ബിഗ് ബോസ് ഹൗസിലേയ്ക്ക് പോകുന്നവരുടെ ശ്രദ്ധയ്ക്ക്, മത്സരാർഥികൾക്ക് നിർദ്ദേശവുമായി രാജിനി ചാണ്ടി

കൊവിഡ് വ്യാപനത്തെ തുടർന്ന് 100 ദിവസം പൂർത്തിയാകുന്നതിനും മുൻപാണ് ഷോ അവസാനിക്കുന്നത്. 100 ദിവസത്തിലേയ്ക്ക് അടുക്കവെയായിരുന്നു ഷോ നിർത്തി വെച്ചത്. ലോക്ക് ഡൗണിന് മുൻപ് തന്നെ മത്സരാർഥികളെ തങ്ങളുടെ വീടുകളിലേയ്ക്ക് എത്തിക്കുകയും ചെയ്തിരുന്നു. ഷോ തുടങ്ങി ആദ്യ ആഴ്ചകളിൽ തന്നെ രാജിനി ചാണ്ടി ബിഗ് ബോസിൽ നിന്ന് പുറത്താവുകയായിരുന്നു.

ബിഗ് ബോസ് തനിക്ക് ചേർന്ന ഒരു ഫ്ലാറ്റ്ഫോം ആയിരുന്നില്ല എന്നാണ് രാജനി ചാണ്ടി പറയുന്നത്. ഈ ഷോയിൽ വരുന്നതിന് മുൻപ് ബിഗ് ബോസിനെ കുറിച്ച് തനിക്ക് ഒന്നും അറിയില്ലായിന്നു. ഒരു കൂട്ടം ആളുകളോട് കുറച്ച് സമയം ചെലവഴിക്കാനും തന്റെ പോസിറ്റിവിറ്റി ആളുകളെ കാണിക്കാനുമാണ് ഷോയിൽ എത്തിയത്. എന്നാൽ താൻ തെറ്റായിരുന്നുവെന്നും രാജിനി ചാണ്ടി പറയുന്നു.

ബിഗ് ബോസിൽ തനിക്ക് വേണ്ടവിധം തിളങ്ങാനായില്ലെങ്കിലും മറ്റുള്ളവരെ നടി പ്രോത്സാഹിപ്പിക്കുന്നുണ്ട്. എല്ലാവരും ഒന്ന് പരീക്ഷിച്ച് നോക്കാനാണ് നടി പറയുന്നത്. ബിഗ് ബോസ് ഹൗസിൽ ആരെങ്കിലും പോകൻ തയാറണെങ്കിൽ തീർച്ചായും അവരോട് പോകാൻ താൻ നിർദ്ദേശിക്കും. ബിഗ് ബോസ് ഷോ ഒരു മികച്ച അനുഭവമായിരിക്കു. പക്ഷെ ശക്തമായ ഒരു മനസ് ഉണ്ടായിരിക്കണമെന്ന് മത്രം.

ബിഗ് ബോസ് ഹൗസ് നിറയെ നെഗറ്റിവിറ്റിയായിരിക്കും . ഇതിനോട് പോരാടാനുള്ള ഒരു മനസ് വേണം. ഈ നെഗറ്റിവിറ്റിയെ മറികടക്കാൻ സ്വന്തം യുക്തിയിലൂടെ ഗെയിം പ്ലാൻ ചെയ്യണമെന്നും രാജിനി ചാണ്ടി പറയുന്നു. സീസൺ 3 ഉടനെ ആരംഭിക്കുമെന്നാണ് പുറത്തുവരുന്ന റിപ്പോർട്ട്. പുതിയ ഷോയുടെ പ്രമോ വീഡിയോകൾ പുറത്തു വരുകയും ചെയ്തിരുന്നു. എന്നാൽ ആരൊക്കെയാണെന്ന് അറിയാൻ ഷോ ആരംഭിക്കുന്നത് വരെ കാത്തിരിക്കണം