രണ്ട് ഭാര്യമാര്‍ക്കും മക്കള്‍ക്കുമൊപ്പം ഗോവയിലേക്ക് യാത്ര നടത്തി ബഷീര്‍ ബഷി; എവിടെ പോകാനും അവര്‍ റെഡിയാണ്

യാത്രകളെ ഒത്തിരി സ്‌നേഹിക്കുന്ന കുടുംബമാണ് എന്റേത്. കേരളത്തിനകത്തും പുറത്തുമായി നിരവധി സ്ഥലങ്ങളില്‍ യാത്ര ചെയ്തിട്ടുണ്ട്. എവിടേക്കുള്ള യാത്രയാെങ്കിലും രണ്ടാളും റെഡിയാണ്. അക്കാര്യത്തില്‍ ഞങ്ങളെല്ലാവരും ഒറ്റക്കെട്ടാണ്. ഏത് തീരുമാനവും ബഷീറും രണ്ട് ഭാര്യമാരും ചേര്‍ന്ന് കൂടിയാലോചിച്ചാണ് എടുക്കുന്നത്. മൂവരും ചേര്‍ന്നാണ് ഈ ട്രിപ്പ് പ്ലാന്‍ ചെയ്തതും. ബഷീര്‍ പറയുന്ന സ്ഥലം ഏതാണെങ്കിലും ഭാര്യമാരായ സുഹാനയ്ക്കും മഷൂറയ്ക്കും സമ്മതമാണ്. അവര്‍ക്ക് ഒരു സ്ഥലമല്ല, യാത്രയാണ് മുഖ്യമെന്ന് മനോരമ ഓണ്‍ലൈന് നല്‍കയി അഭിമുഖത്തില്‍ ബഷീര്‍ പറയുന്നു.

വേനലവധിയ്ക്കുള്ള യാത്ര ഗോവയിലേക്ക് ആയിരിക്കുമെന്ന് മക്കള്‍ക്ക് നല്‍കിയ വാക്കായിരുന്നു. പക്ഷേ കൊറോണ കാരണം വാക്ക് പാലിക്കാന്‍ സാധിച്ചില്ല. ആ സ്വപ്‌നയാത്രയാണ് ഇപ്പോള്‍ സാധിച്ചത്. മോള്‍ക്ക് ബീച്ച് ഒരുപാട് ഇഷ്ടമായത് കൊണ്ടാണ് ഗോവ തിരഞ്ഞെടുത്തത്. ഞാനും ഭാര്യമാരും മക്കളും എന്റെ സുഹൃത്തും ഫാമിലിയുമായി സ്വന്തം വാഹനത്തിലായിരുന്നു യാത്ര. അതിന്റെ ഒരു ത്രില്ല് പറഞ്ഞറിയിക്കാന്‍ ആവില്ല. മക്കളുടെയും ഭാര്യമാരുടെയും മുഖത്തെ സന്തോഷമാണ് എന്നെ ഏറെ സന്തോഷിപ്പിച്ചത്.

ആദ്യമായിട്ടല്ല, മുന്‍പും പലതവണ ഗോവയില്‍ പോയിട്ടുണ്ടെങ്കിലും ഇത്തവണത്തെ യാത്ര ഞങ്ങളെ ശരിക്കും അതിശയിപ്പിച്ചു. സാധാരണ ഗോവ, എന്ന് പറയുമ്പോള്‍ ബീച്ചിലെങ്ങും വിദേശസഞ്ചാരികളായിരിക്കും. കൊറോണ കാരണാകും ഇത്തവണ വിദേശ സഞ്ചാരികള്‍ തീരെയില്ല. പിന്നെ കൂടുതലായും നോര്‍ത്ത് ഇന്ത്യന്‍ യാത്രക്കാരുണ്ടായിരുന്നു. ഗോവന്‍ തീരമൊക്കെ വിജനമായത് പോലെ തോന്നി. ഗോവയിലേക്കുള്ള യാത്ര തീരുമാനിച്ചതിന് പിന്നില്‍ അവിടുത്തെ ബീച്ചുകളുടെ സൗന്ദര്യമാണ് ഒന്നാമത്തെ കാരണം. ഇന്ത്യയിലെ ഏറ്റവും മികച്ച ബീച്ചുകള്‍ കാണണമെങ്കില്‍ ഗോവയില്‍ തന്നെ എത്തണം.

Recommended Video

Sreeya Iyyer talks about the issue with Basheer Bashi | FilmiBeat Malayalam

ബീച്ചിന്റെ സൗന്ദര്യം ആസ്വദിക്കുക എന്നതിനൊപ്പം സ്പീഡ് ബോട്ട്, ജെറ്റ് സ്‌കീ, അങ്ങനെ നിരവധി സാഹസിക വിനോദങ്ങളും അവിടെയുണ്ട്. എട്ട് ദിവസത്തോളം ഗോവയില്‍ അടിച്ച് പൊളിച്ചിട്ടാണ് തിരിച്ച് വന്നതെന്ന് ബഷീര്‍ പറയുന്നു. ഗോവയില്‍ പോവുന്നതിന് മുന്‍പ് കുടുംബസമേതം ഞങ്ങള്‍ കേരളത്തില്‍ പലയിടത്തും പോയിരുന്നു. എങ്കിലും നീണ്ട യാത്ര ഇതായിരുന്നു. ഇനിയും യാത്രകള്‍ പ്ലാന്‍ ചെയ്യുന്നുണ്ട്. കൊറോണയാണ് ഏറ്റവും വലിയ വില്ലന്‍. അത് മാറുമെന്നുള്ള പ്രതീക്ഷയിലാണ് ഞങ്ങളെന്നും ബഷീര്‍ ബഷി പറയുന്നു.