തുടക്കത്തിലേ നുളളിക്കളയണം! എന്നാലേ ഇവന്മാരൊക്ക പഠിക്കൂ...! ഷിയാസിനെതിരെ തുറന്നടിച്ച് ബഷീര്‍!!

ബിഗ് ബോസ്

പതിനാറ് മല്‍സരാര്‍ത്ഥികളുമായിട്ടായിരുന്നു ബിഗ് ബോസിന്റെ മലയാളം പതിപ്പ് തുടങ്ങിയിരുന്നത്. ആദ്യ എലിമിനേഷനില്‍ ഡേവിഡ് ജോണും ശാരീരിക അസ്വസ്ഥകളെ തുടര്‍ന്ന് മനോജ് വര്‍മ്മയുമായിരുന്നു പുറത്തുപോയിരുന്നത്. ഓരോ എപ്പിസോഡുകളിലും വ്യത്യസ്ഥമാര്ന്ന ടാസ്‌ക്കുകളാണ് ബിഗ് ബോസ് മല്‍സരാര്‍ത്ഥികള്‍ക്ക് നല്‍കാറുളളത്. മല്‍സരാര്‍ത്ഥികള്‍ എല്ലാം തന്നെ വളരെയധികം ആവേശത്തോടെയാണ് ഓരോരുത്തരുടെയും ടാസ്‌ക്കുകള്‍ ചെയ്തുതീര്‍ക്കാറുളളത്. വിവിധ മേഖലകളില്‍ ശ്രദ്ധേയരായ ആളുകളാണ് ബിഗ് ബോസ് മലയാളത്തില്‍ മാറ്റുരയ്ക്കുന്നത്.

മൂന്നാമത്തെ എലിമിനേഷനില്‍ ഹിമ

ബിഗ് ബോസ് മലയാളത്തിന്റെ മൂന്നാമത്തെ എലിമിനേഷനില്‍ നടിയും ആക്ടിവിസ്റ്റുമായ ഹിമാ ശങ്കറായിരുന്നു പുറത്തായത്. ഹിമയുടെ പുറത്താവല്‍ മറ്റു മല്‍സരാര്‍ത്ഥികളില്‍ എല്ലാം തന്നെ സങ്കടമുണ്ടാക്കിയിരുന്നു. ഹിമയ്‌ക്കൊപ്പം അനൂപ് ചന്ദ്രന്‍,ശ്രീലക്ഷ്മി, തരികിട സാബു എന്നിവരായിരുന്നു എലിമിനേഷന്‍ ലിസ്റ്റില്‍ ഉണ്ടായിരുന്നത്. മല്‍സരാര്‍ത്ഥികളുടെ അഭിപ്രായവും പ്രേക്ഷകരുടെ വോട്ടിംഗും പരിഗണിച്ചാണ് ബിഗ് ബോസില്‍ എലിമിനേഷന്‍ നടന്നത്. ഇത്തവണ ഹിമ പുറത്തുപോവണമെന്നായിരുന്നു കൂടുതല്‍ പേരും ആവശ്യപ്പെട്ടിരുന്നത്.

ഷിയാസിന്റെ വരവ്

മല്‍സരാര്‍ത്ഥികളെ ഒന്നടങ്കം ഞെട്ടിച്ചുകൊണ്ടായിരുന്നു ബിഗ് ബോസ് ഷോയില്‍ ഷിയാസ് എത്തിയിരുന്നത്. പാട്ടും ഡാന്‍സുമൊക്കെയായി മല്‍സരാര്‍ത്ഥികള്‍ ആഘോഷിക്കുന്ന സമയത്തായിരുന്നു ഷിയാസിന്റെ വരവുണ്ടായത്. മല്‍സരാര്‍ത്ഥികളില്‍ വളരെ കുറച്ചു പേര്‍ക്ക് മാത്രമേ ഷിയാസിനെ നേരിട്ട് പരിചയമുണ്ടായിരുന്നുളളു. എന്നാല്‍ ഷിയാസ് വന്ന സമയത്തു തന്നെ മറ്റുളള മല്‍സരാര്‍ത്ഥികളെല്ലാം തന്നെ അടുത്തെത്തി പരിചയപ്പെട്ടിരുന്നു.മോഡലിംഗ് രംഗത്ത് തിളങ്ങിയിട്ടുളള ഷിയാസ് ബിഗ് ബോസില്‍ നടക്കുന്ന എല്ലാ കാര്യങ്ങളിലും വളരെ സജീവമായിട്ടാണ് ഇടപെടാറുളളത്.

ഷിയാസിനെക്കുറിച്ച് ബഷീര്‍

ഷിയാസിനെക്കുറിച്ചു മല്‍സരാര്‍ത്ഥികളിലൊരാളായ ബഷീര്‍ ചില ആരോപണങ്ങള്‍ ഉന്നയിച്ചിരുന്നു. പെണ്ണുങ്ങളോട് കൊഞ്ചി കുഴഞ്ഞ് ഷിയാസ് സ്വന്തം ഇമേജ് കളയുകയാണെന്നാണ് ബഷീര്‍ പറഞ്ഞത്. ഷിയാസ് ആവശ്യമില്ലാത്ത കാര്യങ്ങളില്‍ ഇടപെടാറുണ്ടെന്നും തുടക്കത്തിലേ നുളളി കളഞ്ഞാലേ പ്രശ്‌നങ്ങള്‍ അവസാനിക്കൂവെന്നും ബഷീര്‍ പറഞ്ഞു. വന്നിട്ട് കുറച്ചുദിവസങ്ങളേ ആയിട്ടുളളുവെങ്കിലും വലിയ രീതിയിലുളള ആരോപണങ്ങളാണ് ഷിയാസിനെതിരെ ഉയര്‍ന്നുവരാറുളളത്. ആണുങ്ങളോട് സംസാരിക്കുന്നതിനേക്കാള്‍ കൂടുതല്‍ പെണ്ണുങ്ങളോടാണ് ഷിയാസ് സംസാരിക്കാറുളളതെന്നാണ് എല്ലാവരും പറയാറുളളത്.

വീഡിയോ കാണൂ

വീഡിയോ കാണൂ