ദയ അശ്വതിയേയും എലീനയേയും ഒഴിവാക്കി, ബിഗ് ബോസ് ഹൗസിൽ മികച്ച പ്രകടനം കാഴ്ചവെച്ചത് ഇവർ

ആദ്യം ചില വഴക്കുകൾ നടന്നുവെങ്കിലും പിന്നീട് സമാധാനത്തോടെയാണ് ടാസ്ക്ക് മുന്നോട്ട് പോയത്. ഇരു ടീമും മികച്ച പ്രകടനമായിരുന്നു കാഴ്ചവെച്ചത് എന്നാൽ ഏറ്റവും കൂടുതൽ തലയണകൾ ഉണ്ടാക്കി എ ടീം വിജയിക്കുകയായിരുന്നു. എണ്ണത്തിൽ കൂടുതൽ തലയണ നിർമ്മിച്ചത് ബി ഗ്രൂപ്പ് ആയിരുന്നുവെങ്കിലും ഗുണ നിലവാരപ്പരിശോധനയിൽ ഇവർ നിർമ്മിച്ച തലയണകൾ തള്ളി പോകുകയായിരുന്നു.

വീക്കിലി ടാസ്ക്കിൽ മികച്ച പ്രകടനം കാഴ്ചവെയ്ക്കുന്ന മൂന്ന് പേർക്കാണ് അടുത്ത ആഴ്ചത്തെ ക്യാപ്റ്റൻസി ടാസ്ക്കിൽ മത്സരിക്കാൻ അവസരം ലഭിക്കുന്നത്. വീക്കിലി ടാസ്ക്കായ തലയണമന്ത്രത്തിൽ മികച്ച പ്രകടം കാഴ്ചവെച്ച മൂന്ന് പേരുകൾ നിർദ്ദേശിക്കാൻ ബിഗ് ബോസ് അറയിക്കുകയായിരുന്നു. വിജയിച്ച ടീമായ എ ഗ്രൂപ്പിലെ അംഗങ്ങളുടെ പേരുകൾ മാത്രമേ നിർദ്ദേശിക്കുവാൻ പാടുള്ളുവെന്നും ബിഗ് ബോസ് അറിയിച്ചു.

ഫുക്രുവിൽ നിന്നായിരുന്നു തുടക്കം. ആര്യ, ഷാജി, എലീന എന്നിവരുടെ പേരുകളാണ് ഫുക്രു നിർദ്ദേശിച്ചത്. എന്നാൽ ആര്യ പറഞ്ഞത് എലീനയുടേയും ഫുക്രുവിന്റേയും പാഷാണം ഷാജിയുടേയും പേരായിരുന്നു. എലീനയും ദയ ഒഴികയുളള മൂന്ന് പേരുടെ പേരുകൾ നിർദ്ദേശിച്ചു. ഷാജി, ആര്യ, ഫുക്രു എന്നിവരുടെ പേരുകളാണ് ദയ പറഞ്ഞത്. എന്നാൽ ബി ടീമിൽ നിന്ന് ആര്യയുടേയും പാഷണം ഷാജിയുടേയും പേരുകളാണ് ഏറ്റവും കൂടുതൽ പറഞ്ഞത്. ഫുക്രുവിന്റേയും ദയയുടേയും പേരുകളു ചുല മത്സരാർഥികൾ പറഞ്ഞു. എലീനയുടെ പേര് ബി ടീമിൽ നിന്ന് അധികം ഉയർന്നു വന്നിരുന്നില്ല.

Recommended Video

Bigg Boss Malayalam : ബിഗ് ബോസ് ഷോ നിര്‍ത്തുന്നു | FilmiBeat Malayalam

ഏഴ് വോട്ടുകൾ നേടി ഫുക്രുവും, ആറ് വോട്ടുകൾ നേടി പാഷാണം ഷാജിയും അഞ്ച് വോട്ടുകൾ നേടി ആര്യയും തൊട്ട് പിന്നലെ ദയയും എത്തിയിരുന്നു. ഇതിൽ ആദ്യ മൂന്ന് സ്ഥാനങ്ങൾ മാത്രമാണ് ബിഗ് ബോസ് പരിഗണിച്ചത്. ഫുക്രുവിനേയും,പാഷാണം ഷാജിയേയും ആര്യയയേയും മികച്ച മത്സരാർഥികളായി പ്രഖ്യാപിച്ചു. എന്നാൽ ക്യാപ്റ്റൻ സി ടാസ്ക്കിന കുറിച്ച് ബിഗ് ബോസ് പറഞ്ഞിരുന്നില്ല. സാധാരണ ഗതിയിൽ വീക്കിലി ടാസ്ക്കിൽ വിജയിക്കുന്ന മൂന്ന് പേരാണ് ക്യാപ്റ്റൻസി ടാസ്ക്കിലേയ്ക്ക് വരുന്നത്. അതേസമയം മികച്ച പെർഫോമറോടൊപ്പം മോശം പെർഫോമറേയും തിരഞ്ഞെടുക്കാൻ ബിഗ് ബോസ് മത്സരാർഥികളോട് ആവശ്യപ്പെട്ടു