വേറെ ലെവല്‍ കളിയില്‍ വീണ്ടും ട്വിസ്റ്റ്! എലീനയും ഫുക്രുവും പിണങ്ങി! ആത്മമിത്രങ്ങള്‍ ഇനി ശത്രുക്കളോ?

Recommended Video

Bigg Boss Malayalam Season2 Day 59 Review | FilmiBeat Malayalam

ഫുക്രുവിന്റെ ദേഷ്യം

എലീനയും ഫുക്രുവും തമ്മിലുള്ള സൗഹൃദത്തെക്കുറിച്ച് എല്ലാവര്‍ക്കും അറിയാവുന്നതാണ്. ഇരുവരും പ്രണയത്തിലാവുമോയെന്ന തരത്തിലുള്ള സംശയങ്ങളിലായിരുന്നു എല്ലാവരും. എന്നാല്‍ അതിനിടയില്‍ ഫുക്രു തന്നെയായിരുന്നു ഈ സംശയം മാറ്റിയത്. അവളുടെ റിലേഷനെക്കുറിച്ചുള്ള കാര്യമെല്ലാം തനിക്കറിയാമെന്ന് ഫുക്രു പറഞ്ഞിരുന്നു. എലീനയോട് ദേഷ്യപ്പെടുന്ന ഫുക്രുവിനെയായിരുന്നു കഴിഞ്ഞ ദിവസം കണ്ടത്. തങ്ങള്‍ ഇരുവരും വഴക്കിട്ടുവെന്നും പിണക്കത്തിലാണെന്നും എലീനയും പറഞ്ഞിരുന്നു. പിണക്കം മാറ്റാനായി ശ്രമിക്കുന്ന എലീനയ്ക്ക് ഫുക്രു മുഖം കൊടുക്കുന്നുണ്ടായിരുന്നില്ല.

സാന്‍ഡ്ര പറഞ്ഞത്

സാന്‍ഡ്രയാണ് തന്നോട് ഫുക്രുവിന്റെ ദേഷ്യത്തെക്കുറിച്ച് പറഞ്ഞത്. രഘു, സുജോ, മാഷ് എന്നിവരോട് താന്‍ സംസാരിക്കുന്നതില്‍ ഫുക്രുവിന് എന്താണ് പ്രശ്‌നമെന്നും എലീന ചോദിച്ചിരുന്നു. എനിക്ക് പ്രശ്‌നമൊന്നുമില്ല, അത് നിന്റെ ഇഷ്ടമല്ലേ, നിന്റെ തീരുമാനമല്ലേ അതെന്നുമായിരുന്നു ഫുക്രു പറഞ്ഞത്. പിന്നെ നീ സാ്ന്‍ഡ്രയോട് പറഞ്ഞതോ, അത് അവളോട് തന്നെ ചോദിക്കൂ, അല്ലെങ്കില്‍ അവളോട് വന്ന് എന്നോട് സംസാരിക്കാന്‍ പറയൂയെന്നുമായിരുന്നു ഫുക്രുവിന്റെ മറുപടി. എലീനയുടെ ചോദ്യങ്ങള്‍ക്കൊന്നും ഫുക്രു കൃത്യമായ മറുപടിയും നല്‍കുന്നുണ്ടായിരുന്നില്ല.

പെട്ടെന്ന് എന്ത് പറ്റി

പെട്ടെന്ന് നിനക്ക് എന്താണ് പറ്റിയതെന്ന് ചോദിച്ച് എലീന ഫുക്രുവിനെ വിടാതെ പിന്തുടരുന്നുണ്ടായിരുന്നു. ഇത് തന്റെ ഗെയിം പാറ്റേണാണെന്ന് ഫുക്രു പറഞ്ഞപ്പോള്‍ ഇന്നലെ രാത്രി വരെയില്ലാത്ത എന്ത് ഗെയിമാണ് ഇപ്പോള്‍ എന്നായിരുന്നു എലീനയുടെ ചോദ്യം. നീ നിന്റെ രീതിയില്‍ പോയി കളിക്ക്, ഇത് വെറുതെയിരിക്കേണ്ട സ്ഥലമല്ലല്ലോ, ഇന്നലെ നിനക്ക് പറഞ്ഞുതന്നത് ഇവിടെ സംഭവിച്ച കാര്യങ്ങളാണെന്നും ഫുക്രു എലീനയോട് പറഞ്ഞിരുന്നു. പെട്ടെന്ന് മാറ്റിമാറ്റിപ്പറയുമ്പോള്‍ തനിക്ക് ആശയക്കുഴപ്പമുണ്ടെന്നായിരുന്നു എലീനയുടെ മറുപടി.

ശത്രുക്കളാവുമോ?

ബിഗ് ബോസ് ടൈറ്റില്‍ ലക്ഷ്യമാക്കി നീങ്ങുന്ന മത്സരാര്‍ത്ഥികളിലൊരാളാണ് ഫുക്രു. ക്യാപ്റ്റനായതിന് പിന്നിലെ പ്രതികാരത്തെക്കുറിച്ച് കഴിഞ്ഞ ദിവസം താരം സംസാരിച്ചിരുന്നു. ക്യാപ്റ്റന്‍സി ടാസ്‌ക്കില്‍ വിജയിച്ചതിന് ശേഷമായാണ് അദ്ദേഹം ആ സംഭവത്തെക്കുറിച്ച് പറഞ്ഞത്. ജയിക്കുന്നതിനായി അങ്ങേയറ്റത്തെ പരിശ്രമമായിരുന്നു ഫുക്രു നടത്തിയത്. മത്സരം മുറുകുന്നതിനിടയില്‍ ഒപ്പമുള്ളവരെ തള്ളി കുതിക്കേണ്ടി വരും. അതിന് മുന്നോടിയായാണോ ഫുക്രു എലീനയെ അവഗണിക്കുന്നതെന്നുള്ള ചോദ്യങ്ങളും ഇതിനിടയില്‍ ഉയര്‍ന്നുവന്നിരുന്നു.