വീണയ്ക്കും തനിക്കും രക്ഷകനായ ആ ബിബി പവർ കാർഡ്, ബിഗ് ബോസിലെ മനോഹരമായ ഓർമ പങ്കുവെച്ച് ആര്യ

സംഭവ ബഹുലമായിരുന്നു ബിഗ് ബോസ് സീസൺ 2. ഗെയിം സ്പിരിറ്റോട് കൂടിയായിരുന്നു ഒരോ മത്സരാർഥികളും ഹൗസിനുള്ളിൽ ടാസ്ക്കുകളെ നേരിട്ടത്. മത്സര ബുദ്ധിയോടെയായിരുന്നു ബിഗ് ബോസ് ഹൗസിലെ ഓരോ ദിനങ്ങളും ഇവർ ചെവവഴിച്ചത്. പ്രശ്നങ്ങൾ വീട്ടിനുള്ളിൽ നിത്യ സംഭവമായിരുന്നെങ്കിലും നല്ല മുഹൂർത്തങ്ങളും ബിഗ് ബോസ് ഹൗസിൽ ഉണ്ടായിരുന്നു.

കൊറോണ വൈറസ് വ്യാപനത്തെ തുടർന്ന് 75ാം ദിവസമായിരുന്നു ബിഗ് ബോസ് സീസൺ 2 അവസാനിപ്പിച്ചത്. വീട്ടിൽ നിന്ന് പുറത്തിറങ്ങിയതിന് പിന്നാലെ മനോഹരമായ ബിബി ഓർമ പങ്കുവെച്ച് അംഗങ്ങൾ രംഗത്തെത്തിയിരുന്നു. ബിഗ് ബോസ് ഹൗസിലുണ്ടായ ചെറിയ സൗന്ദര്യ പിണക്കങ്ങളും നല്ല നിമിഷങ്ങളും ഇവർ സോഷ്യൽ മീഡിയ പേജിൽ പങ്കുവെച്ചു. ഇപ്പോഴിത ഷോയിലെ മനോഹരമായ ഓർമ പങ്കിടുകയാണ് ആര്യ. തന്റെ ഇൻസ്റ്റഗ്രാം പേജിലൂടെയായിരുന്നു പവർ കാർഡ് നിമിഷം പങ്കുവെച്ചത്.

നിറയെ ഓർമകൾ എന്ന് കുറിച്ചു കൊണ്ടായിരുന്നു ബിഗ് ബോസിൽ നിന്ന് കിട്ടിയ പവർ കാർഡ് ആര്യ പങ്കുവെച്ചത്. ടാസ്ക്കിൽ വിജയിച്ചതിന്റെ ഭാഗമായി ആര്യയ്ക്കും വീണയ്ക്കും സമ്മാനമായി ലഭിച്ച പവർ കാർഡുകളായിരുന്നു ഇത്. ഒരു എലിമിനേഷനിൽ നിന്ന് രക്ഷപ്പെടാനുള്ള പവർ കാർഡായിരുന്നു ആര്യയ്ക്ക് ലഭിച്ചത്. എന്നാൽ‌ വീണക്ക് ജയിൽ ശിക്ഷയിൽ നിന്ന് രക്ഷപ്പെടാനുളളതായിരുന്നു. ഷോയിലെ മറ്റൊരു മത്സരാർഥി അലകസാൻഡ്രയും ബിഗ് ബോസ് ഹൗസിൽ നിന്ന് ലഭിച്ച വാട്ടർ ബോട്ടിലിന്റെ ചിത്രം തന്റെ ഇൻസ്റ്റഗ്രാം പേജിൽ പങ്കുവെച്ചിരുന്നു,. മനോഹരമായ ഒരു ചിത്രം ബോട്ടിലിന്റെ മുകളിൽ താരം പെയ്ന്റ് ചെയ്തിരുന്നു.

ബിഗ് ബോസ് ഹൗസിൽ നിന്ന് എത്തിയതിന് പിന്നാലെ കൈയിലെ മുറിപാട് ആര്യ ഇൻസ്റ്റഗ്രാമിൽ പങ്കുവെച്ചിരുന്നു. പില്ലോ ടാസ്‌കിനിടെ പറ്റിയ മുറിവായിരുന്നു. ഇൻസ്റ്റഗ്രാം സ്റ്റോറിയായിട്ടായിരുന്നു താരം ചിത്രം പങ്കുവെച്ചത്. 22 മാർച്ച് 2020 എന്ന് തീയതിയോടെയായിരുന്നു ആര്യ ഉണങ്ങി വരുന്ന മുറിപാട് പങ്കുവെച്ചത്.
ഈ മുറിവ് എല്ലാ കാലവും ഓര്‍ത്തിരിക്കും. ബിഗ് ബോസിന് നന്ദിയുണ്ട് എന്ന അടിക്കുറിപ്പോടെയായിരുന്നു താരം ഇൻസ്റ്റഗ്രാമിൽ സ്റ്റോറി പങ്കുവെച്ചത്. ആദ്യ സീസനെക്കാലും ഏറെ പുതുമയോടെയാണ് ബിഗ് ബോസ് സീസൺ 2 ആരംഭിച്ചത് ഹാസ്യപരിപാടികളിലൂടെ പ്രേക്ഷകശ്രദ്ധ നേടിയ താരങ്ങളായിരുന്നു സീസൺ 2 ൽ എത്തിയത്. മത്സരത്തിന്റെ രീതിയിലും ഘടനയിലും ഒരുപാട് വ്യത്യാസത്തോടെയായിരുന്നു ഷോ ആരംഭിച്ചത്.