അതെനിക്ക് ഇഷ്ടമല്ല! അങ്ങനെ ചെയ്യണ്ട! രജിത്ത് കുമാറിന് നേരെ പൊട്ടിത്തെറിച്ച് രേഷ്മ! വീണ്ടും സംഘര്‍ഷം!

പുതിയ വഴക്ക്

ബിഗ് ബോസില്‍ വീണ്ടും വഴക്ക് തുടങ്ങുകയാണെന്നുള്ള വിവരങ്ങളാണ് പുറത്തുവന്നിട്ടുള്ളത്. ചാനല്‍ പ്രവര്‍ത്തകര്‍ പോസ്റ്റ് ചെയ്ത പുതിയ പ്രമോയിലൂടെയാണ് ഇക്കാര്യം വ്യക്തമാവുന്നത്. സോഷ്യല്‍ മീഡിയയിലൂടെ ഇതിനകം തന്നെ വീഡിയോ വൈറലായി മാറിക്കഴിഞ്ഞിട്ടുണ്ട്. രജിത്ത് കുമാറും രേഷ്മയുമാണ് ഇത്തവണ വഴക്കിടുന്നത്. ഇതിന് പിന്നിലെ കാരണങ്ങളെക്കുറിച്ച് അറിയാനായി കാത്തിരിക്കുകയാണ് എല്ലാവരും.

ജോലി ചെയ്യുന്നത്

എന്റെ ജോലി എന്താണെന്ന് എനിക്കറിയാമെന്നും താന്‍ തന്റെ ജോലി ചെയ്താല്‍ മതിയെന്നുമായിരുന്നു രജിത്തിന്റെ മറുപടി. എനിക്കെന്റെ കമ്പിളി തൊടുന്നത് ഇഷ്ടമല്ല, അപ്പോ ഇയാള് പറഞ്ഞാല്‍ മതിയെന്ന് രജിത്ത് വീണ്ടും ആവര്‍ത്തിക്കുന്നതും പ്രമോയില്‍ കാണുന്നുണ്ട്. അത് പറഞ്ഞല്ലോ, കുട്ടി അത് മനസ്സിലാക്കാന്‍ ശ്രമിക്കൂ, അല്ലാതെ ചാടിക്കടിക്കാന്‍ വരികയല്ല വേണ്ടതെന്നും രജിത്ത് മറുപടി നല്‍കുന്നുണ്ട്. ഒളിഞ്ഞും തെളിഞ്ഞുമായി പലരും രജിത്ത് കുമാറിനോട് അനിഷ്ടം പ്രകടിപ്പിക്കുന്നുണ്ട്. അതിനിടയിലാണ് പുതിയ സംഭവവികാസങ്ങള്‍.

രജിത്തിനോടുള്ള അനിഷ്ടം

പരസ്യമായും രഹസ്യമായും രജിത്തിനെക്കുറിച്ച് തുറന്നടിക്കുകയാണ് മത്സരാര്‍ത്ഥികള്‍. രജിത്തിന്‍റെ പെരുമാറ്റവും നിലപാടുകളും സംസാരവുമൊന്നും ശരിയല്ലെന്നാണ് പലരും പറയുന്നത്. അദ്ദേഹത്തെ കാണുന്നതോ സംസാരിക്കുന്നതോ ഇഷ്ടമല്ലെന്നുള്ള വിലയിരുത്തലുകളും പുറത്തുവന്നിരുന്നു. തന്‍റെ കാര്യങ്ങളും ചെയ്യാനുള്ള കാര്യങ്ങളും ചെയ്താണ് അദ്ദേഹം മുന്നേറുന്നത്.

Recommended Video

Bigg Boss Malayalam Season 2 Day 16 Review | FilmiBeat Malayalam

ശക്തമായ പിന്തുണ

ബിഗ് ബോസില്‍ ശക്തമായ പിന്തുണയുമായി മുന്നേരുന്ന മത്സരാര്‍ത്ഥികളിലൊരാളാണ് രജിത് കുമാര്‍. അമ്മയെക്കുറിച്ച് പറയുമ്പോഴല്ലാതെ മറ്റൊരിക്കലും താന്‍ സങ്കടപ്പെടാറില്ലെന്നും അദ്ദേഹം പറഞ്ഞിരുന്നു. അമ്മയുടെ അവസാന സമയത്തെക്കുറിച്ച് പറഞ്ഞ് അദ്ദേഹം കഴിഞ്ഞ ദിവസം വികാരധീനനായിരുന്നു. എലീനയോടായിരുന്നു അദ്ദേഹം ഇതേക്കുറിച്ച് പറഞ്ഞത്. അമ്മയ്ക്ക് വേണ്ടിയുള്ള ജീവിതമാണ് തന്റേതെന്നും താരം പറഞ്ഞിരുന്നു.