രജിത്തിനോട് പ്രണയമാണ് അവര്‍ക്കെന്ന് ജസ്ല! തെറ്റാന്‍ ഇടയാക്കരുത്! താക്കീതുമായി രജിത്തും!

ഡോക്ടറെ സ്‌നേഹിക്കുന്നയാള്‍

തെസ്‌നി ഖാന്‍, രഘു, ഫുക്രു, ജസ്ല എന്നിവര്‍ ചേര്‍ന്ന് സംസാരിക്കുന്നതിനിടയിലായിരുന്നു ജസ്ല പ്രണയത്തെക്കുറിച്ച് പറഞ്ഞത്. രജിത്ത് കുമാറിനോടായിരുന്നു താരം ഇതേക്കുറിച്ച് പറഞ്ഞത്. ദയ അശ്വതിയുടെ താല്‍പര്യത്തെക്കുറിച്ചായിരുന്നു താരം സംസാരിച്ചത്. ഡോക്ടറെ ഇവിടെയുള്ളവരിലൊരാള്‍ സ്‌നേഹിക്കുന്നെണ്ടെന്ന് പറഞ്ഞായിരുന്നു തെസ്‌നി ഖാന്‍ ഈ സംസാരത്തിന് തുടക്കമിട്ടത്. ഇത് പിന്തുണയ്ക്കുകയായിരുന്നു മറ്റുള്ളവര്‍. ബിഗ് ഹൗസിലേക്കെത്തിയപ്പോള്‍ മുതല്‍ രജിത്തുമായി അടുക്കാന്‍ ശ്രമിക്കുന്നുണ്ടെന്ന് ദയ അശ്വതിയെന്ന് മറ്റുള്ളവരും പറഞ്ഞിരുന്നു.

ആത്മാര്‍ത്ഥമായി പറഞ്ഞത്

രജിത്ത് കുമാറിനോട് തനിക്ക് വലി ഇഷ്ടവും ബഹുമാനവുമാണ്. തന്ന കാണുമ്പോള്‍ അദ്ദേഹം ഓടിപ്പോവും. തന്നെ മാത്രമാണ് അദ്ദേഹം ഇങ്ങനെ അവഗണിക്കുന്നതെന്നുമായിരുന്നു ദയ അശ്വതിയുടെ പരാതി. വേണ്ടി വന്നാല്‍ അദ്ദേഹത്തെ പ്രണയിക്കാനും താന്‍ തയ്യാറാണെന്നും താരം പറഞ്ഞിരുന്നു. ആത്മാര്‍ത്ഥമായാണ് ചേച്ചി അങ്ങനെ പറഞ്ഞതെന്നായിരുന്നു ജസ്ല പറഞ്ഞത്. ഫുക്രുവും ഇത് ശരിവെച്ചിരുന്നു.

തെറ്റാന്‍ ഇടയാക്കരുത്

ഇതേക്കുറിച്ച് കേട്ടപ്പോള്‍ അത്ര നല്ല പ്രതികരണമായിരുന്നില്ല രജിത്തിന്റേത്. നമ്മള്‍ തമ്മില്‍ തെറ്റാന്‍ ഇത് കാരണമാവരുതെന്നായിരുന്നു അദ്ദേഹം പറഞ്ഞത്. നിങ്ങളുടെ കുറ്റമൊന്നും അല്ലല്ലോ പറഞ്ഞതെന്നും നേരിട്ട് നിങ്ങള്‍ കേട്ടതല്ലേയെന്നുമായിരുന്നു താരം തിരിച്ച് ചോദിച്ചത്. ഇതിന് കൃത്യമായ മറുപടിയാണ് രജിത്ത് കുമാര്‍ നല്‍കിയത്. പിന്നീട് ഒറ്റയ്ക്ക് സംസാരിക്കുന്നതിനിടയിലും അദ്ദേഹം ഇതേക്കുറിച്ച് പറയുന്നുണ്ടായിരുന്നു.

രജിത്തിന്റെ താക്കീത്

ഇത്തരത്തിലുള്ള കാര്യങ്ങളെക്കുറിച്ച് ഇനി പറയരുതെന്ന് രജിത്ത് ജസ്ലയോട് പറഞ്ഞിരുന്നു. ഇല്ലെങ്കില്‍ തന്റെ മറ്റൊരു മുഖം കാണേണ്ടി വരുമെന്ന് അദ്ദേഹം എല്ലാവരോടുമായി പറഞ്ഞിരുന്നു. ഇത്തരത്തിലുള്ള ചര്‍ച്ചകള്‍ പോത്സാഹിപ്പിക്കരുതെന്ന തരത്തിലുള്ള കാര്യങ്ങളെക്കുറിച്ചും അദ്ദേഹം ഓരോരുത്തരോടുമായി പറയുന്നുണ്ടായിരുന്നു. നേരത്തെ ദയ അശ്വതി നേരില്‍ ഇതേക്കുറിച്ച് പറഞ്ഞപ്പോള്‍ അദ്ദേഹം പ്രതികരിച്ചിരുന്നില്ല.