സെന്‍സ് വേണം, സെന്‍സിബിലിറ്റി വേണം, സെന്‍സിറ്റിവിറ്റി വേണം! ഹൗസില്‍ പൊട്ടിത്തെറിച്ച് മോഹന്‍ലാല്‍

'വാ വിട്ട വാക്കും കൈവിട്ട ആയുധവും തിരിച്ചെടുക്കാന്‍ സാധിക്കില്ല' എന്ന ആറാം തമ്പുരാനിലെ ഡയലോഗ് പറഞ്ഞാണ് തുടങ്ങുന്നത്.രോഗം എന്നത് ഒരു അവസ്ഥയാണ്, മനസിന് അത് ബാധിച്ചയാള്‍, അതെല്ലാം മോശമായ വര്‍ത്തമാനമാണ്, അല്ലെ മഞ്ജു എന്ന് മോഹൻലാൽ ചോദിക്കുന്നുണ്ട്.ലാലേട്ട എനിക്കത് ഓര്‍മ്മയില്ലെന്നാണ് മഞജു ഉത്തരം നൽകുന്നത്.

ഓർമയില്ലെന്ന് പറഞ്ഞ മഞ്ജുവിനോട് അടുത്തുള്ള ആളിനോട് ചോദിക്കു എന്നാണ് മോഹൻലാൽ പറയുന്നത്. നിങ്ങൾ ഒരുപാട് പേർ അപ്പോൾ അവിടെയുണ്ടായിരുന്നെന്നും മോഹൻലാൽ പറഞ്ഞു. എന്നാൽ അപ്പോഴും മഞ്ജുവിന് കര്യം മനസ്സിലായിട്ടില്ലായിരുന്നു. വീണ്ടും ഓർമയില്ലെന്ന് പറഞ്ഞ മഞ്ജുവിനോട് ഞാന്‍ എന്താ തമാശ പറയുകയാണോ എന്ന് മോഹന്‍ലാല്‍ ക്ഷുഭിതനാവുകയായിരുന്നു.

ഒടുവിൽ രജിത്തിന്റെ ഊഴമെത്തി. രജിത്ത് അങ്ങനെ പറഞ്ഞിട്ടുണ്ടോ എന്ന് രജിത്തിനോട് മോഹന്‍ലാല്‍ ചോദിച്ചു. അങ്ങനെ പറഞ്ഞിട്ടുണ്ടെന്ന് രജിത്ത് പറയുകയും ചെയ്തു പാത്രം കഴുകി കൊണ്ട് നിൽക്കുമ്പോഴായിരുന്ന മഞ്ജുവിന്റെ ഭാഗത്ത് നിന്ന് മോശമായ വാക്ക് വീണതെന്നും നേരത്തെ ഇത് പറയാതെ വിടുകയായിരുന്നു എന്നും ഡോക്ടർ രജിത് കുമാർ പറഞ്ഞു.

സെന്‍സ് വേണം, സെന്‍സിബിലിറ്റി വേണം, സെന്‍സിറ്റിവിറ്റി വേണം എന്ന മമ്മൂട്ടിയുടെ സൂപ്പർ ഹിറ്റ് ഡയലോഗ് പറഞ്ഞു കൊണ്ടാണ് പ്രശ്നം അവസാനിപ്പിച്ചത്. ഏറ്റവും ഒടുവിൽ താൻ അങ്ങനെ പറഞ്ഞിട്ടുണ്ടെങ്കിൽ മാപ്പ് ചോദിക്കുന്നതായും മഞ്ജു പറഞ്ഞു. ഒടുവിൽ എല്ലാവരു ചേർന്ന് നൃത്തം ചെയ്തു കൊണ്ടാണ് ആ പ്രശ്നം അവസാനിപ്പിച്ചത്.