ബിഗ് ബോസ് ഹൗസില്‍ നിന്നും രജിത് കുമാര്‍ പുറത്തേക്കോ? വീഡിയോ കണ്ട് ഞെട്ടി ആരാധകര്‍! കാരണം?

രജിത് കുമാര്‍ പുറത്തേക്കോ?

ബിഗ് ബോസില്‍ നിന്നും രജിത് കുമാറും പുറത്തേക്ക് പോവുകയാണോയെന്നുള്ള ആശങ്കയിലാണ് പ്രേക്ഷകര്‍. മത്സരത്തിന്റെ ലെവല്‍ മാറി നില്‍ക്കുമ്പോള്‍ അദ്ദേഹത്തെ ബിഗ് ബോസ് മാറ്റി നിര്‍ത്തുമോയെന്ന തരത്തിലുള്ള ചര്‍ച്ചകളും സോഷ്യല്‍ മീഡിയയില്‍ നടക്കുന്നുണ്ട്. പുതിയ പ്രമോ പുറത്തുവന്നതിന് പിന്നാലെയായാണ് ഇത്തരത്തിലുള്ള ചര്‍ച്ചകളും സജീവമായത്. പുറത്തേക്ക് പോയവരുടെ തിരിച്ചുവരവിനായി കാത്തിരിക്കുന്നതിനിടയിലാണ് കഴിഞ്ഞ ദിവസം രണ്ടുപേര്‍ കൂടി പുറത്തേക്ക് പോയത്.

മാറി നില്‍ക്കുന്നു

വാലന്റൈന്‍സ് ദിനത്തില്‍ ആശംസ നേര്‍ന്ന് താരങ്ങള്‍ എത്തുന്നുണ്ട്. ജസ്ലയായിരുന്നു പ്രണയത്തെക്കുറിച്ച് ആദ്യം സംസാരിച്ചത്. ഇതിനിടയിലാണ് മഞ്ജുവും ആര്യയും വീണയും പാട്ടുപാടിയത്. ഫുക്രുവിനെ ഇതാദ്യമായാണ് ഇങ്ങനെ കാണുന്നതെന്നും കാമുകിയെ മിസ്സ് ചെയ്യുന്നത് മുകത്തുണ്ടെന്നും ജസ്ല പറഞ്ഞിരുന്നു. വാലന്റൈന്‍സ് ദിനത്തിലാണ് താന്‍ പ്രൊപ്പോസ് ചെയ്തതെന്ന് സൂരജ് പറഞ്ഞിരുന്നു. തനിക്കുമൊരു പ്രണയമുണ്ടായിരുന്നുവെന്നായിരുന്നു രജിത് പറഞ്ഞത്.

കണ്ണിന് അസുഖം?

വീര്‍ത്തുകെട്ടിയ കണ്ണുകളുമായാണ് രജിത് സംസാരിച്ചത്. ഇതോടെയാണ് അദ്ദേഹത്തിനും കണ്ണിന് അസുഖം വന്നോയെന്ന ചോദ്യങ്ങള്‍ ഉയര്‍ന്നുവന്നത്. കണ്ണിന് അസുഖം വന്നതിനെത്തുടര്‍ന്നായിരുന്നു പരീക്കുട്ടി ബിഗ് ബോസില്‍ നിന്നും പുറത്തേക്ക് പോയത്. രഘുവിനായിരുന്നു പിന്നീട് ഈ അസുഖം ബാധിച്ചത്. രഘുവിന് പിന്നാലെയായി അലക്‌സാന്‍ഡ്ര, രേഷ്മ, സുജോ മാത്യു , പവന്‍ ന്നെിവരും പുറത്തേക്ക് പോയിരുന്നു. ഇതില്‍ പവന്‍ മാത്രമാണ് തിരിച്ചെത്തിയത്.

രണ്ടുപേര്‍ പോയത്

കണ്ണിന് അസുഖം വന്നതിനെത്തുടര്‍ന്നായിരുന്നു ദയ അശ്വതിയും എലീന പടിക്കലും ബിഗ് ബോസില്‍ നിന്നും പുറത്തേക്ക് പോയത്. ഇതിന് പിന്നാലെയായി മറ്റുള്ളവരുടെ കണ്ണും പരിശോധിച്ചിരുന്നു. മത്സരാര്‍ത്ഥികളെ ആശുപത്രിയിലേക്ക് കൊണ്ടുപോയിരുന്നു. പകരാന്‍ സാധ്യതയുള്ള അസുഖമാണെന്നും വേണ്ടത്ര മുന്‍കരുതലുകള്‍ എടുക്കണമെന്നും ബിഗ് ബോസ് തുടക്കത്തില്‍ തന്നെ നിര്‍ദേശിച്ചിരുന്നു.