ഉറുമ്പ് കടിച്ചത് പോലൊരു വേദന, അനുഭവം പങ്കുവെച്ച് പേളി മാണി, അമ്മയ്‌ക്കൊപ്പം നില ബേബിയും

പേളിക്കൊപ്പം നില ബേബിയും ഒപ്പമുണ്ട്. നിലയെ കാറിലിരുത്തിയാണ് പേളി വാക്‌സിന്‍ എടുക്കാന്‍ എത്തിയത്. കാറില്‍ പേളിയുടെ സഹോദരന്‍ ശരത്തിനൊപ്പമാണ് നിലയുളളത്. താന്‍ വാക്‌സിന്‍ എടുക്കാന്‍ വന്നപ്പോള്‍ ശ്രീനി മകളെ വീഡിയോ കോള്‍ ചെയ്തതിനെ കുറിച്ചും പേളി പറഞ്ഞു. പേളിക്കൊപ്പം വാക്‌സിന്‍ എടുക്കാന്‍ സഹോരി ശ്രദ്ധയും ഒപ്പമുണ്ടായിരുന്നു.

ഒരുപാട് പേര്‍ തനിക്ക് അയച്ച സന്ദേശങ്ങളെ കുറിച്ച് പേളി തന്റെ പുതിയ വീഡിയോയില്‍ പറഞ്ഞു. 'ചേച്ചി വാക്‌സിന്‍ എടുത്തോ'?, 'മുലയൂട്ടൂന്ന അമ്മമാര്‍ക്ക് എടുക്കാമോ'?, 'സേഫാണോ' എന്നൊക്കെ ചോദിച്ച് കുറെ പേര്‍ മെസേജ് അയച്ചു. 'ഇതേ സംശയം എനിക്കുമുണ്ടായിരുന്നു' നടി പറയുന്നു. വാവയ്ക്കും കുറച്ച് വാക്‌സിനേഷന്‍ ഉണ്ടല്ലോ. അവള്‍ക്ക് എടുത്ത സമയത്ത് ഞാന്‍ ഡോക്ടറോട് ഇക്കാര്യം ചോദിച്ചു.

'എനിക്ക് എടുക്കാമോ' എന്ന് ചോദിച്ചപ്പോള്‍ തീര്‍ച്ചയായും എടുക്കാമെന്ന് ഡോക്ടര്‍ പറഞ്ഞു. 'അങ്ങനെയാണ് ഞാന്‍ ഇവിടെ എത്തിയിരിക്കുന്നത്. അപ്പോ മുലയൂട്ടുന്ന അമ്മമാര്‍ വാക്‌സിന്‍ എടുക്കുന്നത്‌ സേഫാണ്. എന്തായാലും അവര്‍ വാക്‌സിന്‍ എടുക്കണം', പേളി മാണി പറഞ്ഞു. വാക്‌സിന്‍ എടുത്ത ശേഷം ചെറിയൊരു ഉറുമ്പ് കടിച്ച വേദനയേ ഉളളൂവെന്ന് നടി പറഞ്ഞു. വലിയ വേദനയൊന്നും ഇല്ല.

Recommended Video

ഹോ എന്താ ഒരു ചിരി..പേർളിയുടെ മകളുടെ തകർപ്പൻ വീഡിയോ

'വീട്ടിലെത്തിയ ശേഷം ഡോളോ ഗുളിക കഴിച്ചു. അപ്പോഴും വലിയ വേദനയൊന്നുമില്ല. എന്നാലും ഉറക്കക്ഷീണം വന്നുവെന്നും പേളി പറഞ്ഞു. എന്‌റെ അനുഭവം ഷെയര്‍ ചെയ്യുക എന്ന ഉദ്ദേശത്തോടെയാണ് വീഡിയോ പങ്കുവെച്ചതെന്നും' നടി പറഞ്ഞു. പേളി മാണിയുടെ പുതിയ വീഡിയോയ്ക്ക് താഴെയും നിരവധി പേരാണ് കമന്റുകളുമായി എത്തിയത്. വിവാഹ ശേഷവും മിനിസ്‌ക്രീന്‍ രംഗത്ത് തിരിച്ചെത്തിയിരുന്നു പേളി. ഒരു തമിഴ് ഡാന്‍സ് ഷോയില്‍ അവതാരകയായ താരം തുടര്‍ന്ന് മലയാളത്തിലേക്കും എത്തുകയായിരുന്നു.