പ്ലസ്ടു കാലഘട്ടത്തിലെ ചിത്രങ്ങളുമായി വീണ നായര്‍! അന്നും ഇന്നും ഒരുപോലെയെന്ന് ആരാധകര്‍

വീണ നായരുടെതായി വന്ന പുതിയ ഇന്‍സ്റ്റഗ്രാം പോസ്റ്റും ശ്രദ്ധേയമായി മാറിയിരുന്നു. ഇത്തവണ പ്ലസ്ടുവിന് പഠിക്കുന്ന സമയത്ത് എടുത്ത ചിത്രങ്ങളാണ് നടി പങ്കുവെച്ചിരിക്കുന്നത്. പാവാടയും ബ്ലൗസും അണിഞ്ഞ് കൂട്ടുകാരിക്കൊപ്പം തനി നാട്ടിന്‍ പുറത്തുകാരിയായി നില്‍ക്കുന്ന വീണയുടെ ചിത്രങ്ങളാണ് വൈറലാകുന്നത്. ചിത്രങ്ങള്‍ക്ക് താഴെ നടിയുടെതായി വന്ന അടിക്കുറിപ്പും ശ്രദ്ധേയമായി മാറി.

പ്ലസ്ടു കാലഘട്ടത്തിലെ ഒരു ഫോട്ടോ, നന്ദി അനു ഈ ഫോട്ടോ അയച്ചു തന്നതിന്, മിസ് ചെയ്യുന്നു ആ ദിവസങ്ങള്‍ വീണ നായര്‍ ഇന്‍സ്റ്റഗ്രാം പേജില്‍ കുറിച്ചു. വീണയുടെ ചിത്രങ്ങള്‍ക്ക് താഴെ കമന്റുകളുമായി ആരാധകരും എത്തിയിരുന്നു. അളിയന്‍ അന്നും ഇന്നും ഒരു പോലെ തന്നെ ആണല്ലോ.. സൂപ്പര്‍ അളിയാ എന്നാണ് ഒരാള്‍ കമന്റ് ചെയ്തിരിക്കുന്നത്. ഈ സമയത്ത് അല്ലെ അളിയാ മറ്റേ അമ്പലത്തിലെ പ്രണയം എന്ന് മറ്റൊരാളും കുറിച്ചിരിക്കുന്നു.

ഇതിന് മറുപടിയായി ചിരിച്ചുകൊണ്ട് അല്ല, അത് പത്തിലായിരുന്നു എന്ന് നടി കുറിച്ചു. മുന്‍പ് സഹനടിയായുളള വേഷങ്ങളിലൂടെയായിരുന്നു വീണ നായര്‍ സിനിമകളിലും സീരിയലുകളിലും തിളങ്ങിയത്. ബിജു മേനോന്‍ ചിത്രം വെളളിമൂങ്ങയിലെ പഞ്ചായത്ത് പ്രസിഡണ്ട് വേഷം നടിയുടെ കരിയറില്‍ വഴിത്തിരിവുണ്ടാക്കിയിരുന്നു. തുടര്‍ന്ന് സിനിമകളില്‍ കൂടുതല്‍ സജീവമായിരുന്നു താരം.

അഭിനേതാവിന് പുറമെ നല്ലൊരു നര്‍ത്തകി കൂടിയാണ് താരം. ബിഗ് ബോസിലുണ്ടായിരുന്ന സമയത്ത് ഓട്ടന്‍ തുളളലും കേരള നടനവുമെല്ലാം നടി അവതരിപ്പിച്ചിരുന്നു. ബിഗ് ബോസ് മല്‍സരാര്‍ത്ഥികളില്‍ കൂടുതല്‍ ഇമോഷണലാവാറുളള താരം കൂടിയായിരുന്നു വീണ. ബിഗ് ബോസില്‍ എത്തി കുറച്ചുനാളുകള്‍ കഴിഞ്ഞാണ് ഗെയിം എന്താണെന്ന് മനസിലാക്കി വീണ കളിച്ചത്. ആര്യയുടെ അടുത്ത സുഹൃത്തായ വീണ കൂട്ടുകാരിക്കൊപ്പം നിന്നാണ് മുഴുവന്‍ സമയവും കളിച്ചത്.