റോബിനൊന്ന് ചോദിച്ചിരുന്നെങ്കില്‍ ഞാനത് കൊടുക്കുമായിരുന്നു; ദുബായിലെ നമ്പര്‍ കൊടുക്കാമെന്ന് പറഞ്ഞ് നിമിഷ

ബിഗ് ബോസിലൂടെ വലിയ ജനപ്രീതി സ്വന്തമാക്കിയ റോബിനെ കുറിച്ചറിയാനാണ് ഏവരും കാത്തിരിക്കുന്നത്. വിവാഹം കൂടി ആയതിനാല്‍ മറ്റ് ബിഗ് ബോസ് താരങ്ങള്‍ ആരൊക്കെ പങ്കെടുക്കുമെന്നാണ് ആരാധകര്‍ക്കും അറിയേണ്ടത്. അതിനാല്‍ നിമിഷ അടക്കമുള്ളവരോട് ഇത്തരം ചോദ്യങ്ങളുമായി എത്തുകയാണ് പലരും. എന്നാല്‍ തന്നെ കല്യാണം വിളിച്ചിട്ടുണ്ടെന്ന് അറിയുക പോലുമില്ലെന്നാണ് വേള്‍ഡ് വിഷന് നല്‍കിയ അഭിമുഖത്തിലൂടെ നിമിഷ പറയുന്നത്.

'ബിഗ് ബോസിന് അകത്തുള്ളപ്പോഴല്ല, ശരിക്കും പുറത്താണ് കളി നടക്കുന്നതെന്നാണ്' നിമിഷ പറയുന്നത്. 'ഇപ്പോഴും എന്റെ ക്യൂ ആന്‍ഡ് എ യില്‍ വരുന്ന ചോദ്യങ്ങള്‍ റോബിനെ കുറിച്ചാണ്. അത് എന്റെ ക്യൂ ആന്‍ഡ് എ അല്ലേ, അതില്‍ എന്നെ കുറിച്ചും എന്റെ സ്വപ്‌നങ്ങളെ കുറിച്ചും ചോദിക്കുകയല്ലേ വേണ്ടതെന്ന്', നിമിഷ പറയുന്നു.

'ദുബായിലേക്ക് വരുന്നതിന് മുന്‍പ് റോബിനുമായി ഞാന്‍ സംസാരിച്ചിരുന്നു. ഞങ്ങള്‍ തമ്മില്‍ നല്ല ചാറ്റ് ഉണ്ടാവാറുണ്ട്. അത് കഴിഞ്ഞിട്ട് ഇനി കല്യാണത്തിന് റോബിന്‍ എന്നെ വിളിച്ചിട്ടുണ്ടോന്ന് അറിയില്ല. കാരണം ഇന്ത്യയിലെ നമ്പര്‍ മാത്രമേ അവന്റെ കൈയ്യില്‍ ഉണ്ടാവുകയുള്ളു. അതാണെങ്കില്‍ ഇപ്പോള്‍ വര്‍ക്ക് ആവുന്നുമില്ല. റോബിന്‍ എന്റെ അടുത്ത് നീയൊരു മെസേജ് അയച്ചിരുന്നെങ്കില്‍ ഞാന്‍ ദുബായിലെ നമ്പര്‍ തരുമായിരുന്നു. അവന്‍ എന്നെ വിളിച്ചോ ഇല്ലയോ എന്നെനിക്ക് അറിയില്ലെന്നാണ്', താരം സൂചിപ്പിക്കുന്നത്.

ബിഗ് ബോസില്‍ നിന്നും ഇറങ്ങി പോവണമെന്ന് ക്യാമറയിലൂടെ പറഞ്ഞിട്ടുണ്ടെന്നും അഭിമുഖത്തില്‍ നിമിഷ വെളിപ്പെടുത്തിയിരുന്നു.

'മുന്‍പ് ഇതുപോലെയുള്ള പരിപാടികളില്‍ ആളുകള്‍ വഴക്ക് കൂടുന്നത് കാണുമ്പോള്‍ ഇത്രയും നിസാര കാര്യത്തിനാണോ ഇങ്ങനെ പെരുമാറുന്നതെന്ന് തോന്നിയിരുന്നു. അങ്ങനെയൊക്കെ വിചാരിച്ച് പോയ ഞാന്‍ രണ്ടാം ദിവസം പാവയ്ക്ക് വേണ്ടി തല്ല് കൂടി. ഇത് സ്‌ക്രീപ്റ്റഡൊന്നുമില്ല, ശരിക്കും ഞാന്‍ പെട്ടു എന്ന അവസ്ഥയായി. സീക്രട്ട് റൂമിലേക്ക് മാറിയതിന് ശേഷമാണ് തനിക്ക് കളി മനസിലായതെന്നും', നിമിഷ സൂചിപ്പിച്ചിരുന്നു.

അതേ സമയം ബിഗ് ബോസിലായിരിക്കുമ്പോള്‍ ഏറ്റവും വലിയ ശത്രുക്കളായിരുന്നു റോബിനും നിമിഷയും ജാസ്മിനും. മൂവരും പരസ്പരം വാക്കേറ്റവും വഴക്കുമൊക്കെ സ്ഥിരമായിരുന്നു. റോബിന്‍ പുറത്താകുന്നതിന് പിന്നിലും ഇവരൊക്കെയായിട്ടുള്ള പ്രശ്‌നങ്ങളാണ്. എന്നാല്‍ പുറത്ത് വന്നതിന് ശേഷം എല്ലാം പറഞ്ഞ് ഒതുക്കി തീര്‍ക്കാന്‍ താരങ്ങള്‍ക്ക് സാധിച്ചു. ഇതിലൂടെ നല്ല സൗഹൃദത്തിലാവുകയും ചെയ്തു. അതുകൊണ്ട് തന്നെ വിവാഹത്തിന് ക്ഷണിക്കുമെന്നുള്ള ഉറപ്പും റോബിന്‍ നല്‍കിയിരിക്കുകയാണ്.