അനിയത്തിയുടെ കല്യാണം കഴിഞ്ഞു, ആര്യ ഇനി ഒറ്റയ്ക്ക് ജീവിച്ചാല്‍ മതിയോ? വിവാഹത്തെ കുറിച്ചുള്ള നടിയുടെ മറുപടി

സഹോദരിയുടെ വിവാഹത്തെ കുറിച്ചുള്ള ചോദ്യത്തിന് ആര്യയുടെ മറുപടിയിങ്ങനെ.. 'ഇപ്പോള്‍ ഭയങ്കര സന്തോഷം ഉണ്ട്. നമ്മള്‍ മനസില്‍ ആഗ്രഹിച്ച ഓരോ കാര്യങ്ങള്‍ നടത്തി കഴിയുമ്പോള്‍ അങ്ങനെ സന്തോഷിക്കുകയല്ലേ എന്നാണ് ആര്യ ചോദിക്കുന്നത്. ഇപ്പോള്‍ ഒരു ആഗ്രഹം കഴിഞ്ഞു. ഇനി അടുത്ത കാര്യം ചെയ്യണമെന്നും' നടി പറഞ്ഞു.

രമേഷ് പിഷാരടി വിവാഹത്തിന് വരാത്തതിനെ കുറിച്ചുള്ള ചോദ്യത്തിന് ആര്യയുടെ പ്രതികരണമിങ്ങനെ.. ' അദ്ദേഹം വരുമെന്ന് ഞാനും പ്രതീക്ഷിച്ചിരുന്നു. പക്ഷേ അദ്ദേഹത്തിന്റെ പുതിയൊരു ബിസിനസിന്റെ ഉദ്ഘാടനം ഉള്ളത് കൊണ്ട് വരാനായില്ല. അതിന്റെ എന്തെങ്കിലും തിരക്ക് വരികയാണെങ്കില്‍ വരാന്‍ പറ്റില്ലെന്ന് പിഷാരടി നേരത്തേ പറഞ്ഞിരുന്നതായിട്ടും' ആര്യ പറയുന്നു.

അനിയത്തിയുടെ കല്യാണത്തിന് ലാലേട്ടനെയും വിളിച്ചിരുന്നു. അദ്ദേഹം തൊടുപുഴയിലാണ്. പ്രിയന്‍ സാറിന്റെ ഏതോ പടത്തിന്റെ ഷൂട്ടാണ്. അവിടെ നിന്നും തിരുവനന്തപുരം വരെ വന്നിട്ട് പോവാനുള്ള ബുദ്ധിമുട്ട് ഉണ്ടെന്ന് വിളിച്ചപ്പോള്‍ തന്നെ എന്നോട് പറഞ്ഞിരുന്നു. അല്ലായിരുന്നെങ്കില്‍ ഉറപ്പായും വന്നേനെ..' ആര്യ കൂട്ടിച്ചേര്‍ത്തു.

അനിയത്തിയുടെ വിവാഹം കഴിഞ്ഞു, ഇനിയും ഇങ്ങനെ ഒറ്റയ്ക്ക് ജീവിച്ചാല്‍ മതിയോ? എന്നൊരു ചോദ്യം കൂടി ആര്യയോട് മാധ്യമ പ്രവര്‍ത്തകര്‍ ചോദിച്ചിരുന്നു. 'ഒറ്റയ്ക്ക് ഞാന്‍ അടിപൊളിയല്ലേ, എന്താ കുഴപ്പം. ഞാന്‍ സൂപ്പര്‍ ആയിട്ട് ജീവിക്കുന്നുണ്ടല്ലോ. പിന്നെ എന്താണ് കുഴപ്പം. ഞാനും എന്റെ മോളും സ്വസ്ഥം, ഗൃഹഭരണം. ഇനി ഭാവിയിലെന്താണ് സംഭവിക്കാന്‍ പോകുന്നതെന്ന് അറിയില്ല. ഇപ്പോള്‍ ഞാന്‍ ഭയങ്കര സന്തോഷത്തിലാണെന്നും' ആര്യ പറഞ്ഞു.

Recommended Video

Arya Sister Wedding Reception: തകർപ്പൻ ലുക്കിൽ ആര്യയുടെ കുഞ്ഞനിയത്തി | *Celebrity

'ഈ സീസണില്‍ ഏറ്റവും ഇഷ്ടം റിയാസിനെയാണ്. റോബിന്‍ ഒരു മത്സരാര്‍ഥി എന്ന നിലയില്‍ എന്തെങ്കിലും ചെയ്തതായി എനിക്ക് തോന്നിയില്ല. റോബിനെക്കാളും വളരെ നന്നായി ഗെയിം കളിക്കുകയും പെര്‍ഫോം ചെയ്തതും റിയാസാണെന്നാണ് എനിക്ക് വ്യക്തിപരമായി തോന്നിയിട്ടുള്ളത്.

ബിഗ് ബോസിനെ കുറിച്ച് ഒന്നും പ്രവചിക്കാന്‍ സാധിക്കില്ല. 77 ദിവസമായിട്ടാണ് ഞങ്ങളുടെ സീസണ്‍ നിര്‍ത്തിയത്. അത് കൊറോണ കൊണ്ട് പോയി. എല്ലാം മാറി മറിയാം. പുറത്ത് നിന്ന് ഒരാള്‍ വിചാരിച്ചാലും ഗെയിം മാറ്റാന്‍ സാധിക്കും' എന്നാണ് ആര്യ പറയുന്നത്.