ആര്യയുടെ വിവാഹത്തെക്കുറിച്ച് പറഞ്ഞ് എലീനയും ഫുക്രുവും! എലീനയുടെ വീട്ടിലെത്തിയ താരങ്ങള്‍

എലീനയുടെ വീട്ടില്‍

ബിഗ് ബോസിന് ശേഷവും ഇടയ്ക്ക് താരങ്ങള്‍ കണ്ടിരുന്നു. ആര്യയുടെ വീട്ടില്‍ വെച്ചുള്ള കൂടിക്കാഴ്ചയുടെ ചിത്രങ്ങളും വീഡിയോയുമെല്ലാം സോഷ്യല്‍ മീഡിയയിലൂടെ വൈറലായി മാറിയിരുന്നു. തിരുവനന്തപുരത്തുള്ള താരങ്ങളായിരുന്നു അന്നൊരുമിച്ച് ചേര്‍ന്നത്. ഫുക്രുവിനെക്കുറിച്ചായിരുന്നു കൂടുതല്‍ പേരും അന്ന് ചോദിച്ചത്. കഴിഞ്ഞ ദിവസമായിരുന്നു എലീനയുടെ വീട്ടിലേക്ക് ഫുക്രുവും സംഘവും എത്തിയത്. ഇവരുടെ വരവിന്റെ വിശേഷങ്ങളാണ് ഇപ്പോള്‍ വൈറലായിക്കൊണ്ടിരിക്കുന്നത്.

ഫുക്രുവുമുണ്ട്

എലീനയുടെ അടുത്ത സുഹൃത്താണ് ഫുക്രു. ഇവര്‍ ഇരുവരും പ്രണയത്തിലാണോയെന്ന തരത്തിലുള്ള സംശയത്തിലായിരുന്നു ആരാധകര്‍. എലീനയുടെ കാര്യം തനിക്കും തന്റെ കാര്യം അവള്‍ക്കും അറിയാമെന്നായിരുന്നു ഫുക്രു പറഞ്ഞത്. ഇടയ്ക്ക് എലീന വീട്ടില്‍ നിന്നും മാറി നിന്നപ്പോള്‍ ഫുക്രു നിരാശനായിരുന്നു. ഇതേക്കുറിച്ച് പറഞ്ഞ് ആര്യയും വീണയും കളിയാക്കിയിരുന്നു. അടുത്ത സുഹൃത്തുക്കളാണ് ഇരുവരും. പിറന്നാള്‍ ദിനത്തില്‍ ഫുക്രുവിനെ എലീനയും സംഘവും ഞെട്ടിച്ചിരുന്നു.

ആരുടെ വിവാഹമാണ്

താന്‍ പ്രണയത്തിലാണെന്നും വീട്ടില്‍ നിന്നും എതിര്‍പ്പുകളുണ്ടെന്നും എലീന പറഞ്ഞിരുന്നു. കോഴിക്കോട്ടെ പ്രധാനപ്പെട്ട തറവാട്ടിലെ അംഗമാണ് അദ്ദേഹമെന്നും ബിസിനസിലേക്ക് തിരിയാനുള്ള പ്ലാനിലാണ് അദ്ദേഹമെന്നും താരം വ്യക്തമാക്കിയിരുന്നു. പ്രണയത്തെക്കുറിച്ച് പരോക്ഷമായി ഫുക്രുവും വെളിപ്പെടുത്തിയിരുന്നു. തന്റെ ജാനിനെക്കുറിച്ച് ആര്യയും വാചാലയായിരുന്നു. നിങ്ങളില്‍ ആരുടെ വിവാഹമാണ് ആദ്യമെന്നായിരുന്നു ഒരാള്‍ എലീനയോടും ഫുക്രുവിനോടും ചോദിച്ചത്. ആര്യച്ചേച്ചിയുടെ എന്ന മറുപടിയായിരുന്നു ഇരുവരും നല്‍കിയത്.

രജിത് കുമാറിനെക്കുറിച്ച്

ബിഗ് ബോസിലെ സഹമത്സരാര്‍ത്ഥിയായിരുന്ന രജിത് കുമാറിനെക്കുറിച്ചുള്ള ചോദ്യങ്ങളും ഇത്തവണ ഉയര്‍ന്നിരുന്നു. രജിത് കുമാറിനെക്കുറിച്ച് എന്താണ് അഭിപ്രായമെന്ന് ചോദിച്ചപ്പോള്‍ തലൈവ എന്ന ഗാനമിട്ട് നൃത്തം ചെയ്യുകയായിരുന്നു ഇവര്‍. പ്രദീപും സുരേഷും ഇവര്‍ക്കൊപ്പം ചേര്‍ന്നിരുന്നു. രജിത് കുമാറിനെ വിമര്‍ശിച്ചതുമായി ബന്ധപ്പെട്ട് താരങ്ങള്‍ക്കെതിരെ കടുത്ത വിമര്‍ശനമായിരുന്നു ഉയര്‍ന്നുവന്നത്.

Recommended Video

രജിത്തിനെക്കുറിച്ച് ആര്യയുടെ തുറന്നുപറച്ചില്‍ വൈറല്‍ | FilmiBeat Malayalm

മാസ്‌ക്കുണ്ട്

ആര്യയുടെ വീട്ടിലെ കൂടിക്കാഴ്ചയിലെ ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു. മാസ്‌ക് ധരിക്കാത്ത താരങ്ങള്‍ക്കെതിരെ രൂക്ഷവിമര്‍ശനങ്ങളായിരുന്നു അന്ന് ഉയര്‍ന്നത്. ഇത്തവണ മാസ്‌ക് ധരിച്ചാണ് താരങ്ങളെല്ലാം എത്തിയത്. സുരേഷിനേയും പ്രദീപിനേയും എലീനയേയം ഫുക്രുവിനേയും ടാഗ് ചെയ്തായിരുന്നു ആര്യ സ്റ്റാറ്റസ് പോസ്റ്റ് ചെയ്തത്.