ഹൗസിൽ വന്ന് പോകുന്നത് നിരവധി പേർ, ബിഗ് ബോസ് ഷോ അവസാനിപ്പിക്കാന്‍ കാരണം ഇതാണ്

മാധ്യമ പ്രവർത്തക സിനിത ദേവദാസിന്റെ വീഡിയോയിലാണ് ഷോ അവസാനിപ്പിക്കാനുള്ള കാരണം വ്യക്തമാക്കിയിരിക്കുന്നത്. മത്സരാർഥികളെ കൂടാതെ 300 അധികം ആളുകൾ ബിഗ് ബോസ് റിയാലിറ്റി ഷോയുടെ പിന്നണിയിൽ ജോലി ചെയ്യുന്നുണ്ട്. ചെന്നൈയിലെ ഇവിപി ഫിലിം സിറ്റിയിലാണ് ബിഗ് ബോസ് ഷോ നടക്കുന്നത്. ഫിലിം സിറ്റി ആയതു കൊണ്ട് തന്നെ നിരവധി സിനിമ ഷൂട്ടിങ്ങുകളും മറ്റും ഇവിടെ നടക്കുന്നുണ്ട്. അതിലെ ഒരു വീട് മാത്രമാണ് ബിഗ് ബോസ് ഹൗസ്. ഈ വീടിനു ചുറ്റും നിരവധി കെട്ടിടങ്ങളും ആളുകളും തമസിക്കുന്നുണ്ട്.

മൂന്നൂറിലധികം ആളുകളാണ് ഷോയിൽ വർക്ക് ചെയ്യുന്നത്. ഷോയുമായി ബന്ധപ്പെട്ടുള്ള ആളുകൾ താമസിക്കുന്നത് ഹൗസിനു തൊട്ടടുത്തുള്ള ഒരു ഫോർ സ്റ്റാർ റിസോട്ടിലാണ്. 18 ഏക്കർ ചുറ്റപാടിൽ നിൽക്കുന്ന ഫോർ സ്റ്റാർ റിസോട്ടിന് തൊട്ട് അടുത്ത് തന്ന അമ്യൂസ്മെന്റ് പാർക്കുണ്ട്. ഇവിടെ വിദേശികളും കുട്ടികളുമടക്കം നിരവധി പേർ പാർക്കിൽ എത്തുന്നുണ്ട്. കൂടാതെ അണിയറ പ്രവർത്തകർ‌ താമസിക്കുന്ന റിസോട്ടിലും വിദേശത്ത് നിന്നെത്തുന്ന നിരവധി ആളുകൾ താമസിക്കുന്നുണ്ട്.

ബിഗ് മത്സരാർഥികളെ കൂടാതെ നിരവധി പേർ പുറത്ത് നിന്ന് വീട്ടിൽ എത്തുന്നുണ്ട്. ടാസ്ക്കിന്റെ ഭാഗമായുള്ള ജോലികൾക്കും മറ്റുമാണ് ഇവർ വീട്ടിനുള്ളിൽ എത്തുന്നത്. അതു പോലെ തന്നെ ക്രുവിലുള്ള അംഗങ്ങൾക്കുള്ള ഭക്ഷണവും മറ്റും ഒരുക്കുന്നതിനായി ക്യാന്റ്റീൻ സംവിധാനവും അവിടെ ഒരുക്കിയിട്ടുണ്ട് . ഇപ്പോഴത്തെ സാഹചര്യത്തിൽ ബിഗ് ബോസ് ഷോ അവിടെ തുടർന്ന് നടത്താൻ സാധിക്കുകയില്ല.

Recommended Video

എല്ലാവരുടെയും സ്നേഹത്തിന് നന്ദി പറഞ്ഞു രജിത് കുമാർ | Oneindia Malayalam

വെള്ളിയാഴ്ചയോട് കൂടി ഷോ അവസാനിപ്പിക്കുമെന്നാണ് ഏറ്റവും ഒടിവിലായി ലഭിച്ച റിപ്പോർട്ട്. മത്സരാർഥികളേയും അണിയറപ്രവർത്തകരേയും തിരിക നാട്ടിൽ സുരക്ഷിതമായി എത്തിക്കാനുള്ള നടപടികൾ നിർമ്മാതാക്കളുടെ ഭാഗത്ത് നിന്ന് ആരംഭിച്ചിട്ടുണ്ട്. മികച്ച പ്രേക്ഷക സ്വീകര്യതയായിരുന്നു രണ്ടാം ഭാഗത്തിന് ലഭിച്ചിരുന്നത്.