സഹോദരിമാരുടെ വരവില്‍ ഡൗണായി ബിഗ് ബോസ് അംഗങ്ങൾ; ഗുണമായത് ഡോക്ടറിന്, കാരണം...

Recommended Video

Bigg Boss Malayalam Seaon 2 Episode 54 Review | FilmiBeat Malayalam

ബിഗ് ബോസ് ഹൗസിൽ പകുതി ദിനങ്ങൾ കഴിയുമ്പോഴാണ് അമൃതയും സഹോദരി അഭിരാമിയും ഹൗസിൽ എത്തുന്നത്. വന്ന ദിനം മുതൽ ടാസ്ക്കുകളിൽ ഇവർ സജീവമായിരുന്നു. ബിഗ് ബോസ് ഹൗസുമായും ടാസ്ക്കുകളുമായും ഇവർ വളരെ വേഗം തന്നെ പൊരുത്തപ്പെടുകയായിരുന്നു. ഇത് മറ്റുള്ള മത്സരാർഥികളിൽ അസ്വസ്ഥത സൃഷ്ടിച്ചിട്ടുണ്ട്. വന്ന് വിരലിൽ എണ്ണാവുന്ന ദിവസങ്ങൾ കഴിയുമ്പോൾ തന്നെ അഭിരാമിയും അമൃതയും ഹൗസിനുള്ളിലെ ചർച്ച വിഷയമായിട്ടുണ്ട്.

‌ഇവളുമാർ വന്നതു മുതൽ തന്നെ താൻ ഡൗൺ ആണെന്ന് ആര്യ പറഞ്ഞു. ഫുക്രു, വീണ, ആര്യ എന്നിവർക്കിടയിൽ നടന്ന സംഭാഷണത്തിലാണ് അമൃതയും അഭിരാമിയും ചർച്ച വിഷയമായത്. അവര്‍ ഭയങ്കര നെഗറ്റീവാണെന്നായിരുന്നു ആര്യ പറഞ്ഞത്. അതെന്താ അങ്ങനെയെന്നും ആര്യയ ചോദിക്കുന്നു. വരുന്നവരൊക്കെ രജിത്തിനൊപ്പമേ നില്‍ക്കുകയുള്ളൂവെങ്കിലും അവര്‍ ബാലന്‍സ് ചെയ്താണ് നില്‍ക്കുന്നത്. ഇവര്‍ക്കതില്ലാത്തതാണ് അതിന് കാരണമെന്ന് ഫുക്രു പറഞ്ഞു. എന്നാല്‍ സൂരജ് അങ്ങനെയാണെന്ന് വീണ പറഞ്ഞപ്പോള്‍ അതുകൊണ്ടാണ് എനിക്ക് അവനോട് റെസ്പെക്ട് ഉള്ളതെന്നും ആര്യ പറഞ്ഞു.

അവർ നമ്മളോട് മിണ്ടാതിരിക്കുമ്പോൾ നമ്മൾ നെഗറ്റീവ് ആണെന്നുള്ള തോന്നൽ മറ്റുള്ളവരിൽ ഉണ്ടാകും. ഇവർ വന്നപ്പോൾ വലിയ പ്രതീക്ഷയായിരുന്നു. അമൃത സോഷ്യൽ മീഡിയയിൽ സജീവമല്ലെങ്കിലും അഭിരാമി ഭയങ്കര സ്ട്രോങ് ആയിരുന്നു. ഇൻസ്റ്റഗ്രാമിൽ പോസ്റ്റൊക്കെ ഇടുമ്പോൾ വളരെ ബോൾഡായി തന്നെ കാര്യങ്ങൾ വെട്ടിത്തുറന്ന് പറയുകയും നിലപാട് എടുക്കുകയും ചെയ്യുന്ന ആളായിരുന്നു. എന്നാൽ ഇപ്പോൾ എന്ത് പറ്റി എന്ന് അറിയില്ല. . എന്ത് വേണം എങ്ങനെ വേണം എന്നൊന്നും മനസിലാകുന്നില്ലെന്നായിരുന്നു വീണ പറഞ്ഞു.

അഭിരാമിയുടേയും അമൃതയുടേയും വരവ് ഏറ്റവും ഗുണം ചെയ്തത് ഡോക്ടർ രജിത് കുമാറിനാണ്. അദ്ദേഹത്തിന്റെ വാക്കുകൾ കേൾക്കാൻ കേൾവിക്കാരെ ലഭിച്ചിരിക്കുകയാണ്. രജിത്തിനൊപ്പം ചേർന്ന് ഗെയിം കളിക്കുന്നില്ലെങ്കിലും ഡോക്ടറുമായി തർക്കങ്ങൾക്ക് ഇവർ മുതിരാറില്ല. അതിനാൽ തന്നെ ഇരുവരുടെയും നിലപാടിലും നിലനില്‍പ്പിലും രജിത് സന്തോഷവാനാണ്.