മൂന്ന് വർഷം മുൻപ് പേളിഷ് ആരാധകർ ആഘോഷമാക്കി ദിനം, പേളിക്കൊപ്പമുള്ള ആ സെൽഫി പങ്കുവെച്ച് ശ്രീനി

പേളിയെ പോലെ തന്നെ ഭർത്താവ് ശ്രീനീഷും പ്രേക്ഷകരുടെ പ്രിയങ്കരനാണ്. മിനിസ്ക്രീൻ പ്രേക്ഷകരുടെ പ്രിയപ്പെട്ട താരമാണ് ശ്രീനീഷ്. സീരിയലിൽ തിളങ്ങി നിൽക്കുമ്പോഴാണ് ശ്രീനി ബിഗ് ബോസിൽ എത്തുന്നത്. ബിഗ് ബോസ് സീസൺ 1 ൽ മികച്ച പ്രേക്ഷക സ്വീകാര്യത നേടിയ ഒരു മത്സരാർഥിയായിരുന്നു ശ്രീനി. പേളിക്കൊപ്പം ടോപ്പ് ഫൈവിൽ ഇടം പിടിക്കുകയും ചെയ്തിരുന്നു. ഇന്നും സോഷ്യൽ മീഡിയയിലും മറ്റും പേളിഷ് പ്രണയവും അവരുടെ ഫൈറ്റും ഇണക്കവുമെല്ലാം ചർച്ച വിഷയമാണ്. ബിഗ് ബോസ് മൂന്ന് സീസൺ പിന്നിട്ടുവെങ്കിലും ഇന്നും പേളിഷ് പ്രണയം ചർച്ചയാവുന്നുണ്ട്.

തുടക്കത്തിൽ സഹമത്സരാർത്ഥികൾ ഉൾപ്പെടെ സംശയദൃഷ്ടിയോടെ നോക്കി കണ്ട പ്രണയമായിരുന്നു ഇവരുടേത്. ബിഗ് ബോസ് ഷോയുടെ ഫേർമാറ്റ് അത്തരത്തിലുള്ളതായിരുന്നു. പ്രേക്ഷക സ്വീകാര്യത നേടി 100 ദിവസം ആ വീട്ടിൽ പിടിച്ചു നിൽക്കുന്ന ആളാണ് വിജയി. ബിബി ഹൗസിൽ നിൽക്കാൻ എന്ത് മാർഗവും സ്വീകരിക്കാം. അത്തരത്തിലൊരു സ്ട്രാറ്റജി ആണോ പ്രണയമെന്ന് സഹതാരങ്ങളും മറ്റും കരുതിയിരുന്നു. എന്നാൽ ബിഗ് ബോസ് ഷോ അവസാനിച്ചതോടെ സംശയങ്ങൾക്ക് വിരാമമിട്ടു കൊണ്ട് താരങ്ങൾ വിവാഹം കഴിക്കുകയായിരുന്നു. പ്രേക്ഷകർ ആഘോഷമാക്കിയ താരവിവാഹമായിരുന്നു ഇത്.

വിവാഹത്തിന് ശേഷം രണ്ടു പേരും തങ്ങളുടെ ജോലികളിൽ സജീവമാവുകയായിരുന്നു. ബിഗ് ബോസ് പേളിഷ് ജോഡികളുടെ ജീവിതം കരിയറും മാറ്റുകയായിരുന്നു. ഷോയ്ക്ക് ശേഷമാണ് പേളിയുടെ ആദ്യത്തെ ബോളിവുഡ് ചിത്രമായ ലൂഡേ റിലീസിനെത്തിയത്. ഷോയ്ക്ക് ശേഷമാണ് നടി ഈ ചിത്രത്തിൽ അഭിനയിക്കുന്നത്. എന്നാൽ 2020 ൽ ആണ് ചിത്രം റിലീസ് ചെയ്തത്. അതുപോലെ തന്നെ ശ്രീനിക്കും മിനിസ്ക്രീനിൽ നല്ല അവസരങ്ങൾ ലഭിക്കുകയായിരുന്നു. മലയാളത്തിൽ മാത്രമല്ല തമിഴിലും മറ്റും സജീവമാണ് ശ്രീനീ. തെന്നിന്ത്യൻ മിനിസ്ക്രീൻ പ്രേക്ഷരുടെ പ്രിയപ്പെട്ട താരമാണ് ശ്രീനീഷ്.

Recommended Video

ഹോ എന്താ ഒരു ചിരി..പേർളിയുടെ മകളുടെ തകർപ്പൻ വീഡിയോ

വിവാഹത്തിന് ശേഷം ജീവിതത്തിലെ ഓരോ നിമിഷവും താരങ്ങൾ ആഘോഷിക്കുകയാണ്. ഇപ്പോൾ സോഷ്യൽ മീഡിയയിൽ വൈറലാവുന്നത്. ശ്രീനീഷ പങ്കുവെച്ച ഒരു ചിത്രമാണ്. പേളിഷ് ദമ്പതികളുടെ ആദ്യത്തെ സെൽഫിയാണ് നടൻ ഇൻസ്റ്റഗ്രാമിൽ പോസ്റ്റ് ചെയ്തിരിക്കുന്നത്. ''3 വര്‍ഷം മുന്‍പ് ഞങ്ങളെടുത്ത ആദ്യ സെല്‍ഫി'' എന്ന ക്യാപ്ഷനോടെയാണ് ശ്രീനി ഫോട്ടോ പങ്കുവെച്ചിരിക്കുന്നത്. ചിത്രം വൈറലായിരിക്കുകയാണ്. 100 ദിവസം കഴിഞ്ഞ് ബിഗ് ബോസ് ഷോയിൽ നിന്ന് ഇരുവരും പുറത്ത് ഇറങ്ങിയതിന് ശേഷം എടുത്ത ചിത്രമായിരുന്നു ഇത്. അന്ന് താരങ്ങളുടെ ഈ ചിത്രം സോഷ്യൽ മീഡിയയിൽ വലിയ ചർച്ചയായിരുന്നു. മൂന്ന് വർഷത്തിന് ശേഷം പോസ്റ്റ് ചെയ്ത ചിത്രത്തിന് മികച്ച കമന്റുകളാണ് ലഭിക്കുന്നത്. പേളിക്കും ശ്രീനിക്കും മകൾ നിലയ്ക്കും ആശംസകളുമായി ആരാധകർ രംഗത്ത് എത്തുന്നുണ്ട്.