പുറത്തിറങ്ങിയാൽ നേരെ കൊച്ചിയിലേക്ക്; അവധി ആഘോഷത്തെക്കുറിച്ച് ബിഗ് ബോസ് അംഗങ്ങൾ

ബിഗ് ബോസ് അംഗങ്ങൾക്ക് ഒരു ഉപദേശം നൽകിയതിന് ശേഷമാണ് പ്രദീപ് ബിഗ് ബോസ് വേദി വിട്ടത്. എല്ലാവരും മനസിലാക്കേണ്ടത് ഇതൊരു ഗെയിമാണ് ആദ്യം അവിടെയുള്ളവരുടെ ഇഷ്ടം പിടിച്ചുപറ്റണം പിന്നീട് പുറത്തുള്ളവരുടേയും.നോമിനേറ്റ് ചെയ്യപ്പെടാതിരിക്കുക എന്നതാണ് ആദ്യത്തെ കാര്യം,ചെയ്യപ്പെട്ടാല്‍ ജനങ്ങളുടെ ഇഷ്ടത്തിനൊപ്പം പോകണം. നമ്മളെ വേണ്ടാത്ത ഒരിടത്തും നമ്മള്‍ നില്‍ക്കാന്‍ പാടില്ല. പോരണം, ആരായാലും പോരണം- പ്രദീപ് പറഞ്ഞു.

Recommended Video

Bigg boss malayalam season 2 episode 43 review | FIlmiBeat Malayalam

പ്രദീപിന്റെ വിടപറച്ചിൽ ബിഗ് ബോസ് കുടുബാംഗങ്ങൾക്ക് ഉൾക്കൊള്ളാൻ കഴിഞ്ഞിരുന്നില്ല. പ്രദീപ് ഷോയിൽ നിന്ന് പുറത്തു പോയ വിവരം നിറ കണ്ണുകളോടെയായിരുന്നു അംഗങ്ങൾ കേട്ടത്. പലർക്കും സങ്കടം പിടിച്ച് നിർത്താൻ കഴിഞ്ഞിരുന്നില്ല. മോഹൻലാലിനോടൊപ്പം വേദിയിൽ കണ്ട പ്രദീപിനെ നിറ കണ്ണുകളോടെയാണ് അംഗങ്ങൾ യാത്രയാക്കിയത്.

വീട്ടിലെ അംഗങ്ങളോടൊപ്പം പാട്ട് പാടനോ മറ്റോ ആഗ്രഹമുണ്ടോ എന്ന് പ്രദീപിനോട് മോഹൻലാൽ ചോദിച്ചിരുന്നു. മഞ്ജു ഒരു പാട്ടുപാടിയാല്‍ സന്തോഷമാണെന്ന് പ്രദീപും പറഞ്ഞു. തുടർന്ന് മഞ്ജുവും പ്രദീപും ചേർന്ന് ആ ഗാനം ആലപിക്കുകയായിരുന്നു. അപ്പോഴും വീടിനകത്തുള്ളവരില്‍ കൂടുതല്‍ പേരും കരയുകയായിരുന്നു. എല്ലാവരെയും കൈവീശിക്കാണിച്ച് പ്രദീപ് യാത്ര പറഞ്ഞ് പോകുകയായിരുന്നു.

ആര്യയെ പോലെ തന്നെ വീണയുടെ അടുത്ത സുഹൃത്താണ് പ്രദീപ്. വീണയെ സമാധാനിപ്പിക്കാൻ എല്ലാവരും ശ്രമിച്ചിരുന്നു. നമ്മള്‍ നേരത്തെ പ്ലാന്‍ ചെയ്തതുപോലെ ഇത് കഴിഞ്ഞിറങ്ങിയിട്ട് ഒരു പോക്കുണ്ട്. നമുക്ക് അടിച്ചുപൊളിക്കാമെന്ന് നേരത്തെ പ്രദീപ് അംഗങ്ങളോട് പറഞ്ഞിരുന്നു. ഇത് വീണ്ടും ഷാജി ആവർത്തിച്ചിരിക്കുകയാണ്. കരഞ്ഞു കൊണ്ടിരുന്ന വീണയുടെ അരുകിലെത്തിയായിരുന്നു ഷാജിയുടെ മാസ് ഡയലോഗ്. അവനെ കാലനൊന്നുമല്ല കൊണ്ടുപോയത്. നമ്മളൊക്കെ കൊച്ചിയില്‍ അടിച്ചുപൊളിക്കില്ലേ,പ്രദീപിനെ കൊച്ചിയിലെ രാജാവാക്കില്ലേ നമ്മള്‍ എന്നായിരുന്നു പാഷാണം ഷാജി പറഞ്ഞത്.