ഒടുവില്‍ ആര്യയുടെ ജീവിതത്തിലേക്ക് ആ സന്തോഷമെത്തി; ഈ ദീപാവലി പുതിയ ഇടത്താണെന്ന് സൂചിപ്പിച്ച് ബഡായ് ആര്യ

പിന്നാലെ ആര്യയ്ക്കും മകള്‍ക്കും ആശംസകള്‍ അറിയിച്ച് കൊണ്ട് ആരാധകരുമെത്തി. ഏറെ കാലമായി സ്വന്തമായൊരു വീട് വേണം എന്ന സ്വപ്‌നം കണ്ട് നടന്ന ആളാണ് ആര്യ. ഫ്‌ളാറ്റ് വാങ്ങിക്കുന്നതിനെ പറ്റി മുന്‍പും നടി പറഞ്ഞിരുന്നു. അതുകൊണ്ട് തന്നെ വീട് കിട്ടിയല്ലോ എന്ന സന്തോഷം പങ്കുവെച്ചാണ് ആര്യയുടെ ആരാധകരെല്ലാം എത്തിയത്. നടിയുടെ പോസ്റ്റിന് താഴെ ഇതിനെ കുറിച്ച് സൂചിപ്പിച്ച് കൊണ്ടുള്ള നൂറ് കണക്കിന് മെസേജുകള്‍ വന്ന് നിറയുകയാണ്. എന്നാല്‍ ആര്യയുടെ പുത്തന്‍ വീട് എവിടെയാണെന്ന് ചിലര്‍ ചോദിച്ചതോടെയാണ് ഇത് വാടകയ്ക്ക് എടുത്ത വീടാണെന്ന് നടി സൂചിപ്പിച്ചത്.

നിലവിലുള്ള വീട്ടില്‍ നിന്നും കൊച്ചിയിലേക്കാണോ അതോ തിരുവനന്തപുരത്താണോ ആര്യ വീട് വാങ്ങിയതെന്ന കാര്യം വ്യക്തമല്ല. ഇനിയുള്ള ദിവസങ്ങളില്‍ അത് സംബന്ധിച്ചുള്ള വിശദാംശങ്ങള്‍ നല്‍കുമെന്നാണ് കരുതുന്നത്. ബിഗ് ബോസില്‍ പങ്കെടുത്തതോടെയാണ് വീട് വാങ്ങിക്കുന്നതിനെ കുറിച്ചടക്കമുള്ള വ്യക്തി ജീവിതത്തിലെ കാര്യങ്ങള്‍ ആര്യ പങ്കുവെക്കുന്നത്. ബിഗ് ബോസ് വിന്നറിന് ലഭിക്കുന്ന ഫ്‌ളാറ്റിനെ കുറിച്ചും സംസാരം ഉണ്ടായിരുന്നു. എന്നാല്‍ കൊവിഡ് കാരണം മത്സരം പാതി വഴിയില്‍ അവസാനിച്ചതിനാല്‍ വിന്നറിനെ തീരുമാനിക്കാന്‍ സാധിച്ചിരുന്നില്ല.

ആദ്യ വിവാഹബന്ധം വേര്‍പ്പെടുത്തിയതിന് ശേഷം സിംഗിള്‍ മദറായി കഴിയുകയാണ് ആര്യയിപ്പോള്‍. മകള്‍ റോയയ്‌ക്കൊപ്പമാണ് താമസം. രണ്ടാമതൊരു പ്രണയം വന്ന് ചേര്‍ന്നെങ്കിലും അത് നഷ്ടപ്പെട്ടതിന്റെ വിഷാദത്തിലായിരുന്നു. ബിഗ് ബോസില്‍ പോയി തിരിച്ച് വന്നപ്പോഴെക്കും മൂന്ന് വര്‍ഷത്തോളമായി ഉണ്ടായിരുന്ന ബന്ധം നഷ്ടപ്പെട്ട് പോവുകയാണ് ചെയ്തത്. അടുത്തിടെ ഒരു അഭിമുഖത്തില്‍ ഇനിയും പുതിയൊരു പങ്കാളിയെ താന്‍ തേടുന്നുണ്ടെന്ന കാര്യം ആര്യ വെളിപ്പെടുത്തി. ആദ്യ ഭര്‍ത്താവിനോടും ഇപ്പോഴും പഴയ സൗഹൃദം കാത്തുസൂക്ഷിക്കുന്ന ആള്‍ കൂടിയാണ് ആര്യ.

Recommended Video

Bigg boss Arya got cheated on her birthday | FilmiBeat Malayalam

ആര്യയുടെ ജീവിതത്തില്‍ ഓരോ അനുഭവങ്ങളും പുതിയ പാഠങ്ങള്‍ നല്‍കുകയാണ്. നിലവില്‍ ഏഷ്യാനെറ്റില്‍ സംപ്രേക്ഷണം ചെയ്യുന്ന വാല്‍ക്കണ്ണാടി എന്ന പരിപാടിയുടെ അവതാരകയായിട്ടാണ് ആര്യ എത്തുന്നത്. മുന്‍പ് സ്റ്റാര്‍ട്ട് മ്യൂസിക് പരിപാടിയില്‍ ആര്യ ഉണ്ടായിരുന്നെങ്കിലും മറ്റ് ചിലരാണ് അത് നടത്തുന്നത്. ശേഷം വാല്‍ക്കണ്ണാടി എന്ന ഗെയിം ഷോ യുമായി ആര്യ വരികയായിരുന്നു. വളരെ കുറഞ്ഞ സമയം കൊണ്ട് ഈ ഷോ യും ശ്രദ്ധിക്കപ്പെട്ട് തുടങ്ങിയിരിക്കുകയാണ്.