പവന്‍ ജനുവിനാണെന്ന് രജിത് കുമാര്‍! കൂടെ നിന്നവര്‍ ചതിയന്‍മാരാണെന്ന് മനസ്സിലാക്കിയത് പുറത്തായപ്പോള്‍!

ആരും ജനുവിനല്ല

ബിഗ് ബോസ് വീട്ടില്‍ ആരാണ് ജനുവിനെന്ന ചോദ്യവും രജിത് കുമാറിനോട് അവതാരകന്‍ ചോദിച്ചിരുന്നു. അങ്ങനെയാരേയും തോന്നുന്നില്ലെന്ന മറുപടിയാണ് അദ്ദേഹം നല്‍കിയത്. 200 ശതമാനം ജനുവിനായാണ് താന്‍ ആ മത്സരത്തില്‍ പങ്കെടുത്തത്. ഷോയുടെ പിന്നണി പ്രവര്‍ത്തകര്‍ക്ക് ഇതറിയാം. അവര്‍ തന്നെ ഇതേക്കുറിച്ച് തന്നോട് പറഞ്ഞിരുന്നുവെന്നും രജിത് കുമാര്‍ പറയുന്നു. അവിടെ മത്സരിക്കുന്നവരില്‍ പലരുടെയും ലക്ഷ്യത്തെക്കുറിച്ചും അദ്ദേഹം തുറന്നുപറഞ്ഞിരുന്നു.

സത്യസന്ധതയോടെ

ഇമേജിന്റെ ചട്ടക്കൂടിലും തരികിടകളിലും വക്രതകളിലുമൊക്കെയാണ് പലരും കഴിവ് തെളിയിച്ചത്. എന്ത് കളിക്കുമ്പോഴും അതിന് നീതിബോധം വേണം. ആത്മാര്‍ത്ഥതയും സത്യസന്ധതയും വേണം. കുരുട്ട് ബുദ്ധിയിലൂടെ വിജയിച്ചാലും അത് അധികകാലം നിലനില്‍ക്കുമെന്ന് വിശ്വസിക്കുന്നില്ല. നീതിബോധത്തോടെയും സത്യസന്ധതയോടെയുമായാണ് താന്‍ ബിഗ് ബോസ് നിന്നതെന്നും അദ്ദേഹം പറയുന്നു. ഇതുപോലെ ആരും അവിടെ നില്‍ക്കുന്നില്ല. അങ്ങനെയാണ് തോന്നിയിട്ടുള്ളത്.

കൂടെ നിന്നവര്‍

കൂടെ നിന്നവര്‍ പോലും ചതിയന്‍മാരാണെന്ന് പുറത്തിറങ്ങിക്കഴിഞ്ഞതിന് ശേഷമാണ് മനസ്സിലാക്കിയത്. പുറത്തുപോയതിന് ശേഷം അവര്‍ എന്നെ കൂടുതല്‍ സ്‌നേഹിച്ചു. എന്നോട് കൂടുതല്‍ സ്‌നേഹവും കരുതലും കാണിച്ചു. എനിക്ക് അതൊന്നും അപ്പോള്‍ മനസ്സിലായിരുന്നില്ല. ഇങ്ങനെയൊക്കെയാണെങ്കിലും ഒരാള്‍ തനിക്കൊപ്പം ഉറച്ചുനിന്നിരുന്നുവെന്നും ഇന്നും ആ സൗഹൃദം അതേ പോലെ ഒപ്പമുണ്ടെന്നും രജിത് കുമാര്‍ പറയുന്നു.

Recommended Video

എല്ലാവരുടെയും സ്നേഹത്തിന് നന്ദി പറഞ്ഞു രജിത് കുമാർ | Oneindia Malayalam

പവനെക്കുറിച്ച്

പവനെക്കുറിച്ചായിരുന്നു രജിത് കുമാര്‍ പറഞ്ഞത്. കുറച്ച് നാളേയുണ്ടായിരുന്നുള്ളൂവെങ്കിലും അവന്‍ നല്ല സ്‌ട്രോംഗായിരുന്നു. ആരെയെങ്കിലും എടുത്ത് പറയണമെങ്കില്‍ അവിടെ ജനുവായിട്ടുള്ളത് പവനാണ്. പവന്‍ ആത്മാര്‍ത്ഥയുള്ളവനാണ്. പുറത്തുപോവുന്നത് വരെ രജിത് കുമാറിന് ശക്തമായ പിന്തുണയായിരുന്നു പവന്‍ നല്‍കിയത്. പവന്‍ പോവുന്നതില്‍ തനിക്ക് സങ്കടമുണ്ടെന്ന് രജിത് കുമാര്‍ പറഞ്ഞിരുന്നു. പുറത്തെത്തിയ രജിത് കുമാറിനെ കാണാന്‍ ലാവണ്യയും പവനും എത്തിയിരുന്നു.