മണിക്കുട്ടനും നോബി ചേട്ടനും പൂണ്ടു വിളയാടിയ ടാസ്ക്ക്, ബിബി യൂണിവേഴ്‌സിറ്റിയെ കുറിച്ച് അശ്വതി

ലില്ലിയായി ഡിംപലും ഹൃദയകുമാറായി അഡോണിയും എത്തി. കോളേജ് അസംബ്ലിയോടെയായിരുന്നു ടാസ്‌ക് തുടങ്ങിയത്. അസംബ്ലിയില്‍ പ്രിന്‍സിപ്പല്‍ കാര്യങ്ങള്‍ വിശദീകരിക്കുന്ന സമയത്ത് ഒരു സൈഡില്‍ ഇരുന്ന് കൗണ്ടറടിക്കുകയായിരുന്നു മണിക്കുട്ടനും നോബിയും. വിദ്യാര്‍ത്ഥികളായി എത്തിയ മറ്റുളളവരും അവര്‍ക്കൊപ്പം കൂടി. തുടര്‍ന്ന് ഓരോ അധ്യാപകരുടെയും ക്ലാസുകള്‍ നടന്നു. മോറല്‍ സയന്‍സ് അധ്യാപകനായാണ് ഫിറോസ് ഖാന്‍ എത്തിയത്. ഡാന്‍സ് ടീച്ചറായി റംസാനും, സംഗീത അധ്യാപികയായി റിതു മന്ത്രയും, പിടി ടീച്ചറായി മജ്‌സിയ ഭാനുവും എത്തി. ലിറ്ററേച്ചര്‍ ടീച്ചറായാണ് എയ്ഞ്ചല്‍ എത്തിയത്.

കിട്ടിയ ടാസ്‌ക്ക് മികച്ചതായാണ് ഇത്തവണ എല്ലാവരും ചെയ്തത്. കൂടാതെ മിക്കവരും പരസ്പരം പ്രശംസിക്കുകയും ചെയ്തു. അതേസമയം ബിബി യൂണിവേഴ്‌സിറ്റി ടാസ്‌കിനെ കുറിച്ച് നടി അശ്വതിയുടെതായി വന്ന പോസ്റ്റ് വൈറലായി മാറിയിരുന്നു. ബിഗ്ഗ്ബോസ് എന്ന പരിപാടിയോടുള്ള ഇഷ്ടക്കൂടുതല്‍ കൊണ്ടുതന്നെ രാത്രി തന്നെ നെറ്റില്‍ അപ്ലോഡ് ആയ എപ്പിസോഡ് കണ്ടൂവെന്ന് അശ്വതി പറയുന്നു.

കലാലയം കണ്ടപ്പോള്‍ പെട്ടന്ന് മനസ്സിലേക്ക് സീസണ്‍ 2വിലെ അവസാനത്തെ സ്‌കൂള്‍ ടാസ്‌ക് എന്തോ മനസ്സില്‍ വന്നു. മണിക്കുട്ടന്‍ ആന്‍ഡ് നോബി ചേട്ടന്‍ അങ്ങ് പൂണ്ടു വിളയാടി കൌണ്ടറുകള്‍ കൊണ്ട്. അതില്‍ ചിലര്‍ എല്‍കെജി പിള്ളേര്‍ ആണോന്നു തോന്നിപ്പിക്കും വിധം ഓവര്‍ ആരുന്നു.

Recommended Video

നോമിനേഷൻ ആഘോഷമാക്കി സജ്നയും ഫിറോസും | Filmibeat Malayalam

അതിനിടയില്‍ സജ്നയുടെ ടോണ്‍ മാറിയപ്പോള്‍ ആഹ് ഈ ടാസ്‌കിന്റെ കാര്യത്തിലും തീരുമാനം ആയെന്ന് കരുതിയതാണ്, എന്തോ അതങ്ങു ഒതുങ്ങി, എല്ലാരും നല്ലപോലെ ടാസ്‌ക് ചെയ്തു. പ്രേമ നാടകം ഓള്‍റെഡി പ്രേക്ഷകരോട് ഞങ്ങളിത് സ്ട്രാറ്റെജി ആണേ എന്ന് മൊഴിഞ്ഞു തന്നത് കൊണ്ട് എന്തോ കാണുമ്പോ ഒള്ളതാണോ ഇല്ലയോ എന്ന ഡൌട്ട് ആണ്. ഇന്ന് ഇനി ഭാഗ്യചേച്ചിടെ ദിവസമാണ് ടാസ്‌കില്‍ ??കാണാം എന്തൊക്കെ സംഭവിക്കും എന്ന്, അശ്വതി കുറിച്ചു.