എന്‍റെ പുഞ്ചിരിക്ക് കാരണം നീയാണെന്ന് സ്വാതി നിത്യാനന്ദ്! ഭര്‍ത്താവിനോട് ചേര്‍ന്നുനിന്ന് താരം!

സ്വാതിയുടെ പോസ്റ്റ്

എന്റേത്, എന്റെ പുഞ്ചിരിക്ക് പിന്നിലെ കാരണം നീയാണ്. നീയാണ് മികച്ചതെന്നും പറഞ്ഞായിരുന്നു സ്വാതി എത്തിയത്. പ്രതീഷിനൊപ്പം ചേര്‍ന്ന് നിന്നുള്ള ചിത്രങ്ങളായിരുന്നു താരം ഇന്‍സ്റ്റഗ്രാമില്‍ പോസ്റ്റ് ചെയ്തത്. ഇതിനകം തന്നെ ചിത്രങ്ങള്‍ വൈറലായി മാറിക്കഴിഞ്ഞിട്ടുണ്ട്. നിരവധി പേരാണ് ചിത്രത്തിന് കീഴില്‍ കമന്റുകളുമായെത്തിയത്. വിവാഹ ശേഷവും അഭിനയത്തില്‍ സജീവമാണ് സ്വാതി. പുതിയ പരമ്പരയെക്കുറിച്ചുള്ള വിശേഷങ്ങള്‍ പങ്കുവെച്ചും താരമെത്തിയിരുന്നു.

വിമര്‍ശകരോട്

വിവാഹവുമായി ബന്ധപ്പെട്ട് കടുത്ത വിമര്‍ശനങ്ങള്‍ ഉന്നയിച്ചായിരുന്നു ഒരുവിഭാഗമെത്തിയത്. ഇവര്‍ക്ക് ശക്തമായ മറുപടി നല്‍കിയും താരമെത്തിയിരുന്നു. തങ്ങള്‍ ഇരുവരും കുടുംബാംഗങ്ങളുമെല്ലാം സന്തോഷത്തോടെ കഴിയുകയാണ്, പ്രത്യേകിച്ച് പ്രശ്‌നങ്ങളൊന്നുമില്ല. എന്നാല്‍ ചിലര്‍ക്ക് അത് ഇഷ്ടപ്പെട്ടിരുന്നില്ല. സീരിയല്‍ മേഖലയിലുള്ളവര്‍ തന്നെ വിമര്‍ശനങ്ങളുമായെത്തിയിരുന്നുവെന്നും അവര്‍ക്ക് മുന്നില്‍ തങ്ങള്‍ ഇരുവരും ചിരിച്ച് നില്‍ക്കുകയായിരുന്നുവെന്നും സ്വാതി പറഞ്ഞിരുന്നു.

പുത്തന്‍ചിത്രങ്ങള്‍

സോഷ്യല്‍ മീഡിയയില്‍ സജീവമാണ് സ്വാതി നിത്യാനന്ദ്. വേറിട്ട മേക്കോവറിലുള്ള ചിത്രങ്ങള്‍ പങ്കുവെച്ചും താരമെത്തിയിരുന്നു. സാരിയിലും ഗൗണിലുമൊക്കെയുള്ള ചിത്രങ്ങളായിരുന്നു സ്വാതി പോസ്റ്റ് ചെയ്തത്. പ്രതീഷിനൊപ്പമുള്ള ചിത്രങ്ങളും താരം പോസ്റ്റ് ചെയ്തിരുന്നു. വിവാഹ ശേഷമുള്ള ആഘോഷങ്ങളെക്കുറിച്ചും സ്വാതി പറഞ്ഞിരുന്നു. വിവാഹം കഴിഞ്ഞതിന് ശേഷമുള്ള ആദ്യ ഓണമാണ് ഇത്തവണത്തേത്. തന്റെ പാചക മികവ് ഭര്‍ത്താവിനെ അറിയിക്കാനുള്ള ശ്രമമായിരുന്നു നടത്തിയതെന്നും സ്വാതി പറഞ്ഞിരുന്നു.

Recommended Video

Nithya Mammen exclusive interview | FilmiBeat Malayalam

ടെലിവിഷന്‍ പരിപാടിയില്‍

ഫ്‌ളവേഴ്‌സ് ചാനലില്‍ സംപ്രേഷണം ചെയ്തുവരുന്ന സ്റ്റാര്‍ മാജിക്കിലും സ്വാതി പങ്കെടുത്തിരുന്നു. വിവാഹ ശേഷമുള്ള വിശേഷങ്ങളെക്കുറിച്ചായിരുന്നു താരം പറഞ്ഞത്. രസകരമായ ഗെയിമുകളിലും താരം പങ്കെടുത്തിരുന്നു. അഭിനയം മാത്രമല്ല നൃത്തത്തിലും കഴിവുണ്ടെന്ന് തനിക്കെന്നും സ്വാതി തെളിയിച്ചിരുന്നു. വിവാഹ ശേഷം നിരവധി വിമര്‍ശനങ്ങള്‍ കേട്ടിരുന്നുവെങ്കിലും അതൊന്നും തങ്ങളെ ബാധിച്ചിരുന്നില്ലെന്നും താരം പറഞ്ഞിരുന്നു.