ഗര്‍ഭ കാലത്തെ ഫോട്ടോയുമായി പേളി, ശ്രീനിഷിന്റെയും പേളിയുടെയും വിലപ്പെട്ട സാധനങ്ങള്‍ കാടിനുള്ളിലാണ്

പേളിയുടെ പുതിയ ഫോട്ടോയ്ക്ക് കാര്യമായ പ്രശ്‌നങ്ങളൊന്നുമില്ലെങ്കിലും അതിന് നടി കൊടുത്ത ക്യാപ്ഷനായിരുന്നു തരംഗമുണ്ടാക്കിയത്. എന്റെ ഒരു കമ്മല്‍ എവിടെ പോയി? കാട്ടില്‍ നിന്നും നഷ്ടപ്പെട്ടു എന്നായിരുന്നു ഫോട്ടോയ്ക്ക് അടിക്കുറിപ്പായി നല്‍കിയത്. ക്യാപ്ഷന്‍ നോക്കിയതിന് ശേഷം ചിത്രത്തിലേട്ട് നോക്കിയാല്‍ അത് ശരിയാണെന്ന് മനസിലാകും. വലിയൊരു റിങ് കമ്മലായിരുന്നു പേളി അണിഞ്ഞത്. അതിലൊരണ്ണം മാത്രമേ കാതില്‍ ഉണ്ടായിരുന്നു. മറ്റേ കമ്മല്‍ എവിടെയാണെന്നുള്ളതിന് ഉത്തരം പേളിയുടെ ആരാധകര്‍ തന്നെ പറഞ്ഞു കൊടുത്തിരിക്കുകയാണ്.

രസകരമായ കാര്യം തന്റെ മുടിയെ ആണ് പേളി കാട് എന്ന് വിശേഷിപ്പിച്ചത്. വളരെയധികം ചുരുണ്ട മുടിയാണ് പേളി മാണിയുടെ പ്രത്യേകത. പലപ്പോഴും ചുരുളമ്മയെന്നായിരുന്നു ശ്രീനിഷ് പോലും വിളിച്ചിരുന്നത്. ഇതിനിടെ പേളിയുടെ പോസ്റ്റിന് താഴെ കമന്റുമായി ഭര്‍ത്താവ് ശ്രീനിഷും എത്തിയിരിക്കുകയാണ്. 'എന്റെ ഹെഡ് സെറ്റും കാണുന്നില്ല. ഒന്ന് നോക്കാമോ'എന്നായിരുന്നു ശ്രീനിയുടെ കമന്റ്. അത് എവിടെയും പോയിട്ടുണ്ടാവില്ല. പേളിയുടെ മുടിയ്ക്കുള്ളില്‍ തന്നെ ഉണ്ടാവുമെന്നായിരുന്നു കൂടുതല്‍ പേരും ശ്രീനിഷിന് മറുപടിയായി കൊടുത്തിരിക്കുന്നത്.

സോഷ്യല്‍ മീഡിയയില്‍ വളരെ ആക്ടീവായിട്ടുള്ള പേളിയും ശ്രീനിഷും തങ്ങളുടെ ആരാധകരുമായി സംസാരിക്കാറുണ്ടായിരുന്നു. പോസ്റ്റുകള്‍ക്ക് താഴെ വരുന്ന കമന്റുകള്‍ക്ക് മറുപടി കൊടുക്കാന്‍ ഇരുവര്‍ക്കും മടിയില്ല. കുഞ്ഞതിഥി കൂടി വരുന്നതിനെ കുറിച്ചാണ് ഇപ്പോള്‍ എല്ലാവര്‍ക്കും ചോദിക്കാനുള്ളത്. അതിന് മുന്‍പ് തന്നെ പേളി തന്റെ ഓരോ കാര്യങ്ങളും വീഡിയോ രൂപത്തില്‍ എത്തിക്കാറുമുണ്ട്. കഴിഞ്ഞ ദിവസങ്ങളില്‍ ഭക്ഷണം കഴിക്കാനുള്ള ഇഷ്ടങ്ങളെ കുറിച്ചായിരുന്നു താരം പറഞ്ഞത്.

Recommended Video

പേളിയുടെ ജീവിതത്തിലെ വലിയ മോഹം സാക്ഷാത്ക്കരിച്ച് ശ്രീനി

ഞണ്ടുകറി സ്വയം പാചകം ചെയ്തും നാരങ്ങമുട്ടായി വാങ്ങി കഴിച്ചുമൊക്കെ തന്റെ ഇഷ്ടങ്ങള്‍ സഫലീകരിക്കുകയാണ് പേളി. മാത്രമല്ല കുഞ്ഞു വയറ് വീര്‍ത്ത് വരുന്നുണ്ടെന്ന് സൂചിപ്പിച്ചുള്ള ചിത്രവും നടി പുറത്ത് വിട്ടിരുന്നു. മാര്‍ച്ചിലായിരിക്കും കുഞ്ഞ് പിറക്കാന്‍ പോവുന്നത്. ഗര്‍ഭകാലത്തിന്റെ തുടക്കത്തിലുള്ള അസ്വസ്ഥകള്‍ തന്നെയും കാര്യമായി അലട്ടുന്നുണ്ട്. എങ്കിലും അതെല്ലാം താന്‍ ആസ്വദിക്കുകയാണെന്ന് ഒരു അഭിമുഖത്തില്‍ പേളി വ്യക്തമാക്കിയിരുന്നു.