒരുപാട് സന്തോഷം നൽകുന്നു. ഇന്ദ്രജിത്ത് എന്ന കഥാപാത്രം എന്നെ വിശ്വസിച്ചു ഏൽപ്പിച്ചതിൽ ഒരുപാട് നന്ദി സർ... നമ്മളുടെ പെർഫോമൻസ് നന്നാവണമെങ്കിൽ ആ ടീം നൽകുന്ന പിന്തുണ ഒരു വലിയ ഘടകം ആണ്. Thanks to the entire team of HRIDAYAM SNEHASANDRAM & MAZHAVIL MANORAMA FAMILY. നിങ്ങളുടെ എല്ലാരുടേം സ്നേഹവും പിന്തുണയും അനുഗ്രഹവും ഞങ്ങളുടെ മുഴുവൻ ടീം ഒപ്പവും ഉണ്ടാവണം- നടൻ കുറിച്ചിരുന്നു. മികച്ച പ്രേക്ഷകാഭിപ്രായമാണ് പരമ്പരയ്ക്ക് ലഭിക്കുന്നത്.