അമൃതയോടും അഭിരാമിയോടും ഷാജി പറഞ്ഞത് തറ ഭാഷ! തുറന്നടിച്ച് രജിത്ത് കുമാര്‍

അമൃതയുടെയും അഭിരാമിയുടെയും കഥാപാത്രങ്ങളായ ഒറ്റവെട്ട് ഓമന, ഒറ്റപ്പെട്ട് തങ്കമ്മ എന്നിവര്‍ എന്റെ സെറ്റപ്പാണ്. ഞാന്‍ കേരളത്തില്‍ വരുമ്പോള്‍ ഇവരുടെ കൂടെ മാറി മാറി താമസിക്കും. എനിക്ക് വേണ്ടി ഇവര്‍ അടിക്കൂടും. ഇങ്ങനെയായിരുന്നു പാഷാണം ഷാജി കഴിഞ്ഞ ദിവസം പറഞ്ഞത്. ഇത് ടാസ്ക്കിന്റെ സമയത്ത് ആരും വലിയ ചര്‍ച്ച ആക്കിയിരുന്നില്ല. എന്നാല്‍ ടാസ്‌ക്ക് കഴിഞ്ഞ് അമൃതയും അഭിരാമിയും ഇക്കാര്യം രജിത്തിനോട് പറഞ്ഞിരുന്നു.

ഷാജി ചെയ്തത് ചീപ്പായി പോയി എന്നാണ് അപ്പോള്‍ തന്നെ രജിത്തും അവിടെയുണ്ടായിരുന്ന സുജോയും പറഞ്ഞത്. പാഷാണി ഷാജിയുമായി വര്‍ഷങ്ങള്‍ നീണ്ട പരിചയമുളള ആളാണ് അമൃത. ഇക്കാര്യം അമൃത മറ്റുളളവരോട് തുറന്നുപറഞ്ഞു. ഇതിനിടെ അഭിരാമിയും ചില കാര്യങ്ങള്‍ പറഞ്ഞു. ആ പരിചയത്തിന്റെ പേരിലാണ് അങ്ങനെ പറഞ്ഞതെന്ന് പറഞ്ഞേക്കാം. പക്ഷേ ഇത് അങ്ങനെ കളയേണ്ടതല്ല. ഇത് ഞാന്‍ സംസാരിക്കും. അഭിരാമി പറഞ്ഞു.

Recommended Video

Bigg Boss Malayalam Seaon 2 Day 52 Review | FilmiBeat Malayalam

തുടര്‍ന്ന് ഇതേക്കുറിച്ച് രജിത്തും സുജോയും തമ്മില്‍ സംസാരം നടന്നു. ഇന്നലെ വന്ന പെണ്‍കുട്ടികളോട് ഷാജി പറഞ്ഞത് തറ ഭാഷയാണെന്നാണ് രജിത്ത് സുജോയോട് പറഞ്ഞത്. ഷാജി ഇങ്ങനെ പറയുമെന്ന് പ്രതീക്ഷിച്ചില്ലെന്നും വളരെ ലോ ലെവല്‍ പ്രസ്താവനയായിരുന്നു അതെന്നും ഇരുവരും പറഞ്ഞു. ആ സമയത്ത് എന്തുക്കൊണ്ടാണ് പ്രതികരിക്കാതിരുന്നതെന്ന് സുജോയോട് രജിത്ത് ചോദിച്ചു.

താന്‍ പ്രതികരിച്ചാല്‍ അത് ഗെയിമിന്റെ ഭാഗമാണെന്നും ഇവിടെയും പ്രശ്‌നങ്ങള്‍ ഉണ്ടാക്കുകയാണെന്നും സ്വരങ്ങള്‍ ഉയരുമെന്നും സുജോയാണെങ്കില്‍ ആ പ്രശ്‌നമില്ലെന്നും രജിത്ത് പറഞ്ഞു. ഈ വിഷയത്തെക്കുറിച്ചുളള ചര്‍ച്ചകള്‍ ഇപ്പോള്‍ ബിഗ് ബോസ് വീട്ടില്‍ സജീവമാണ്. പാഷാണം ഷാജിക്കെതിരെ സോഷ്യല്‍ മീഡിയയിലും വലിയ വിമര്‍ശനം വരുന്നുണ്ട്. ഇത്രയും മോശമായൊരു കമന്റിന് എന്തുക്കൊണ്ട് ചിരിച്ചും കയ്യടിച്ചും ഇവരെല്ലാം പ്രോല്‍സാഹനം നല്‍കുന്നതെന്ന് ആളുകള്‍ ചോദിക്കുന്നു.