രജിത്തിന്റെ മനസ് എളുപ്പത്തില്‍ വായിക്കാന്‍ പറ്റുമോ? മോഹൻലാലിന്റെ ചോദ്യത്തിന് ഫുക്രുവിന്റെ മറുപടി

ലക്ഷ്വിറി ടാസ്ക്കിൽ മോശം പ്രകടനം കാഴ്ചവെച്ചതിനെ തുടർന്നായിരുന്നു ഫുക്രുവിനും രജിത് കുമാറിനും ജയിലിൽ പോകേണ്ടി വന്നത്. നേർക്ക് നേർ വരുന്ന സമയങ്ങളിലെല്ലാം ഇവർ തമ്മിൽ കൊമ്പ് കോർക്കാറുണ്ടായിരുന്നു. ഈ അവസരത്തിലായിരുന്നു ഇരുവരുടേയും ജയിൽ യാത്ര. പുറത്തുണ്ടായിരുന്ന തർക്കത്തിന്റെ ബാക്കി അകത്തും സംഭവിക്കുമോ എന്നായിരുന്നു എല്ലാവരും ആകാംക്ഷയോടെ നോക്കിയിരുന്നത്. എന്നാൽ അതിന് വിപരീതമായിട്ടായിരുന്നു അവിടെ സംഭവിച്ചത് ശത്രുക്കൾ മിത്രങ്ങളാവുകയായിരുന്നു. ഇവർക്കിടയിലെ അസ്വാരസ്യങ്ങൾ മാറി പുതിയ സൗഹൃദമുമണ്ടാവുകയായിരുന്നു.

വാരാന്ത്യത്തിൽ എത്തിയ മോഹൻലാലും ഇവരുടെ ജയിൽ ജീവിതത്തെ കുറിച്ച് കൗതുകത്തോടെയായിരുന്നു ചോദിച്ചിരുന്നത് . ജയിൽ ജീവിതം എങ്ങനെയുണ്ടായിരുന്നുവെന്ന് രജിത്തിനോടാണ് ആദ്യം മോഹൻലാൽ ചോദിച്ചത്. നന്നായിരുന്നുവെന്നായിരുന്നു അദ്ദേഹത്തിന്റെ മറുപടി . അടിപൊളിയായിരുന്നു എന്നായിരുന്നു ജയിൽ ജീവിതത്തെ കുറിച്ച് ഫുക്രു പറഞ്ഞത്.

ജയിൽ ജീവിതത്തിലൂടെ രജിത്തുമായി കുറച്ചു കൂടി അടുക്കാൻ സാധിച്ചുവെന്ന് ഫുക്രു പറഞ്ഞു.പുള്ളിയുടെകൂടെ കുറച്ചൂടെ ക്ലോസ് ആവാന്‍ പറ്റി. പുള്ളിയുടെ മനസ് വായിക്കാന്‍ പറ്റിയെന്നും മോഹൻലാലിനോട് ഫുക്രു പറഞ്ഞു. അത്രവേഗം വായിക്കാൻ പറ്റുന്ന മനസ്സാണോ രജിത്തിന്റേതെന്നായിരുന്നു മോഹൻലാലിന്റെ അടുത്ത ചോദ്യം.ഇപ്പോള്‍ കുറച്ചൊക്കെ മനസിലായെന്ന് ഫുക്രു പറഞ്ഞു.

രണ്ട് പേരുംകൂടി ജയിലില്‍ കിടന്നുള്ള സ്‌നേഹ പ്രകടനങ്ങൾ പ്രേക്ഷകര്‍ക്ക് വളരെ ഇഷ്ടപ്പെട്ടെന്നും മോഹന്‍ലാല്‍ പറഞ്ഞു. ഏറ്റവും വലിയ കള്ളന്മാർ ജയിലിൽ കിടന്നാണ് കൂടുതൽ കാര്യങ്ങൾ പ്ലാൻ ചെയ്യുന്നതെന്നും മോഹൻലാൽ പറഞ്ഞു. പിന്നീട് രജിത്തിന്റെ അടുത്ത് പോയി ഫുക്രുവിനോട് ഇരിക്കാനും മോഹൻലാൽ പറഞ്ഞു.ഫുക്രു അതുപോലെ അനുസരിക്കുകയും ചെയ്തു.