ബിഗ് ബോസ് ഹൗസിൽ ആര്യ വീണ്ടും എത്തുമോ? ഷോയെ കുറിച്ചുളള ആ രഹസ്യം പരസ്യമാക്കി നടി

പുറത്ത് നിന്ന് ജഡ്ജ് ചെയ്യാൻ കഴിയാത്ത ഷോയാണ് ബിഗ് ബോസ്. ഹൗസിൽ നിന്ന് പുറത്തെത്തി എപ്പിസോഡുകള്‍ കണ്ട് കഴിഞ്ഞപ്പോഴാണ് ഈ ഷോ പുറത്തുനിന്ന് ജഡ്ജ് ചെയ്യാനാവില്ലെന്ന് മനസ്സിലാക്കിയത്. അകത്ത് നടക്കുന്നതിനേക്കാൾ വലിയ കാര്യങ്ങളാണ് പുറത്തു നടക്കുന്നത്. ഞങ്ങൾ ചിന്തിച്ചത് പോലെയല്ലായിരുന്നുവെന്നും ആര്യ പറഞ്ഞു. ഫുക്രു, രഘു, സാജു ചേട്ടന്‍ ഇവരൊക്കെ മികച്ച മത്സരാർഥികളായിരുന്നു.

ആര്യ എങ്ങനെയാണേ അതുപോലെ തന്നെയായിരുന്നു ബിഗ് ബോസ് ഹൗസിലും നിന്നത്. ആളുകൾ നമ്മളെ വിലയിരുത്തുന്നത് അവരുടെ കാഴ്ചപ്പാടിലൂടെയാണ്. ആരോടും നമ്മൾ ഇങ്ങനെയാണെന്ന് തെളിയിക്കേണ്ട കാര്യമില്ല. ബഡായി ബംഗ്ലാവൊക്കെ കണ്ട് ആര്യ പൊട്ടിപ്പെണ്ണാണ് എന്ന് ചിലര്‍ക്ക് തോന്നിയിരിക്കാം. അതാണ് ബിഗ് ബോസിലൂടെ മാറിയത്. സോഷ്യൽ മീഡിയ ബുള്ളിയിങ് അവഗണിക്കാൻ മാത്രമേ നമുക്ക് കഴിയുള്ളൂ. കാരണം ഇങ്ങനെ ചെയ്യരുതെന്ന് നമുക്കാരോടും പറയാനാവില്ല. ഒരു തുറന്ന പ്ലാറ്റ്‌ഫോമാണ് സോഷ്യല്‍ മീഡിയ. അത് എങ്ങനെ ഉപയോഗിക്കുന്നുവെന്നത് ആളുകളെ ആശ്രയിച്ചിരിക്കും.

കൂടാതെ ബിഗ് ബോസ് സീസണ്‍ 3യില്‍ മത്സരാര്‍ത്ഥിയായി പോകില്ലെന്നും ആര്യ പറഞ്ഞു. എന്നാൽ അതിഥിയായി വിളിച്ചാല്‍ പോവും. ചില മത്സരാര്‍ത്ഥികളൊക്കെ നല്ല പ്രകടനമാണ് കാഴ്ചവെയ്ക്കുന്നത്. ബിഗ് ബോസില്‍ കണ്ടത് പോലെ തന്നെയാണ് ഞാന്‍. മുന്‍പ് കണ്ട പരിപാടികളും ഷോകളുമെല്ലാം സ്‌ക്രിപ്റ്റഡാണ്. അതിലൊക്കെ എനിക്ക് ക്യാരക്ടറുണ്ട്. ബിഗ് ബോസ് സ്‌ക്രിപ്റ്റഡല്ലാത്ത റിയാലിറ്റി ഷോയാണെന്നും ആര്യ പറഞ്ഞു.

Recommended Video

സഹതാപം കൊണ്ട് മാത്രമാണ് ഡിംപലിനെ ബിഗ് ബോസിലെടുത്തത് | FilmiBeat Malayalam

സീസൺ ആരംഭിക്കുമ്പോൾ ആര്യ ഒരിക്കൽ കൂടി ഷോയിൽ എത്തുന്നുവെന്ന് തരത്തിലുള്ള വാർത്ത പ്രചരിച്ചിരുന്നു. ആര്യയെ കൂടാതെ രഘു , സാബു എന്നിവരുടെ പേരും പ്രചരിച്ചിരുന്നു. പ്രേക്ഷകരുടെ പ്രിയപ്പെട്ട മത്സരാർഥികളായിരുന്നു ഇവർ. ഷോ മൂന്ന് ആഴ്ചകൾ പിന്നിടുകയാണ്. 14 മത്സരാർഥികളുമായി ആരംഭിച്ച് ബിഗ് ബോസ് ഹൗസിൽ നിവലിൽ 18 പേരാണ് ഇപ്പോഴുള്ളത്. 4 പേർ വൈൽഡ് കാർഡ് എൻട്രിയിലൂടെ ഷോയിൽ എത്തിയിരുന്നു. കൂടാതെ ഗായിക ലക്ഷ്മി ജയനാണ് ഷോയിൽ നിന്ന് ആദ്യം പുറത്തു പോയ മത്സരാർഥി.