Don't Miss!
- Sports T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത്
- Automobiles ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- Lifestyle എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട്
- News ലോക്സഭാ തിരഞ്ഞെടുപ്പ്; കാസർഗോഡ് ഉണ്ണിച്ച വീണ്ടുമെത്തുമെന്ന് യുഡിഎഫ്; തിരിച്ചുപിടിക്കാൻ എൽഡിഎഫും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Technology ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
'കേരള പോലീസ് ഡബിള് സ്ട്രോങ്ങാണ്'! വീണാ നായര്ക്കെതിരെ മോശം കമന്റിട്ട ആള്ക്കെതിരെ നടപടി
ബിഗ് ബോസ് രണ്ടാം സീസണിലൂടെ അടുത്തിടെ വാര്ത്തകളില് നിറഞ്ഞ താരമാണ് വീണാ നായര്. മലയാളികള് ഒന്നടങ്കം ഏറ്റെടുത്ത ഷോയില് അമ്പതിലധികം ദിവസം നിന്ന ശേഷമായിരുന്നു നടി തിരിച്ചെത്തിയത്. വീണ ബിഗ് ബോസില് വെച്ച് പറഞ്ഞ കാര്യങ്ങളെല്ലാം വലിയ വാര്ത്തയായി മാറിയിരുന്നു. മിനിസ്ക്രീന് രംഗത്ത് തിളങ്ങിയ താരം ബിഗ് ബോസിലും മികച്ച പ്രകടനമായിരുന്നു കാഴ്ചവെച്ചിരുന്നത്. അടുത്ത സുഹൃത്തായ ആര്യയ്ക്കൊപ്പം നിന്നുകൊണ്ടായിരുന്നു വീണാ നായര് ബിഗ് ബോസില് മല്സരിച്ചത്.
ബിഗ് ബോസില് നിന്നും തിരിച്ചെത്തിയ താരം സോഷ്യല് മീഡിയയില് വീണ്ടും സജീവമായിരുന്നു. കുടുംബത്തിനൊപ്പമുളള വിശേഷങ്ങള് പങ്കുവെച്ചെല്ലാം വീണ എത്താറുണ്ട്. വീണയെ പോലെ തന്നെ കണ്ണേട്ടനും അമ്പുച്ചനുമൊക്കെ ഇപ്പോ എല്ലാവര്ക്കും സുപരിചിതരാണ്. വീണാ നായരുടെതായി വരാറുളള പോസ്റ്റുകളെല്ലാം നിമിഷനേരംകൊണ്ടാണ് സമൂഹ മാധ്യമങ്ങളില് വൈറലാകാറുളളത്.
ലോക് ഡൗണ് കാലം അജ്മാനിലാണ് നടി കുടുംബവുമൊത്ത് ചിലവഴിക്കുന്നത്. ലോക് ഡൗണ് കാലം വീട്ടില് നിന്നുളള വിശേഷങ്ങളെല്ലാം പങ്കുവെച്ച് വീണ എത്തിയിരുന്നു. അതേസമയം അടുത്തിടെയാണ് തനിക്കെതിരെ മോശം കമന്റിട്ട ആള്ക്കെതിരെ നടി രംഗത്തുവന്നിരുന്നത്. ഇത്തരം കമന്റുകള് കാണുമ്പോഴെല്ലാം പോട്ടെ പോട്ടെ എന്ന് വെക്കുമായിരുന്നു എന്നും ഇനി അത് പറ്റില്ലെന്നും കുറിച്ചുകൊണ്ടായിരുന്നു നടി അന്ന് എത്തിയത്.
നീ ഏതവന് ആയാലും 24 മണിക്കൂറിനുളളില് നീ ചെയ്തതിന് നിയമപരമായി തന്നെ അനുഭവിക്കുമെന്നും വീണാ നായര് അന്ന് സോഷ്യല് മീഡിയയിലൂടെ പറഞ്ഞിരുന്നു. അന്ന് നിരവധി പേരാണ് വീണയ്ക്ക് പിന്തുണ അറിയിച്ച് രംഗത്തെത്തിയിരുന്നത്. കോട്ടയം എസ്പി ജയദേവന് സാറുമായി സംസാരിച്ചുവെന്നും ഇതിനൊരു പരിഹാരം ഉണ്ടാവുമെന്ന് വിശ്വാസമുണ്ടെന്നും അന്ന് വീണ പറഞ്ഞിരുന്നു.
എസ്പിക്ക് അയച്ച മെയിലിന്റെ കോപ്പി സഹിതം പങ്കുവെച്ചുകൊണ്ടായിരുന്നു അന്ന് വീണ എത്തിയത്. ഇപ്പോഴിതാ ആളെ കണ്ടെത്തിയെന്നും അയാള്ക്കെതിരെ എഫ് ഐആര് രജിസ്റ്റര് ചെയ്തെന്നും വ്യക്തമാക്കി രംഗത്ത് വന്നിരിക്കുകയാണ് വീണ. ജോണ്സണ് തോമസ് എന്ന പേരിലുളള അക്കൗണ്ടില് നിന്നായിരുന്നു നടിക്കെതിരെ മോശം കമന്റുകള് വന്നത്. ഇയാളുടെ വീട്ടുപേരും ഔദ്യോഗിക പേരും അടക്കം പോലീസ് പൊക്കിയിട്ടുണ്ട്.
കേരള പോലീസ് ഡബിള് സ്ട്രോങ്ങാണ് എന്ന് പറഞ്ഞുകൊണ്ടാണ് ഇതേപറ്റി കുറിച്ചുകൊണ്ട് വീണ എത്തിയിരിക്കുന്നത്. "കേരള പോലീസ് ഡബിള് സ്ട്രോങ്ങ് ആണ്...ജോണ്സന് എന്ന ആ മഹാനെതിരെ( വെട്ടിക്കുന്നേല് വീട്ടില് ജോണ്സന് വി ടി മോനെ) ചങ്ങനാശ്ശേരി പോലീസ് കേസ് എടുത്തു. എഫ് ഐആറിന്റെ ആദ്യ പേജാണിത്. സോഷ്യല് മീഡിയയില് എന്നാ വൃത്തികേടും വിളിച്ചു പറയവെന്നു കരുതേണ്ട... കോട്ടയം എസ്പി ജയദേവന് സാറിനും, ചങ്ങനാശ്ശേരി ഐഒപി പ്രശാന്ത്കുമാര് സാറിനും, എസ്ഐ അനില്കുമാര് സാറിനും നന്ദി. വീണ കുറിച്ചു.