പ്രണയത്തിനും വിവാഹത്തിനും സാധ്യതകളുണ്ട്! ബിഗ് ബോസിലെ അടുത്ത കപിള്‍സിനെ കണ്ടെത്തി മത്സരാര്‍ഥികള്‍

ഇതിനിടെ ഫുക്രു ഒളിഞ്ഞ് നോക്കിയത് പ്രദീപ് കണ്ടുപിടിച്ചിരുന്നു. ഇതില്‍ കൂടുതല്‍ ഒരു സംഭവം കാണാന്‍ ഇല്ലെന്ന് പറഞ്ഞാണ് പരീക്കുട്ടി ബാത്ത്‌റൂമിലേക്ക് എത്തുന്നത്. രേഷ്മയ്ക്ക് 30 വയസ്, പ്രദീപിന് 38 വയസ്. കുഴപ്പമൊന്നുമില്ല. വിവാഹം കഴിക്കാമെന്നും ഇനി പൊന്നൂസ് എന്ന് വിളിച്ച് രേഷ്മയുടെ പുറകേ പോവരുതെന്ന് പരീക്കുട്ടിയോട് വീണ ഉപദേശിച്ചു. എല്ലാ ബിഗ് ബോസിലും അങ്ങനെ ഒരു പ്രണയം ഉണ്ടാവും. ആദ്യം പേര്‍ളി ശ്രീനിഷ്. ഇനി രേഷ്മ-പ്രദീപ് എന്നാണ് പരീക്കുട്ടി പറഞ്ഞത്.

Recommended Video

Bigg Boss Malayalam : എലീനയെ കരുതിക്കൂട്ടി അറ്റാക്ക് ചെയ്യുന്നതോ ? | FilmiBeat Malayalam

ഇതിനിടെ പ്രദീപിന്റെ ദേഹത്ത് ലിപ്‌സ്റ്റിക്കിന്റെ കളര്‍ കണ്ട് എല്ലാവരും ചോദ്യം ചെയ്യാന്‍ എത്തി. ഞാന്‍ ലിപ്സ്റ്റിക് ഇട്ടിട്ടില്ലെന്ന് രേഷ്മ പറഞ്ഞെങ്കിലും ആര്‍ക്കും ഇവരെ വെറുതെ വിടാന്‍ ഉദ്ദേശമില്ലായിരുന്നു. അവള്‍ അല്ല എനിക്ക് തന്നത്. അത് മറ്റൊരാള്‍ ആണെന്ന് പ്രദീപ് പറഞ്ഞ് രക്ഷപ്പെട്ടു. സത്യത്തില്‍ ഫുക്രുവാണ് ആരും അറിയാതെ പ്രദീപിന്റെ കഴുത്തില്‍ ലിപ്സ്റ്റിക് തേച്ചത്. എല്ലാവരോടുമായി ഫുക്രു തുറന്ന് പറയുകയും ചെയ്തു.

അവന് ഇഷ്ടപ്പെട്ടില്ലെങ്കില്‍ ദേഷ്യമാണ് വരിക. ഇതിപ്പോ അവന് ഒരു ചിരിയൊക്കെ മുഖത്ത് ഉണ്ട്. അതിന് മറ്റെന്തോ അര്‍ഥമുണ്ടെന്ന് ആര്യയും വീണയും തമ്മില്‍ അടക്കം പറയുന്നു. രേഷ്മയെ രഹസ്യമായി വിളിച്ച് വീണ ഇക്കാര്യം സ്ഥിരികരിച്ചു. പ്രദീപുമായി പ്രണയത്തിലാണോ എന്ന ചോദ്യത്തിന് അറിയില്ലെന്നായിരുന്നു ഉത്തരം. പിന്നീട് പ്രണയിക്കാന്‍ എനിക്ക് വിരോധമില്ലെന്നാണ് രേഷമ പറഞ്ഞത്.

എല്ലാവരുടെയും കളിയാക്കലുകള്‍ ഇരുവരും ഏറ്റെടുത്തിരിക്കുകയാണ്. ഡൈ ചെയ്തതിന് ശേഷം കുളിക്കാന്‍ കയറിയ പ്രദീപിന്റെ അടുത്ത് ഓരോ കാര്യങ്ങളുമായി വീണയും ഫുക്രുവും എത്തിയിരുന്നു. രേഷ്മ പറഞ്ഞ കാര്യങ്ങള്‍ അതുപോലെ തന്നെ ഇരുവരും പ്രദീപിനോട് പറഞ്ഞെങ്കിലും അദ്ദേഹം തമാശയായിട്ടേ അതൊക്കെ എടുത്തുള്ളു. കുളി കഴിഞ്ഞതിന് ശേഷം തിരിച്ച് വന്ന് പ്രദീപിനെ എല്ലാവരും കളിയാക്കി. ഇതോടെ ഇനി ഞാന്‍ രേഷ്മയെ മോളൂ എന്നേ വിളിക്കു എന്ന് പ്രദീപ് പറയുന്നു.