രജിത് സാറിന് എന്തെല്ലാം പരിക്കുകള്‍ പറ്റിയതാണ്! നീതി കിട്ടിയില്ലെന്ന് പറഞ്ഞ് സിനിമാ താരങ്ങള്‍

'പണ്ഡിറ്റിന്ടെ 'ബിഗ് ബോസ്സ്' നിരീക്ഷണം. പാവം ഡോ. രജിത് സാര്‍ പരിപാടിയില്‍ നിന്നും ഔട്ടായതില്‍ വിഷമം ഉണ്ടേ. ഇത്തവണത്തെ വിന്നര്‍ ആകുമെന്നും ഫ്ളാറ്റ് അദ്ദേഹം തന്നെ നേടുമെന്നാണ് കരുതിയത്. പക്ഷേ സാറിനെ ഇടിച്ചവനെ ടാസ്‌കിന്ടെ ഭാഗമെന്നും പറഞ്ഞ് വെറുതെ വിട്ടു, രണ്ടാമത് കൈ ഒടിയാന്‍ കാരണമായവരെ ടാസ്‌കിന്ടെ ഭാഗമാണെന്ന രീതിയില്‍ വെറുതെ വിട്ടു. എന്നാല് സാറിന്റെ ഭാഗത്ത് നിന്ന് ഒരു തെറ്റു സംഭവിച്ചപ്പോള്‍ ഉടനെ പറഞ്ഞ് വിട്ടു.

അപ്പോള്‍ ടാസ്‌കിന്റെ ഭാഗമെന്ന നീതി കിട്ടിയില്ല. രജിത് സാറിനു എന്തെല്ലാം പരുക്കുകള്‍ പറ്റിയതാണെന്ന് കൂടി ഒര്‍ക്കണമായിരുന്നു. ഒരു അധ്യാപകനെ ഇങ്ങനെ പ്രേക്ഷകരുടെ മുമ്പില് തേജോവധം ചെയ്യണ്ടിയിരുന്നില്ല. ഈ വിഷയം ഇങ്ങനെ ഊതി വീര്‍പ്പിച്ചു അയാളെ അപമാനിച്ചു നാണം കെടുത്തേണ്ടിയിരുന്നില്ല.

(വാല്‍ കഷ്ണം.. അകത്തായാലും, പുറത്തായാലും രജിത് സാറിന് കട്ട സപ്പോര്‍ട്ട്. ഒരേ ഒരു രാജാവ് രജിത് സാര്‍ ആണേ. ഞാനിതു വരെ അദ്ദേഹത്തെ കണ്ടിട്ടില്ല. ഉടനെ കാണണമെന്ന് ആഗ്രഹിക്കുന്നു. നിങ്ങള്‍ കയറിക്കൂടിയത് കോടിക്കണക്കിനു വരുന്ന മലയാളികളുടെ ഹൃദയത്തിലാണ്. നിങ്ങള്‍ എവിടെയും തോല്‍ക്കുന്നില്ല സാര്‍)' എന്നും സന്തോഷ് പണ്ഡിറ്റ് പറയുന്നു.

'നേരത്തെയും രജിത് കുമാറിന് പിന്തുണ നല്‍കിയിട്ടുള്ള മുന്‍ബിഗ് ബോസ് താരം ഷിയാസും ഈ പുറത്താക്കലിനെ കുറിച്ച് പ്രതികരിച്ചു. ജനത്തിന്റെ മനസില്‍ ഇന്നും വിജയം നേടിയ ആള്‍ നിങ്ങള്‍ തന്നെയാണ് സാര്‍ നിങ്ങള്‍ മാത്രം... ഷോയില്‍ നിന്നിരുന്നു എങ്കില്‍ കപ്പ് ഈ സാറിന് തന്നെയാണ് എന്നത് ഉറപ്പാണ്. രാജ്യം നഷ്ടപ്പെട്ട രാജാവ് ജനങ്ങളുടെ മനസിലെ രാജാവ്. എന്നുമാണ് ഷിയാസ് പോസ്റ്റ് ചെയ്തിരിക്കുന്നത്'.

ഇവരെ കൂടാതെ രജിത്ത് ഫാന്‍സിന്റെ നേതൃത്വത്തില്‍ വലിയ പ്രതിഷേധമാണ് നടക്കുന്നത്. ബിഗ് ബോസ് നീതി കേട് കാണിച്ചെന്നാണ് കൂടുതല്‍ പേര്‍ക്കും പറയാനുള്ളത്. ഒപ്പം രജിത്ത് പുറത്ത് പോയത് നന്നായി എന്ന് പറയുന്നവരും ഉണ്ട്. എന്തായാലും വിജയ സാധ്യത ഉള്ളതും ഏറ്റവും വോട്ട് ലഭിച്ചിരുന്ന മത്സരാര്‍ഥിയായിരുന്നു രജിത് കുമാര്‍. അദ്ദേഹത്തിന്റെ പിന്തുണ കണ്ട് വീട്ടിലുള്ള മറ്റ് മത്സരാര്‍ഥികള്‍ ഒരു ടീം ആയി. ഇപ്പോള്‍ അവരും കടുത്ത നിരാശയിലാണ്.